Ons almal is eintlik smulpape. Maar as jy die dag kan bekostig om
te gaan uit-eet, wat is vir jou belangrik ?
1) smaaklike kos en 'n goeie wyn ?
2) waarde vir geld ?
3) goeie, persoonlike diens ?
4) lekker atmosfeer, musiek, kerslig... ?
My lys van irriterende dinge is:
1) Rou vleis: Sjefs hou daarvan om rou steak te bedien, want hul
vind dit te moeilik om "well done" nie taai te bedien nie. Ek is
nie 'n barbaar nie: Ek vervies my vir 'n stuk vleis wat bloei en
wat 'n vearts nog kan deurhaal. Jy kan dalk siektes/wurms kry.
2) Mense wat rook voor of tydens maaltye. Dit bederf die
reuk van kos en veral die neus van wyn. Rook liewer 'n sigaar of
'n bietjie dagga of pyp as almal KLAAR is.
3) Poepholle met selfone. As 'n idioot weer sy selfoon in 'n
restaurant uithaal, sê dan kliphard, met misnoe, aan jou maat:
"Hy is seker 'n loodgieter", en wys na die poephol. (Ek het niks
teen loodgieters nie, maar 'n juppie HAAT dit as hy dink jy dink
hy is een).
4) Om te wag: As ek moet wag vir goeie kos, moet ek solank my wyn
kan drink of 'n broodjie eet. Wyn is 'n aptytwekker, ek wil nie
wag tot die hoofmaal voor ek dit kry (om my kos af te spoel?)
soos in Australie nie.
5) Pretensie: Restaurante wat jou behandel asof die kat jou
aangedra het omdat jy nie 'n baadjie en das het nie,
of omdat jy jou kinders saamvat. Moenie dit duld nie!:
maak 'n ophef sodat almal na jou kyk en loop dan.
Sulke restaurateurs haat 'n ophef. Gee hul wat hul verdien.
GOEIE WENK:
===========
Bestel Sjampanje. Hoekom nie ? Sjampanje is niks duurder as wyn
nie, en SA maak goeie sjampanje. Mense het hierdie onnosel idee
dat jy net sjampanje drink as jy iets het om te vier. Dis twak.
Bestel 'n bottel en maak almal in die restaurant gruwelik
jaloers: hulle dink dis jou verjaarsdag, huweliksherdenking of
verhoging.
Die beste restaurante in die wereld:
===================================
Belgie. Gaan eet haaspot,kabbeljou daar. Hulle is net met een
ding sleg: Jy moet op die tafel staan en jou broek aftrek om die
kelner se aandag te trek.
Fooitjies (TIPS):
=================
Goeie diens is jou reg. MOENIE 'n tip gee tensy die kelner jou
SPESIALE diens gee nie. Gee dan 10%. Bedank die sjef, hy werk in
die warm kombuis en wil graag hoor as iets goed is.
Vir spys en drank sê ons u dank.....
Smaaklike ete!
Koos skryf oor die "Ruiter in Swart" boekies, n.a.v. Gert Vlok Nel
se gedig:
> Die boekies het soms onbedoelde heerlikhede opgelewer. Soos 'n
> karakter wat geboe" teen 'n bult staan met een voet vooruit en arms in
> 'n hardloop-posisie. Dis dan duidelik 'n akteur wat stil staan vir die
> kamera en probeer lyk soos iemand wat hardloop.
> Dan staan daar in die "bubble" langs sy kop: "hyg! hyg!"
Ja, Koos ek lag my alweer keduks!. Dit is nes ek dit ook onthou.
Dit bring baie herrineringe op. Die boekies was baie amateuragtig,
en mens het jou dikwels doodgelag.
Die mees gewilde sinsnede in die boekies was:
"...heelwat later..."
Die ontploffings en die vlam van 'n rewolwer was gewoonlik
met Tip-Ex ingeverf ens. Motorongelukke is aangedui deur die kar
van skuins-voor af te neem met 'n oop deur.
Daar was baie ander ook: BEAU BRUMMEL, SAAL 10 (oor dokters & verplieers),
met suster Teresa,Die Valk/Arend (of so iets), Die Adelaar, Die Saboteur,
Dr Conrad Brand en ook 'n groterige boek "KYK",
vol soetsappige liefdesdramas.
Was daar nie ook nog 'n "Kaptein Caprivi" ook nie ?
Almal "verhale" uitgebeeld met swart&wit fotos.
Jy praat hier van Africana hoor!. Ek raak sommer homesiek.
