Net so 'n klein brokkie interesante nuus hier van uit die VSA. Daar
is deesdea 'n groot beweging weg van "amptelike" skoling en meer na
tuis skoling hier. Baie ouers is bekommerd oor die standaard van
skoling en verkies om eerder daardie taak self te verrig. Hulle vaar
ook heel goed lyk dit my
As ek reg is beteken dit op met iemand uit te gaan?
..
Hierdie frase is eintlik deel van my persoonlike woordeskat-repertoire .
Miskien moet ek so bietjie die
storie daaragter vertel.
Een van die groot liefdes in my lewe is 'n paar Amazone papagaaie. Ons het
hierdie *big love* aan die gang. Die wyfie het ek self getem (?) "tamed" en
sy's lieflik, saggeaard, mooi, en het nogal 'n groterige bek. Die mannetjie is
"hand reared" gekoop, maar is eintlik (soos mannetjies maar is, hehe)
gevaarliker. Hy maak nie so baie lawaai nie, maar byt sommer stilletjies raak.
Soms word hy, vir 'n rede wat net hy self sal weet, sommer bedonnerd. Dan
sprei hy sy stertvere wyd , maak homself "groot" om my bang te maak, en wil net
vir die "kill" gaan. Ek het al baie bloed deur hom verloor.
As ek sien hy begin so beneuk raak, dan hou ek hom vas aan die snawel en praat
baie mooi: "coooooome boy, o mama se boytjie, cooooome, kisskiss". Meestal
help dit net mooi niks. Jy't 'n vet kans om 'n soentjie te kry wanneer hy in
daardie luim is! Jy steek 'n vriendelike vinger uit na hom toe, en trek 'n
stomp terug. Maar, hoogs selde, sal hy so bietjie bedaar.
Meestal raak hy net al hoe kwater. Hy marsjeer op en af in so 'n toestand dat
jy bang is hy gaan homself iets aandoen. Maar dan byt hy sy vroutjie. Soms gooi
hy haar sommer uit woede van die "perch" af. Dan kom sit sy maar by my, omdat
sy bang is vir hom. As dit moontlik is, raak hy dan nog erger, (jalousie tree
in) en die vere bo-op sy kop gaan staan sommer penregop, en hy aap my baie
lelik na met "comeboycomeboycomeboy" en wil omtrent spinnekoppe spoeg. Ons
ignoreer hom dan, ek en sy (Mistral). Hy's heelemaal bossies.
Die aand as ek hom dan in die hok wil sit, en nag soen, is hy weer mammie se
baby boytjie, en baie liefdevol en vol soentjies. Die monster is skoon weg. Dan
*kisskiss* ons alte lekker, hy eet uit my bord en self uit my mond uit.
Maar terwyl die ding hom beet het, kan jy niks met hom aanvang nie. Net wag tot
hy weer homself geword het.
Nou, as ek dink iemand gaan dalk kwaad word, dan sê ek sommer gou *kisskiss* om
te wys ons is groot vriende, moet my tog asb nie byt nie! ;-) (Nie dat ek
Koos met 'n voël wil vergelyk nie).
Heer, waar U noordewind die droë dissel rol
en oor die skurwe brakland jaag van Afrika,
maar eindelik teen 'n doringdraad met pluksels wol
vaswaai terwyl die kraaie en die aasvoëls kla,
laat my ook ná die swerf oor vlaktes heen nou rus
en glo my kind is dood, al hoor ek die berigte
om my krys: "Ek het hom as matroos hier aan die kus..."
"Ek: as stoker op 'n trein..." "Ek: in vaal-geel ligte
van 'n steenkooldorp se kroeg nog nou die dag gesien...."
Glo omgekoop! Of hy sou skielik blink gesteentes
smokkel... blink gesteentes! Selfs dan... Nee, miskien
lê hy tog êrens dood; maar, Heer, dan die gebeente,
wys my, gee my die drag gebeente van my skoot
dat ek nie opgejaag deur hierdie land bly swerf
en soek, maar eindelik rus en weet hy het deur lood
onder twee mudsak ongebluste kalk gesterf.
Snags het ek soms gelê en vrees daar sou iets boos
oor hierdie kind nog kom, want in Middelburg se kerk
staan duidelik in die doopregister sy geboorte
nie na die stand van sy gesternte aangemerk.
En, soos wanneer jy tussen vinger en duim
die wit son rol en skitter in 'n diamant,
sou hy in Vrystaat en Transvaal se leiblou ruim
uit spieëls ons stryd laat blits en straal van rant tot rant.
Maar hy móés sterf: die Dood het self hom eers gejag
deur kou riviere van die Kaap, dwarsoor Anysberg
tot in die buitekamer op 'n plaas, waar hy een nag
in koue sweet moes lê en aan borswater sterf...
toe 'n tweede jagter hom van tent na trein, van trein
na tent met doringdraad en bajonet bewaak
en met gemete sorg van arts en medisyne
vir 'n tweede dood, o Heer, stadig gesond kon maak.
