bouwer wrote:
>
> Natuurlik is daar 'n McDonalds in Parys. Een op die
> Left Bank, al vir dekades
>
> Gloudina Bouwer
En as ek reg onthou, is dit die een wat kwansuis so tien jaar gelede die
muis in die vleis opgelewer het... en geruime tyd daarna as MacMouse
bekend gestaan het.
Elsa
--
Egbert Raubenheimer
EgR Software Consultants CC
2O Leeuwenvoet Rd FAX: 2721-249637
CAPE TOWN Email: e...@aztec.co.za
Dit laat 'n mens effens treurig voel om die
volgende kort gedig van Pirow Bekker te lees:
TAALMAUSOLEUM
Van al my land se droewighede,
neef Boerneef en oom Wyk,
is vir my die ergste ene die:
ons taal - die welgekerkte kind,
ons abbahart in elkedagse stryd -
word oustryk weer en meer as ooit
geklipwerk as 'n lyk.
Meer as 'n honderd jaar gelede het mense ook
gepraat daarvan dat Afrikaans gedoem was. Toe
het J. Lion Cachet vol optimisme gepraat van die
toekoms van Afrikaans in "Die Afrikaanse Taal."
Hy het in die gedig gesê hoe Afrikaans soos 'n
boere-nooi is, by wie almal eintlik aanlê in plaas
van by haar "sussie wat uit Holland kom" en haar
niggie met die stywe nek "wat loop in rooi satyn."
Die gedig eindig met die volgende strofe:
Want ek het onder in myn kis
'n Ware towerstaf,
Wat ek nog van myn ouma het,
En niemand weet daaraf.
Hef ek die staf op, "Moedertaal",
Dan volg die land my na:
En ek is netnou koningin
Van heel Suid-Afrika!
'n Mens weet natuurlik dat Afrikaans uiteindelik
as offisiele voertaal aangeneem is in die twintiger-
jare, iets waarvan Cachet maar net kon droom. 'n
Mens weet natuurlik ook van die tragedie van die
tweede gedeelte van die twintigste eeu, toe blinde
en meedoënlose taalhandhawers ons lieflike taal
in ander se kele wou afdwing, met tragiese gevolge,
en met negatiewe politieke gevolge vir die Afrikaner
self. 'n Mens kan maar net hoop dat die toekoms vir
ons taal iets beter inhou as wat die doemprofete voor-
spel.
I need someone living in Hamburg, Germany to teach me afrikaans ! As a
german I understand every word, but.... I don't speak more than:
"Ek praat nie afrikaans nie" or
"Ek won in Kerkstraat"
If you can help me or know anyone, please send me an eMail !
I need this, because we run a guest fram in Namibia and want to speak and
not only to listen to the people !!!
Ek sal moontlik eersdaags 'n huis koop. My vraag is: kan 'n mens al
hierdie onnodige items soos hereregte, oordraagkostes ens omseil? Wat is
die voordele (indien enige) van 'n beslote korporasie as jy 'n huis koop?
Enige topaslike menings sal waardeer word.
Kanada is eintlik 'n baie snaakse geografiese
eenheid. Sommige van sy provinsies is baie klein,
ander baie groot. Ek dink die hele New Brunswick
kan in die Kruger-wildtuin inpas. Jy kan in 'n paar
uur die hele Prince Edward Island van noord na suid
platry. Die hele Suid-Afrika kan egter in Quebec in-
pas. Ontario is amper een-vyfde van die oppervlakte
van die V.S.A. (Die Iroquois het dit Kanadario ge-
noem - die land van die vonkelende waters. Meer as
een-sesde van Ontario bestaan uit riviere en mere.)
In 1999 word die "Northwestern Territories" verdeel
in 'n oostelike deel en 'n westelike deel. Die deel in
die ooste, waar die Inuit woon, sal Nunavut genoem
word. Nou vra hulle in die N.W.T. vir voorstelle vir
'n naam vir die westelike deel. Op die oomblik is die
naam wat meeste mense voorstel "Restavit."
Ja, ons Kanadese het 'n sin vir humor, ten spyte van
die feit dat mense aan Kanadese dink as oninteressante
ernstige mense, wat elke sin eindig met "eh?" Mense
dink ons Kanadese dink dat om 'n goeie tyd te he^, is
om 'n bietjie "peace keeping" erens in die wereld te
gaan doen, hoe gevaarliker hoe beter. Maar niks kan ver-
der van die werklikheid wees nie. Ons voer komedie uit
as 'n kommoditeit net soos hout en minerale. Van die
hoogs betaalde komediante in die V.S.A. is Kanadese.
