Die outjie kom sit by die haarkapper vir 'n haarsny en dié merk op dat sy
hare eintlik nog nie so lank is nie en wil weet of hy op pad is iewers
heen.
Ja, sê hy, hy gaan Rome toe.
Wil die haarkapper weet wat hy daar wil loop soek.
Nee, sê hy, hy gaan die pous sien sodat lg. hom kan seën.
Weet die haarkapper te vertel dat hy sy tyd mors, want eerstens sal die
pous hom nie verwerdig om hom te sien nie en boonop het hy gehoor die pous
is nie baie vriendelik met Suid-Afrikaners nie. En baai-de-whei, hoe
beplan jy om in Rome te kom?
Hy gaan met Alitalia vlieg, sê die outjie. Fout, sê die haarkapper. Dis
die swakste redery in die wêreld. Hulle vlugte is altyd laat en hulle
verlê omtrent almal se bagasie. En hulle het die lelikste lugwaardinne wat
jy kan indink, met sulke bosse swart hare wat onder hulle kieliebakke
uithang. En boonop is hulle kos aaklig. En waar beplan jy om te bly en hoe
gaan jy by die Vatikaan uitkom?
Sommer 'n hotelletjie daar neffens die Colosseum, vanwaar ek te voet
Vatikaan toe sal gaan.
Nog 'n groter fout! Italiaanse hotelle is almal hole waar hulle jou te
veel laat betaal en jy besteel word. En nooit as te nimmer moet jy dit te
voet waag Vatikaan toe nie. Daar is sakkerollers op straat en die verkeer
is iets verskrikliks. Daai Italianers met hulle Fiats en Maserati's voel
vere vir voetgangers, jy soek jou dood.
Ses weke later is die outjie terug by die haarkapper. En toe, hoe was jou
trip?
Wonderlik, sê die outjie. Alitalia was stiptelik op tyd, hulle
lugwaardinne is van die mooiste meisies wat ek nog gesien het, daai
pastadisse was uit die boonste rakke, en my bagasie het ek in 'n japtrap
gekry.
En die hotel?
Fantasties! Hulle het my op die hande gedra en aan absoluut al my
behoeftes voldoen.
En het jy toe by die Vatikaan uitgekom?
Ja, die verkeer was nogal druk, maar die Italiaanse bestuurders is
ongelooflik bedagsaam teenoor voetgangers - een ou het my sommer opgelaai
en daar langs St. Pietersplein gaan aflaai.
En het jy die pous te siene gekry?
Ja, hy het afgekom van daai balkonnetjie af en met ons in die skare kom
gesels. Hoogs beïndruk gewees om vir 'n slag 'n Suid-Afrikaner daar raak
te loop.
En het hy jou geseën?
Ja, hy het my laat kniel en altwee sy hande so bo-op my kop gesit.
Wat sê hy toe?
"Onse liewe vader, wie de donner het jou hare so opgeneuk?!"
Iemand meld in een van die koerante gister dat Onse Prez sedert Januarie nog
nie sy voet landuit gesit het nie.
Waar hy voorheen goedsmoeds vir elke krisis wêreldwyd op sy vliegtuig geklim
het om te gaan help, moes die hulpsoekendes die afgelope 2 maande SA toe kom
vir oplossings. Selfs Zuma moes in sy plek na die lyk van die pous gaan kyk
het.
Die skrywer vra of daar iets verkeerd is met sy vliegtuig.
Riaan skryf:
So paar maande gelede het ek gesê, ek wonder hoe lank die NG nog gaan
bestaan aangesien dit op daai staduim gemiddeld 5 plasings per dag gehad
het, en nou ewe skielik is hier 'n klomp nuwe mense (of is dit 'n klomp oues
met nuwe name)
Groete
Riaan
............................................................ ............................................................ ........................
Ek het verdwyn vir 'n jaar. Eergister het ek besluit om gou weer te loer.
Toe vloek ek vir klaar weer vir Max. Ek verwyt niemand hier nie, maar die ng
werk vreeslik negatief in op my. Ek's nie hiervoor gebou nie. Ek weet nie
hoe Dave, Gloudina, Ferdi, Max, Annette en nog ander so ure kan deurbring op
die groep nie. Waar kry julle die tyd en die krag?
My lewe het verander vandat ek van die vervlakste rekenaar afgeklim het. Ek
kom selfs voor 22:00 in die kooi.
Vanaand huil ons net met een oog:))
Die Bulle en Stormers moet maar vliegtuie vol ondersteuners saamvat as hulle
daar oorkant gaan speel.
--
Groetnis
Annette
Life is uncertain - eat dessert first
ann...@ctnet.co.za
Ek is lid van die Henning-familiebond en ontvan elke maand 'n nuusbrief
waarin die prestasies van die Hennings en hulle talentvolle kinders van tyd
tot tyd besing word.
Ek sal egter graag 'n studie wil maak van die lede van hierdie familie wat
met die gereg gebots het (van hulle hoor 'n mens mos nooit nie).
Is dit moontlik om sulke name en die aard van hulle misdade van iewers af te
kry? Iets soos 'n sentrale misdaadregister? Weet iemand?
Supertaal
Blog
Soek
Hulp
Lede
Registreer
Teken aan
Tuis
RSS