En ná die skynverhoor het hulle hom vertel....
voor Graaff-Reinet se sel. O Graaff-Reinet se sel!
Hy was gewone kryger, Heer, en geen rebel.
O Graaff-Reinet se sel... Eségiël! Eségiël!
.............
> Eina! Ouch! *sob* Ek sal nou in 'n hoek gaan sit en pruil. Maar
> eers moet
> ek my eendtjies almal in 'n ry kry. H-J, jy's nou die tweede persoon
> wat ons 4
> se name so in 'n "Doubles tennis " spel op daardie manier
> saamstring. Dus,
> neem ek aan dis die algemene indruk wat mense op hierdie groep het.
> Ek wil dit
> graag regstel, omdat ek voel dat dit 'n wanopvatting is - van my kant
> in elk
> geval.
>
Ek sou nie sê dis die algemene indruk nie. Soos wat ek in my boodskap
gesê het, dit is nog vars in my gedagte.
> Ek *haat* niemand nie. Ook nie vir Gloudina nie. Al maak sy my soms
> baie
> kwaad. EN ek _hou van_ Koos *kiss kiss*. Leendert is in hierdie
> geval nie
> ter sprake nie, omdat ek meestaal saamstem met wat hy sê.
>
Jammer, die haat - verwysing is 'n algemene verwysing na newsgroups.
Lees soc.sulture.south-africa of za.politics en jy sal beter voorbeelde
van haat teekom. Ek's jammer dat ek dit nie duidelik gestel het in my
oorspronklike boodskap nie.
> Ek voel dit het te doen met Respek. Ek respekteer jou standpunt, en
> Leendert
> s'n, en Koos s'n, maar die probleem kom in wanneer iemand , soos
> Gloudina, geen
> respek toon vir ander mense nie.
Sonder om 'n vinger na Gloudina te wys, dink ek jy het 'n redelike punt
hier. Respek is iets wat 'n skaars kommoditeit is op onse nuusgroepe.
Dankie vir daardie ontluiking. Dis waar wat jy sê. Mense respekteer nie
meer andere se standpunte nie, en ek kry die idee dat daar (miskien
vanweë die onpersoonlike aard van internet) ook 'n verlies aan respek
vir die basiese mensskap is. Klink dit bekend ?
[snip]
> Ek wil nou nie met jou baklei nie, H-J, maar ek hou nie daarvan om 'n
> "struweling" genoem te word nie. Dit is nie my geaardheid nie. Maar
> ek sal my
> man/vrou staan, wanneer ek voel iets is nie reg nie. As ek daardie
> beeld aan
> jou, en aan ander oorgedra het, is daar êrens fout, wat ek wil probeer
> regstel.
>
Ek's jammer dat jy dit so opneem, maar beteken dit nie dalk dat my
moaning dalk 'n uitwerking sal hê nie ? Ek moet jou bedank vir die
positiewe manier waarop jy reageer. Jy het die opsie gehad om my net te
flame en dan voort te gaan, maar jy't gekies om op 'n mooi manier my
tereg te wys, en jou kant van die saak te stel. Dit spreek boekdele oor
jou sterkte van karakter. (ek bedoel dit werkliik nie op 'n
'patronising' manier nie. )
> Kritiek is iets wat ek baie goed kan aanvaar, maar die manier waarop
> jy ons
> hierbo as 'n voorbeeld van "haat" en "struwelinge" gebruik het my wel
>
> seergemaak. As dit die indruk is wat ek geskep het, het ek erg
> gefaal in my
> pogings om hier te kommunikeer. Dan moet ek liewer 'n lang ruk gaan
> stilbly,
> tot ek besef waar ek verkeerd gegaan het, en tot ek beter weet hoe om
> dit
> volgende keer reg te kry.
>
Ek's jammer dat ek jou seergemaak het. Die voorbeeld van "haat" was,
soos bo verduidelik, swak deur my verduidelik. Struwelinge is myns
insiens nie so 'n sterk woord nie, en ek ervaar dit ook op 'n ligter
trant as, bv. "gevegte". "struwelinge" laat by my beelde van stoeiers
opkom, tewyl "gevegte" beelde van bloed in die strate ontlok.
> Verstaan asb., H-J, ek is nie kwaad oor wat jy gesê het nie, maar
> eerder geskok
> om te besef dat jy my in daardie lig sien.
Dit voel vir my al hoe meer asof my kritiek te kras was. As ek jou
respons met die van Gloudina vergelyk, spreek dit boekdele oor die
verskille tussen julle. Jou reaksie sê vir my dat die kritiek dalk wel
'n positiewe reaksie kan ontlok.
