Ons het toe nie die volgende gehaal nie, omdat dit begin reën het ( teen die
weervoorspellers se mening), en omdat Mark Boucher glo nie besef het hy moes
nog slegs een lopie aanteken nie. Hy het dus nie eers 'n hou probeer speel
met die laaste bal nie.
Toe speel ons gelykop, en daarom is ons uit.
Help my nou hier met logika.
Die weer steek nie op met so 'n vreeslike vaart nie, en al sou dit, was daar
al klaar die stats beskikbaar hoeveel lopies aangeteken moet word om te kan
gelykop speel, sou dit reën na 15 boulbeurte.
Dus, toe Boucher en Klusener opgestap het, moes elkeen geweet het hoeveel
lopies nog benodig word.
Of die inligting is nooit aan hulle gegee deur die kaptein of die afrigter
(s) nie, of hulle het altwee vergeet, of hulle weet nie wat die verskil is
tussen gelykop en wen nie.
Ek's terug. Ek kan skaars regop sit, maar ek's hier. Jislaaik wat 'n
gemors was hierdie trek nie! Ons het toe uiteindelik 3:00 Saterdag more
hier by ons nuwe huisie aangekom. As die trek lorrie daar was 7:00 Vrydag
oggend sou ons vroeer hier gewees het nie, maar toe daag die donner eers
14:30 daar by ons op. Om alles erger te maak pas alles nie op sy lorrie
nie, toe moes ons inderhaas 'n trailer gaan huur en self die goed verder
daarop laai. Ons moes twee keer Midrand toe en terug!
Hier gekom, ruik die huis die ene urine. Iemand het al twee weke terug in
die hoofslaapkamer se toiler "gepiepie" en nie gebodder om die toilet te
trek nie - die goed was al swart! Daarby het die eenvoudige stuk skuim op
die sitplek gepie en dit nie skoongemaak nie. Die deksel het aan die
sitplek vasgekleef. Net daar en dan sê ek vir my man ek sit nie op daai
gemors nie. Ek het probeer skoonmaak, maar ek het maar nog steeds gegril!
Saterdag het ek vir my 'n nuwe sitplek vir die toilet gaan koop.
Die mense was seker die vuilste lot wat ek nog in my lewe gesien het. Die
kombuiskaste is seker laas skoongemaak toe hulle hier ingetrek het (so 7
jaar terug), die oond het seker maklik 4 jaar se aangepakte olie en gemors
in gehad (die's darem nou skoon) en onder die toilet se "rim" sit jare se
aangepakte gemors. Ek sukkel nog steeds om dit af te kry. Ek's al deur 'n
bottel Domestos, 'n bottel toilet duck en 'n bottle Handy Andy in 'n poging
om daai vieslike gemors te probeer afkry. Dit kom so bietjie-bietjie af met
'n geskrop.
Die matte is gate ingebrand, dis vuil en hulle was nie eers gepla gewees om
dit te suig voor ons hier in is nie.
Ek wonder wie het hierdie elektriesie sertifikaat geteken, want die
"switchie" vir die een buitelig werk nie, die ding gaan af, dan spark hy en
dan gaan die lig af, daar's 'n permanente "lead" wat buitekant toe loop (dis
teen die wet) en daar's twee stukkende muurproppe. Die seël vir die oond is
ook missing.
Ek kan nie glo enige mens (wit of swart) het so geleef nie. Ek kan nie glo
'n vrou sal haarself op so 'n vuil toilet neerplak nie! Ag nee siessa!
Maar ons is hier en die kombuis en die badkamer is darem nou blinkskoon -
volgende op die lys is my slaapkamer en dan die kantore. Sal maar bietjie
later worry oor die "granny flat".
My ma het my goeie raad gegee, jy kry sulke goed met die naam "Clean Green"
dis in 'n groen bottel. Die goed het beter gewerk in die oond as "oven
cleaner", so as julle hardnekkige vuilgoed het, probeer dit - dit haal selfs
vlekke uit die bad uit.
