Ervaar die wildernis van die Weskus. Hondeklipbaai.
Ten volle toegeruste chalets. Slaap 4 persone.
Jetmaster en braaigeriewe. Ryke seelewe (kreef , mossels en vis)
Vir meer inligting : enh...@intekom.co.za
Nou die dag kry ons 'n brief van Bill Booth.
Bill en sy vrou bly in Bar Harbor, Maine. In die
brief vertel Bill dat hy in Zulu gedroom het, die
nag nadat sy seun vir hulle vertel het dat hy vir
hulle later in die jaar na Suid-Afrika gaan neem.
Bill sê van sy droom: "You'd be surprised how
good my vocabulary and intonation turned out!"
Om sy verbasing te verduidelik, moet 'n mens
weet dat Bill en Zilpha Suid-Afrika laas in 1964
gesien het. Bill was predikant op Adams Mission
toe ek hom ontmoet het. Die Amerikaanse Sending-
stasie was alreeds daar gedurende die tyd van die
Voortrekkers. (Andrew Lindley was een van hulle.)
Bill Booth het Zulu goed genoeg geken om daarin
te preek. Hy kon hom ook bedien in Afrikaans.
As die wette van apartheid en die inmenging
van Bantoe-Onderwys nie daar was nie, sou Bill en
sy vrou en kinders nou nog in SA gebly het. Hulle
het twee kinders in SA aangeneem, kinders wat nou
nog voel dat hulle eintlik Afrikaners is - hulle het
albei suspisie dat hulle natuurlike ouers Afrikaners
was. Maar in 1964 het hulle besluit om SA te verlaat,
omdat hulle nie langer in so 'n land wou bly nie.
Ek luister so na wat sommige mense op die nuus-
groep praat van ekspatriate en dat hulle geen reg het
om nog wortels in SA te hê nie. Ek wil vir hulle sê:
dink aan Bill Booth, 'n Amerikaner wat in Zulu droom.
'n Amerikaner wat heelwaarskynlik sy Afrikaans in sy
kop oefen, sodat hy die taal kan praat wanneer hy daar
aankom later hierdie jaar.
Ek het nie vergeet van my ou vriend Charl se digbundel nie,
ek soek my gat af na die ding en ek kry dit nie,
(ons het na 'n ander huis getrek).
Ek het ook baie baie lank gelede gesê ek sal vir Koos (dis Koos nr 1)
vertel van Sydney, ek moet net nog daarby uitkom.
Intussen soek ouens soos Herman onnodig moeilikheid met my....
Hy dink ek en jy is dieselfde..
(miskien help dit as jy hom vertel jy is 'n vrou en ek 'n man...)
Die aanhaling oor Mao tse Tung is waar hoor! (maar my vry vertaling).
Die Marxisme en kommunisme het nogal baie te sê oor vroue-uitbuiting,
dis eintlik inherent aan Kapitalisme om die vrou (en andere) uit te buit.
Marxisme staan die emansipasie van ALMAL voor,
terwyl die pienk liberaliste in die Weste gedurig almal in
kompartemente verdeel: "gelyke" regte vir vrouens, swartes,
homoseksuele, minderheidsgroepe, regte vir diere ens. ens.
Daarom het ek meer simpatie met die Marxistiese ideaal van
vryheid en emansipasie vir almal. Die Kapitaliste se perspektief
hieroor ondergrawe hul eie argumente.
Moenie dink oor ek nie tyd het vir feministe nie
dat ek nie teen die uitbuiting van vroue ens. is nie.
My ma is as 'n vrou uitgebuit toe sy as weduwee moes gaan werk
het om die pot aan die kook te hou, en daar is mense baie na aan
my wat, sê nou maar, "anders" is.
Maar wat my die moer in maak is bv. hier in Polities Korrekte Australie
(by gebrek aan ander politiese kwessies),
daar bv. lesbiese drukgroepe is wat sê dat lesbiese "egpare"
NET SO GOED en NET SO NORMAAL 'n kind kan grootmaak
as 'n man/vrou egpaar, en dat die staat (dis nou ons)
nog boonop moet betaal vir hul bevrugtingsoperasie!.
Want mens mag mos nie "diskrimineer" teen hulle nie. ens ens.
Dis mos nou sommer snert!
Ek het geen twyfel daaraan dat hulle 'n kind kan grootmaak nie,
maar dit is NIE dieselfde nie en vir die kind is 'n "GEWONE" egpaar beter!
En asof daar nie reeds genoeg wette is teen diskriminasie is nie,
moet daar SPESIALE wette gemaak word vir diskriminasie teen Homos.
En dan wil hul seker ook spesiale wette he^ vir swartes, en chinese,
en vietnamese en ex-pat suid-afrikaners ens ens....
(asof meer wette nou gaan help dat hul ophou met "poofter-bashing").