Ek hoop nie jy gaan weg/bly stil nie. Jou stem is vir my te nice om te
verloor.
On 8/27/97 3:51PM, in message , Henri-John
Kock wrote:
.snip
> ek voel dat onse internet in die
> afgelope ruk so 'n draer van haat geword het, dat dit tyd is om miskien
> een persoon iemand anders se lig te laat sien. Ek wil as voorbeeld die
> struwelinge in ons eie groep gebruik. Leendert en Gloudina en Koos en
> Vira en wie nog anders verval gereëld in beledigings en beskuldigings en
> teenbeskuldigings, wat myns insiens bandwydte mors, die bloeddruk opjaag
> en in die algemeen teenproduktief is. Die voorbeeld van Leendert et al
> word slegs as juis dit gebruik, omdat dit nog vars in my gedagtees is,
> maar bv. die storie met Bleah en ThotmesIII kan ook as voorbeeld dien.
> Dit voel vir my asof ons heeltyd mekaar kap, en dat ons nie kan toegee
> waar daar toegegee moet word nie. Dus verguis ons baie graag. So 'n
> jammerte.
>
.. snip
Eina! Ouch! *sob* Ek sal nou in 'n hoek gaan sit en pruil. Maar eers moet
ek my eendtjies almal in 'n ry kry. H-J, jy's nou die tweede persoon wat ons 4
se name so in 'n "Doubles tennis " spel op daardie manier saamstring. Dus,
neem ek aan dis die algemene indruk wat mense op hierdie groep het. Ek wil dit
graag regstel, omdat ek voel dat dit 'n wanopvatting is - van my kant in elk
geval.
Ek *haat* niemand nie. Ook nie vir Gloudina nie. Al maak sy my soms baie
kwaad. EN ek _hou van_ Koos *kiss kiss*. Leendert is in hierdie geval nie
ter sprake nie, omdat ek meestaal saamstem met wat hy sê.
Ek probeer altyd om vriendelik en vredelik te wees, met almal. Ons is almal
unieke mense, elkeen met sy/haar eie menings. Ons het almal 'n reg om daardie
menings te lig. Ek self is soms 'n baie kontroversieele mens, maar ek los
altyd plek vir die ander ou om vir my te sê hy stem nie saam nie. Of sy. Dalk
is hulle reg en ek verkeerd. Wie kan nou alles weet?
Ek voel dit het te doen met Respek. Ek respekteer jou standpunt, en Leendert
s'n, en Koos s'n, maar die probleem kom in wanneer iemand , soos Gloudina, geen
respek toon vir ander mense nie. Ek het nie skoor gesoek met Gloudina nie. Net
nie met haar saamgestem nie. Sy't aangehou pik aan my, (of so het dit gevoel)
tot sy my in 'n hoek gehad het, en ek moes myself verdedig. Het sy dan die
voorreg om dit aan ons te doen, en ons mag nie terug baklei nie? Koos ken die
kuns van mooi baklei. Gloudina nie. Ek neem nie aanstoot teen wat Koos sê
nie. Gloudina laat my voel of sy party van ons aanval met alles wat sy het, en
dan het ons nog nie eers begin baklei nie. Ek is nie 'n lafaard nie. Die
ander ook nie. Verder, was ek nie eintlik betrokke by 'n argument met haar
nie, maar sy het ons by name opgeroep om ons te takel: ".... Leendert, Wen en
Vira". Wat moes ons toe gedoen het? Jy sê self êrens in jou pos, dat dit nie
gaan help om iemand te "ignoreer of wegjaag" nie.
En tog weet ek, dat ons baie lekker kon gesêls met Gloudina. Oor baie dinge.
Miskien bedoel sy nie/weet sy nie hoe hard sy toeslaan nie. Of miskien is elke
bietjie daarvan doelbewus. Ek weet nie. Ek probeer haar verstaan. Ek weet
byv. dit kon nie maklik vir haar gewees het, om in die lig van USA televisie,
media , en die beeld wat hulle aan haar kinders gewys het , te kan verduidelik
oor dinge in SA nie. Maar ek voel sy kon ons dit op 'n sagter manier vertel
het. Ons het almal op 'n manier seergekry. Gloudina moet ook oop genoeg wees
om dit te kan verstaan.
Ek wil nou nie met jou baklei nie, H-J, maar ek hou nie daarvan om 'n
"struweling" genoem te word nie. Dit is nie my geaardheid nie. Maar ek sal my
man/vrou staan, wanneer ek voel iets is nie reg nie. As ek daardie beeld aan
jou, en aan ander oorgedra het, is daar êrens fout, wat ek wil probeer regstel.