Is daar iemand hier wat heksery beoefen?
Blykbaar is daar wit hekse en swart hekse - rassistiese lot.
Dan is daar blykbaar die Wicans wat dink hulle is goeie hekse of so iets.
Ek vra maar, want 'n vriendin van my in die VSA het so hande-vashou in 'n
kringetjie om 'n hopie klippe byhebring, en sy dink dis maar net 'n klomp
verdwaalde siele wat nie die alledaagse lewenswyse kan hanteer nie, dus soek
hulle iets anders ( maar hulle weet nie eintlik wat nie) vir opwinding.
Ek meen nou maar, wat is die nut om 'n heks te wees as jy nie op 'n besem
kan rondvlieg en 'n groen brousel in 'n seeppot kan kook nie?:))
Ek het 'n nuwe idee oor 'n taalunie van Vlaandere, Nederland en
Suid-Afrika:
*Die ganse bevolking van Nederland en Vlaandere leer Afrikaans praat
en skryf en ons maak die Afrikaans die offisiële taal in Nederland en
Vlaandere. Dit sou nie so moeilik wees nie: die Nederlanders en
Vlaminge kan dit doen in 'n paar maande want hulle leer die Afrikaans
baie gemaklik aan. Die woordeskat van Nederland en Vlaandere wat nog
nie bekend is in Afrikaans nie word in Afrikaans oorgeneem en in
geafrikaniseerde vorm aan die woordeskat van die Afrikaans toegevoeg.
Dit is vir die taalrykdom en dit sou die woordeskat van die Afrikaans
so 'n tien persent groter maak. Die bevolking van Vlaandere en
Nederland sou baie gelukkig wees want hulle sou die spelling baie
gemakkeliker vind as die spelling van die taal wat hulle nou praat.
Sodoende word ook die Afrikaans baie groter. Nou praat slegs 5,5
miljoen mense die Afrikaans en dan sou ineens 27 miljoen mense die
taal praat. Dis is al nie meer so'n klein taaltjie nie en dit sou die
kultuur van die Afrikaans baie konsolideer in die wêreld.
Ek sou dit in die teenwoordige tyd nie eens so 'n slegte idee vind
nie: dis 'n tyd van rasionalisasie, eenmakings, vereenvoudigings,
ensovoorts, ensovoorts. Dis sou nie teen die tydsgees wees nie.*
Saterdagoggend sê Clive Rice toe op TV3 wat ek al lankal voel - we applaud
mediocrity.
Wat is dit dat mens nou kamstig nie meer die krieketspan mag uitkryt as
hulle droogmaak nie?
Wie is die regte ondersteuners - die wat vir die span laat weet hulle is nie
so goed as wat hulle dink nie, of die wat "agter die span staan" en tevrede
is met wat ook al opgedis word?
Ek gee nie om as my span goed speel en dan verloor nie. Maar as 'n
paaltjiewagter skielik nie meer balle kan vang nie en as 'n kaptein met
hangskouertjies en koppie af na die grond op die veld stap, dan moet iets
daaraan gedoen word.
Met die spelers moet bestuur en afrigter moet hul tyd gebruik om die
probleem met die spelers aan te spreek en reg te stel, nie dit gebruik om
joernaliste te skakel en uit te vreet omdat hule dit durf waag om die span
te kritiseer nie.
Die nuwe verskoning is glo dat daar te veel druk op die span is.
Blykbaar verkeer die ander spanne nie onder druk nie.
Miskien moet ons spelers se gesinne en huise ook gedreig en bedreig word,
sodat hulle werklik kan weet wat dit is om onder druk te speel - soos Indië
skielik begin beter speel het.
'n Goeie vriend met 'n voorliefde vir boeregrappe is op soek na 'n
kopie van "Die Poepwedstryd" (ek dink dit het in die Paarl
plaasgevind). Is daar iemand wat kan help?
Dankie
Betistia
Supertaal
Blog
Soek
Hulp
Lede
Registreer
Teken aan
Tuis
RSS