Nee wat ou sus, ek was my my lewe lank teen diskriminasie,
maar ek het nie tyd vir pienk liberaliste nie.
En ek sal nooit om verskoning vra omdat ek 'n ware man is nie.
Ek is nie 'n SNAG nie ("Sensitive New Age Guy").
(meisies sê hul gesels graag met SNAGS,
maar hulle gaan nie graag met hul bed toe nie)
Ek ruik nog na sweet, seesout en twak. (soms na aas ook)
En ek maak nog deure vir vrouens oop.
Vrouens is heerlik anders. Gelykheid se gat.
Ek koop vir my dogtertjie 'n pop en nie 'n lugdrukboor nie,
en my seun het nie 'n pienk teestel gekry vir kersfees nie.
Van elektroniese kontakdoos tot kontakdoos, vriendelike groete!
NS: Hoe lyk my e^ vir jou he^ ?
|
| ___/////
| / \ /|
| / O \ \/ |
J > / /\ |
\_________/ \|
\\\
Ek het op my tuisblad (http://www.pix.za/nakkie-die-nar)
vir my lesers gevra wanneer dat die volgende eeu begin.
Ek het lekker terugvoering ontvang. Gaan loer bietjie daar
in en lees wat die ouens dink. Sommige sweer op 1.1.2000
en ander sê: "Aikona, dit moet 1.1.2001 wees."
Wanneer dink jy moet jy jou klappers gaan koop om die
nuwe eeu te verwelkom?
Stuur my asseblief jou mening na dm...@pixie.co.za
Ek sou graag wou weet wat die onderwysbeleid van die nuwe regering is. In
"my tyd" was dit pover.
Miljoene moes onderwys "ondervind" in n taal wat nie hulle moedertaal was
nie, alhoewel in hul vaderland.
Ek dink hier is verandering ingetree? Kan die verskillende taalgroepe nou
onderrig word in hule eie taal ? (dit is n vraag) Ek kan my voorstel dat
dit waansinnig veel probleme bring. Ook die opleiding van leerkragte. Wie
doen die opleiding vir n groep wat haast geen opleiding geniet het nie. Wie
skryf die boeke, wie bepaal wat? En die GESKIEDENIS, vanuit welke
perspektief?
Ek was op Afrikaans hoër seunskool Pta. (alleenlik blankes, natch.) waar
ons n verwronge onderwys gehad het en ons daagliks vertel was dat ons die
room van die bevolking was. Meer fout kon die lerare nie gewees het nie.
Skuim eerder. Toe op Tukkies verder studeer. Dit was wanhopig en in
vergelyking swakker dan n gymnasium hier in Nederland. Later was ek dosent
aan UCT en by Wes-Kaap. Groot verskille tussen die universiteite m.b.t.
standaard, wat n direkte gevolg was van wetgeving. (Voor-skool, skool en
behuising van die studente (beroep van ouders) detrimenteel beinvloed deur
die wetgeving van die versufte landsregeerders) Was W.A. de Klerk nie
hiermee gemoeid nie?
Dit klink vir my asof die onderwysstelsel nou vir die "eerste keer" van die
grond af opgeset moet word vir die hele RSA. Ook is dit so dat onderwys
nie losstaan van die gehele bestel nie. Alles pril op die oomblik.
Onopgeleides moet oplei. Ongeduld van welke kant dan ook is ongepas op die
moment.Soook afbrekende kritiek. Dit lyk my juis om alle kragte te bundel
en te ondersteun.
Ten minste kan almal nou vrylik praat en hulle stem laat hoor en uitbring.
In "my tyd" was van my vriende en studente hiervoor in huisarres geplaas,
in tronke gesmyt en gemartel, was ons telefoons getap en was ons gereeld
bedreigd en versmaad. (ag dit is nou maar by the way want wie gee om; dis
mos verlede tyd en ons moet dit vergeet. Here and Now is al wat tel en wat
maak dit nou ook uit dat jou geliefdes dood is daar in die wye en droewe
land, of dat jy vir jare as....... o shit ek is nog n bietjie bitter, ek
werk daaraan. )
Met vriendelike groet
Xfiles
Nog n vraag: Is -seg- n gebruiklike woord in Afrikaans. Ek lees die woord
in vreemde kontekste op die ng.
Ek weet ek gaan OK wees,
ek weet ek gaan,
ek weet ek gaan by die reling
by Seepunt staan en kyk na die see
en draf tot by die vuurtoring
en die stink ruik
van Moeliepunt se vrot bamboes.
Ek gaan nog baie beach toe gaan
en Clifton se ware inspekteer,
en 'n designerslewe h^e,
my gesig gaan ruik na suntanlotion
as ek in die aand drinks drink
by die Ambassador,
en my vrinne gaan kom kuier
en rinkink tot laat,
want ek weet
ek gaan OK wees.
Supertaal
Blog
Soek
Hulp
Lede
Registreer
Teken aan
Tuis
RSS
