| 30 JUNIE [boodskap #47306] |
Wo., 25 Julie 2001 16:46 |
Frikkie Potgieter
Boodskappe: 383
Geregistreer: Februarie 1997
Karma: 0
|
Senior Lid |
|
|
30 JUNIE
1854 - Eerste Parlementsitting in Kaapstad. Op hierdie dag is die
eerste verkose Parlement van die land in Kaapstad deur Lt.-goew.
Charles Henry Darling geopen. Tot dusver was Kaapland 'n
kroonkolonie onder Britse gesag en met weinig eie mag. Tussen 1834 -
1853 het 'n Wetgewende Raad sukkelend voortgegaan. Sedert 1846 is
egter daadwerklik gepoog om groter selfbestuur te bekom. In Maart
1853 het Engeland finaal die beoogde konstitusie bekragtig. Vanaf 1
Julie 1853 tot 1910 is die wet met beperkte verandering toegepas,
deur 'n laer- en 'n hoërhuis. Alle manlike, mondige Britse
onderdane - ongeag ras, kleur of geloof - wat aan sekere geringe
ekonomiese bepalings voldoen het, was stemgeregtig. Hollands was tot
1882 as taalmedium in die rade verbode.
1947 - Johan Franz (Hans) Endler, gebore in Oostenryk op 1 Januarie
1871 en vanaf 1903 op Stellenbosch woonagtig, was 'n belangrike
baanbreker op musiekgebied in Suid-Afrika. Hy was 'n
musiekopvoedkundige (medestigter van die Stellenbosse Konservatorium
in 1905), tjellis, dirigent en komponis van Afrikaanse liedere (onder
meer Wiegeliedjie), die eerste Afrikaanse operette (Pa se Dogter,
1935) en ander werke. Hy is in Pinelands oorlede.
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