Kritiek is iets wat ek baie goed kan aanvaar, maar die manier waarop jy ons
hierbo as 'n voorbeeld van "haat" en "struwelinge" gebruik het my wel
seergemaak. As dit die indruk is wat ek geskep het, het ek erg gefaal in my
pogings om hier te kommunikeer. Dan moet ek liewer 'n lang ruk gaan stilbly,
tot ek besef waar ek verkeerd gegaan het, en tot ek beter weet hoe om dit
volgende keer reg te kry.
Verstaan asb., H-J, ek is nie kwaad oor wat jy gesê het nie, maar eerder geskok
om te besef dat jy my in daardie lig sien.
Hier in Kanada was vir die afgelope dae die volgende
voorbladnuus: dat 'n psigiater van Toronto, Dr. Vivian
Rakoff, 'n ruk gelede vir 'n Liberale Parlementslid 'n
sielkundige profiel geskryf het van Lucien Bouchard,
die huidige premier van Quebec en voorheen die leier
van die Bloc Quebecois in die Federale Regering. Dr.
Rakoff, voorheen professor by die Universiteit van
Toronto en voorheen direkteur en hoof-sielkundige van
die Clark Institute, kom oorspronklik van Kaapstad.
Wanneer 'n mens nou die uittreksels uit wat hy gesê
het in die koerante lees, dan lees ek as Afrikaner sy uit-
sprake met 'n spesiale aandag. Hy praat daarvan dat die
Quebec nasionaliste 'n "contemporary disguise for old
longings" wil hê. Hy sê dat die Separatiste maar net op
die oppervlakte twintigste eeuse redes aanvoer vir 'n
aparte Quebec, maar dat hulle werklik gegrond is in
"yearnings grounded in blood, history, ancient wrongs,
triumphs, martyrs, songs and the sense of a shared fate."
Of wat hy sê waar is, wil ek nou nie hier op ingaan nie.
My Afrikaner-intuisie waarsku my egter dat Dr. Rakoff
heelwaarskynlik dieselfde diagnose sou gemaak het terug
in Suid-Afrika oor die lot en dade van die Afrikaner. Dis
baie maklik vir mense in 'n dominante groep om resep-
oordele oor ander te hê. Dit was die oordeel oor Afrikaners
gedurende die eerste deel van die twintigste eeu. Dit was
die geval met die fasiele oordele wat wit nasionaliste
gemaak het teenoor die begeertes en ambisie van die nie-
blanke deel van die SA bevolking in die tweede deel van
die eeu.
Die ware toestand van sake is gewoonlik baie meer
ingewikkeld. Daar is twee soorte federaliste: die wat wil
hê dat daar aan Quebec se behoefte om verskillend te
wees gehoor gegee moet word, dat hulle dus as "distinct
society" herken moet word, binne Kanada. Die ander groep
is meer militant, en wil duidelik maak dat die aksie van af
te skei onwettig sou wees in die howe, en dat as daar so 'n
verklaring van onafhanklikheid kom, die grense van die
huidige Quebec en moontlike afskei van sekere dele van
Quebec alles in geding sal kom. In albei hierdie kampe is
die hoofspelers Franse Kanadese, gewoonlik uit Quebec.
'n Mens moet die argument dus amper sien as 'n familie-
geveg tussen twee gedagterigtinge in die Franse familie.
Bostaande is darem ook 'n effense oorvervoudiging.
Om een groep 'n "distinct society" te verklaar, word hewig
teengestaan deur die westelike Kanadese provinsies en ook
deur die Eerste Nasies.
In alle geval, dit maak die Kanadese politiek interessant
op die oomblik. Vanoggend is die "Smile" in die Globe and
Mail: Entry on Lucien Bouchard in his High School Year
Book - "member of the class most likely to secede."
Laas wat ek gehoor het was WP hard op soek na twee nuwe slotte vir hulle
span, vir die voor- en agterdeur van Nuweland! my span (N. Tvl) het
natuurlik alreeds hulle s'n gaan koop...
Dries
Atlas` wrote in article
...
> Dis duidelik dat Hansie nog nie die jaar rugby gekyk het nie. :D)
> As hy die WP se rugby uistlae dié jaar volg...sal hy sien dat hulle
> juis een van die spanne is wat goed oppad is om volgende jaar weer
> oorsee te speel... (het Vrystaat nie nou die dag in Bloem teen WP
> verloor nie..?)
> Atlas`
>
> On Wed, 27 Aug 1997 07:41:51 -0700, ame wrote:
>
>> Vanoggend hoor ek op radio Oranje Hansie sê dat die WP die rugby veld op
>> Roben eiland herstel het. Hulle gaan glo daar oefen. Dit is blykbaar al
>> geleentheid wat hulle het om oorsee te speel!!!!
>>
>> ame
>
Supertaal
Blog
Soek
Hulp
Lede
Registreer
Teken aan
Tuis
RSS