Ons mag dit nie gelees het nie, (Sonde !)
maar iemand het altyd 'n stapel gehad en dit uitgeleen.
Die kleurling "bediendes" was vreeslik lief daarvoor, en ek weet
van baie ouens wat dit (met groot skaamte) by hulle gaan leen het.
Hulle het dit dan onder die bed weggesteek vir hul ouers.
Daar was aan ons gesê dat dit jou lees en taalvermoe nadelig beinvloed.
(die taal was maar swak). Baie mense (uit die werkersklas) het egter
so leer lees.
Iemand het nie te lank terug uitgevra oor Franse Hugenote,
en in besonder die Malan en De Villiers (?) Families.
Franse Hugenote:
----------------
Hervormers in Frankryk wat die heersende Katolieke stelsel
ontken het, reeds van die vroeg 16'de eeu af. Die
hervorming het gevloei uit (soos Duitse hervorming onder
Martin Luther) Bybelstudie waarvolgens besef is dat wat
die kerk uitbassuin en doen, glad nie volgens die woord
van God gerregverdig is nie, en dat die kerk deels 'n
pollitiese krag-instrument geword het.
Franse Hugenote as vlugtelinge:
-------------------------------
Vlugtelinge uit Frankryk nadat die Edik van Nantes deur
Lodewyk XIV (die sogenaamde sonkoning) herroep is.
Die Edik het Hugenote tot in 'n mate vryheid van aanbiding
verseker (Onder die heersende Katolieke stelsel) maar die
herroeping daarvan het die regte weggeneem en vervolging tot
gevolg gehad. Gelukkiger families het dood aan brandstapel
vrygespring deur te vlug na verskeie lande, insluitende
Nederland vanwaar die Hugenote as 'n amptelike
kolonialiserings-proses na die 'Kaap de Goede Hoop'
gestuur is. Dit moet ingedagte gehou word dat al wat hierdie
edele mense moes doen om vervolging onvoorwaardelik vry te
spring was om hulself onder die 'Kerk' (d.w.s. Katoliek)
te stel en te erken dat hulle 'verkeerd' was, 'n maklike
uitweg.
Franse Hugenote in Suid-Afrika
-------------------------------
Die eerste hugenote het in 1688 aanwal-gestap. Die
laaste groep wat beskou was as vlugtelinge uit
Frankryk as hugenote, het in 1710(?) aangekom. In
totaal ongeveer 172 persone. Plase is toegese en
dikwels heelwat later eers toegestaan in die Kaap.
Onder die HERE VII se wil is Frans onderdruk deurdat
skoolopvoeding en kerkgang in Nederlands was
(eksplisiet). Dit was natuurlik 'n geweldige rede
vir ontevredenheid siende die Franse kultuur juis
een is van identiteit en trots.
(As dit nie vir die onderdrukking was nie, het
Suid Afrika dalk heelwat anders en moontlik beter
daaruitgesien)
Heelwat geskiedenis boeke het 'n heel beperkte
weergawe van die Franse Hugenote se invloed op die
Afrikaner se bevolking, kultuur, land en vooruitgang.
Om die werklike invloed te besef, kyk maar net na die
aantal Celliers, De-Villiers, Du-Plessis's, Labuschagne's,
Malans, Marais' en talle ander hugenote vanne.
Ook die hugenote se bydrae tov die wynindustrie word
soms heeltemal onderskat.Dit WAS juis die Hugenote wat
die bal aan die rol gesit het... Wat die kuns van
Frankryk saamgebring het en die bekende Kaapse plase
gestig het. (Vloek die ryk Amerikaners en ander uitlanders
wat ons(Afrikaners) se kultuur verarm deur ons plase te
steelkoop)
MALAN:
Stamvader:
Jacques Malan (1672-1742)
Plek van herkoms: Saint-Martin-de-la-Brasque, Provence, France
(Merindol naby Avignon, Provence ?)
Arriveer met die skip 'Berg China' vanaf Nederland in 1688.
Gevestig te: Bo-La Motte, Franschhoek
(Grond toegese in 1694 en toegeken in 1713)
Trou met Isabeau (word Elisabeth) Longue (word Le Long ?)
in 1699.
Uit huwelik gebore 4 seuns en 3 dogters.
Neem gedeelte van 'van der Stel' se plaas 'Vergelegen' oor en hernoem
dit Morgenster.