Jim Carrey is Kanadees. Matthew J. Fox is van Vancou-
ver. Lesli Nielson, moet ek tot my skaamte erken, is 'n
Kanadees, nogal die broer van 'n bekende en deur almal
beminde politikus.
Ons voer nie net humor uit nie. Die " pin up boy"
van die Persiese Golf- oorlog, die "Scud Stud" was
Arthur Kent, 'n Kanadees wat vir N.B.C. gewerk het.Die
opvolger van die legendariese Walter Cronkite by C.B.S.
is Peter Jennings, 'n Kanadees wat nie eens sy matriek ge-
maak het nie.
My held is egter nie een van bogenoemde nie. My Kana-
dese held op die oomblik is Matthew Coon Come. Hy is die
leier van die Cree in die noordelike deel van die provinsie
van Quebec. Hy moet in sy veertigerjare wees, maar hy lyk
jonk en "sexy," veral as hy ernstig is. Hy het eiehandig die
Quebec-regering in die laaste dekade beveg, toe hulle begin
planne maak om groot riviere in die noorde van Quebec op
te dam en tonne geld te maak deur die ekstra elektrisiteit aan
New England te verkoop. Hy het na die Amerikaners gegaan
en hulle begin oortuig dat hulle nie moet staatmaak op al die
beloftes van die Franssprekende Quebeckers van die suide nie.
Die Amerikaners het hulle kontrakte met Quebec begin her-
sien, en begin om maatreëls te tref om elektrisiteit te bespaar.
Matthew Coon Come staan ook reg. As die Franse inwoners
van suidelike Quebec hulself onafhanklik verklaar, behou
hy die reg voor dat die Cree hulleself ook onafhanklik kan
verklaar van Quebec.
Daar, dis nou 'n voorbeeld van watter soort dinge "turn on"
Kanadese vroumense. Of ten minste hierdie een.
Donald Riekert vind sy dig-omgewing in die
somtyds dorre gebiede van die noordwestelike deel
van Suid-Afrika. Hier volg 'n gedig van hom oor
die dood:
WEGWEES
Sou ook eendag
die wegwees verbyskuif
soos wolke bo
kameeldorings en
lappe lappe soetgras
'n paar druppels
uit 'n losbui aflaai
en dan vort op die wind
die grysblou lug in
sonder hoop
net maar 'n spatsel
koel skaduwee
wat wegraak
As iemand wat die noordwestelike Kaap se
hittige somers in haar jeug ondervind het, weet
ek watter spesiale kwaliteit skaduwees in daar-
die halfwoestyndele het. Skaduwees was meer
as net die afwesigheid van die son. Skaduwees
het 'n outoriteit gehad, skaduwees het gewag vir
jou met 'n boodskap dat daar dinge in die heelal
is wat konstant is, al wissel die tye van die dag
en van die seisoene. Dit ontroer my dat Riekert
die skaduwee gebruik om die mens se verblyf op
hierdie aarde te beskryf.
Linkse IDASA het regses na onderhandelings gelei en BKA verlam
------------------------------------------------------------ ---
OPSIENBARENDE inligting is bekom oor hoe 'n beweerde front van die
"Nasionale" Party
(NP) in 1992 en 1993 gebruik is om die Konserwatiewe Party (KP) en
ander politieke
organisasies aan die regterkant by die vredesonderhandelings met die
ANC-SAKP betrek te
kry en die BKA (Boerekrisisaksie as 'n potensiële geweldsfaktor uit
te skakel.
************************************************************ *****************
ANC verklaar oorlog teen Pretoria
DIE uitspraak van die ANC se nuwe burgemeester van Groter
Pretoria, Joyce Ngele, dat hulle Afrikaner-standbeelde gaan
afbreek en straatname verander, is 'n oorlogsverklaring teen die
Afrikaner wat nie onbeantwoord gelaat sal word nie. Alhoewel
hierdie raad geen seggenskap oor hierdie aangeleenthede het nie,
is die blote feit dat hulle hulle aangematig het om dit te sÂ,
reeds 'n aanduiding van die ingesteldheid van die ANC om die
Afrikaner uit te daag.
Dit is die Stadsraad van Pretoria wat seggenskap het oor
hierdie sake, en nie Groter Pretoria nie. Daar is reeds sprake
daarvan dat Pretorianers gaan weier om hulle belasting aan die
Metropolitaanse Raad, wat by die maandelikse munisipale rekening
ingesluit is, te betaal.
