| in die hart van die afrikaner [boodskap #140136] |
Tue, 30 August 2022 13:46 |
Louis Basson
Boodskappe: 200
Geregistreer: June 2022
Karma: 4
|
Senior Lid |
|
|
gebore uit die stof van afrika
selfs vernoem na hierdie magtige vasteland
met lewende verwantskappe in europa
en ‘n kort geskiedenis uit asië
is afrikaans - my moedertaal
die enigste taal wat na ‘n vasteland vernoem is
‘n vasteland wat haar nie wil hê nie
maar haar soete klanke
weerklink reeds ver buite die grense van hierdie landmassa
dit is afrikaans - my moedertaal
om braaivleisvure en kombuistafels word stories vertel
in raadsale en kantore word debatte gevoer
op verhoë en straathoeke word liedjies gesing
en interessante toneelstukke opgevoer
in afrikaans - my moedertaal
die regering probeer regverdig
elke aanslag wat hulle voer
in staatskantore en aanklaglokale
en skole en hofsale
teen afrikaans - my moedertaal
gevul met die metafoor van hierdie pragtige taal
stap ons daagliks onder die afrika-son
om versoening en eenheid te bring
op ‘n vasteland vasgevang in rewolusie
deur afrikaans - my moedertaal
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