Ngele se onverantwoordelike uitsprake is ondersteun deur Donsie
Khumalo, ANC-sweep in die Metropolitaanse Raad. Hy het
gesuggereer dat waar hulle nie die mag het om hierdie
veranderinge aan te bring nie, die stadsrade van die ANC in die
Pretoriase stadsraad die gedagte steun, en dat daar 'n
gesamentlike ANC-strategie beplan word om hierdie "simbole van
apartheid" te verwyder. Hy verwag ook steun van ander partye (NP
en VF). Hulle het hulle nie daarteen uitgespreek nie.
Die Vryheidsfront in die Groter Pretoriase stadsraad was direk
vir hierdie debakel verantwoordelik toe hulle hulle steun vir
Ngele in die burgemeestersverkiesing toeges het. Hulle het vir
haar, en teen 'n blanke gestem in ruil vir die pos van onder-
burgemeester. Hulle beskik oor die magsbalans, en het die finale
s gehad oor wie verkies sou word. In die verkiesing van die
Pretoriase stadsraad het hulle weer vir die blanke gestem teen
die ANC. Dit word as die toppunt van opportunisme bgestempel.
Een van die lede van die VF wat vir die swart vrou, Ngele as
burgemeester gestem het, is Alma ChiolÂ, vrou van Joseph ChiolÂ,
'n LP van die VF.
Die feit dat die ANC bereid is om so luidrugtig te raak oor 'n
saak waaroor hulle geen seggenskap het nie, is 'n bewys van die
vurige rassehaat waarmee hulle teen die Afrikaner vervul is.
Praatjies van versoening is net lippetaal wat vir naÂewe lede van
die NP en die VF bedoel is.
Ngele het die indruk geskep dat sy omgeswaai het wat betref die
verwydering van die standbeeld van pres. Kruger. Die joernalis
van die Sunday Independent, wat dit oorspronklik gerapporteer
het, bly egter by haar berig. Ngele het dit werklik gesÂ.
Buitendien is die uitsprake van Donsie Khumalo dat die standbeeld
van adv. JG Strijdom verwyder moet word, die algemene beskouing
van die ANC.
Die drif waarmee die inwoners van Pretoria die dreigement van
die verwydering van hulle erfenis uit hulle stad ontvang het, is
egter 'n duidelike waarskuwing aan die ANC dat hy sy pote van
hierdie dinge moet afhou. Hy sal sy vingers verbrand, en hy gaan
seerkry.
Ook die Vryheidsfront wat vir die verraad verantwoordelik was
om hierdie swart vrou in te stem as burgemeester, het die
gramskap van Afrikaners op hulle neergehaal.
Ons tuisblad het op 26 September 1996 begin. Ons het in die klompie
weke 'n aantal oulike en kostelike kinder sê-goed daar kwyt geraak. As
jy graag 'n opsomming van alles wil sien, e-pos net vir my 'n kort
briefie na dm...@pixie.co.za en ek stuur dit sommer gou vir jou.
Jy kan natuurlik ook vir ons tuisblad gaan kuier by:
Op 25 November vier P J Philander sy 75ste
verjaarsdag. Hier volg 'n gedig van hom.
SKEPPING
Die eerste dag het hy 'n kluitjie glas
vir sy blaaspyp uit die oond gehaal
en volgens plan met een asemstoot
dit in 'n wereld omskep op sy leervoorskoot.
Vervolgens visse, voels, in die see, in die lug
met die fynste snywerk onder sy tug
gebring en alles wat loop en kruip
vreedsaam by dieselfde pan laat suip.
Die sesde dag 'n sterk figuur
na sy eie beeltnis uit die vuur
met blaaspyp en stafie glas
tussen die dye laat was.
Alle onsuiwerhede in die sand
op die sewende dag in die vuur verbrand
en in die doodse stilte van sy saak
oor grootser planne aan droom geraak.
Dit ontroer my altyd so wanneer daar gesê word
dat die mens in die beeltnis van God gemaak is.
Die implikasie is dan dat ons ook deel van God
aanskou, wanneer ons die mens aanskou. Dit ont-
roer my dat Liefde (in die vorm ook van caritas,
nie net amor nie) deel van die skepping is. Nie net
as 'n intellektuele konsep nie maar, soos Teilhard
de Chardin dit wil sien, 'n phylum in die ewolusie
van die mensdom.
Supertaal
Blog
Soek
Hulp
Lede
Registreer
Teken aan
Tuis
RSS