Ook 3'de einaar van die plaas Languedoc
-------
De Villiers:
1) Pierre De Villiers (1657 - 1720), 3 seuns, 4 dogters
2) Abraham De Villiers (1659-1720), 2 seuns, 5 dogters
3) Jacques De Villiers (1661-1735) 6 seuns, 5 dogters
1) Herkomstig van La rochelle (Aunis of Bourgogne), arriveer met skip
Zion in 1689
2) Herkomstig " " " " "
3) "
Stigters van die bekende Kaapse plase: (name moontlik nou verander)
Bourgogne (Burgundy), Chapagne, La Brie,
Genealogiese (familiekunde) projek om die Marais stamboom
op 'n databasis te plaas. (Gedcom aanpasbaar).
DUS, as jy 'n Marais is, of Marais familie het sal ek die
volgende informasie waardeer.
ASSEBLIEF MOET DIT NIE NA DIE NUUSGROEP TOE STUUR NIE,
STUUR EMAIL AAN eti...@jupiter.cs.up.ac.za
Stuur so veel as moontlik van die volgende inligting,
van so veel as moontlik Marais wat jy ken.
(Informasie van persoon, persoon se pa en persoon se oupa
is die bruikbaarste)
1) Volle name.
2) Geboorte/Afgestorwe datums.
3) Plek van geboorte.
4) Eggenote.
5) Aantal kinders, (En hul inligting)
Vanaf 20/11/96 sal ek die informasie in Gedcom formaat
vrystel op die internet (ftp.up.ac.za:/pub/incoming/marais)
En sal ook op aanvraag verhoudings tussen Marais uitwerk
(BV Oupa grootjie se broer se kleinseun ens.)
Ek hoor 'n goeie grap die ander dag wat my aan hierdie ambulans scam laat
dink.
Die ou was baie lief vir sy hondjie. Een oggend lê die hond net daar
doodstil. Hy kry toe die veearts en die vertel hom die hond is dood.
Omdat hy so vreeslik lief is vir die hondjie vra hy toe die veearts om
asseblief tog doodseker te maak of die hondjie regtig dood is. Die
veearts sê toe ok, honde hou nie van katte nie, hy sal 'n kat by die hond
sit en kyk wat gebeur. So gemaak, en die kat gee die hond so 'n paar
lekker klappe deur die gesig, maar die hond roer nie. Die hond is dood
verklaar die veearts en die eienaar aanvaar dit maar.
Twee weke later kry die man die veearts se rekening vir R1050. Hy reken
dit kan nie wees nie en bel die veearts om seker te maak of daar nie fout
is met die rekening nie. Nee, sê die veearts, daar is geen fout nie. Dit
is R25 vir die konsultasie, R25 om van die dooie hond ontslae te raak en
R1000 vir die cat-scan.
Die Burger het die afgelope tyd onder skoot gekom deur verskeie mense en
instansies oor hul beriggewing oor die die Waarheids- en
Versoeningskomisie.
Is dit waar dat Die Burger om opsetlik uitspreek teenoor die komisie of
leen die komisie hom daartoe. Word die feit dat die ANC nie wil
versoening en amnestie oorbeklemtoon of nie?
Ek hoop hierdie Afrikaanse koerantjie behou (kry?) sy karakter sodat hy
nie ook in 'n identiteitskrisis verval omdat hy nie meer in beheer van
die land is nie.
--
-------------------
Murray L. Steenkamp
Eendrag k111, Stellenbosch, 7600, Suid-Afrika
Tel. +27-21-8873773
940...@firga.sun.ac.za http://beldin.cs.sun.ac.za/~mlsteen
Hier naby my is 'n kleuterskool en die eienaar vertel die volgende:
Seef en Sarel is in die kleuterskool. Hulle is volgende jaar in die
"grootskool." Omdat hulle al "groot" is word enige onenigheid met die
klein vuisies besleg. Juffrou hoor daar is so 'n jong oorloggie aan
die gang. Kleuterskooljuffroue se plig is onder andere om die vrede te
bewaar. Sy roep die twee om te verneem wat die probleem skyn te wees.
Seef vertel: "Juffrou, Sarel het gesê dat ek 'n wind gelos het en hy
lieg."
Sarel verdedig homself dadelik: "Issie, Juffrou, hy het 'n wind gelos.
Ek het dit gehoor, geruik en gesien."
Juffrou vra: " Maar Sarel ek kan verstaan dat jy dit gehoor en geruik
het, maar hoe op aarde het jy dit gesien?"
Verduidelik Sarel soos volg: "Juffrou, hy het so 'n groot wind gelos,
sy broek het sommer so gewip."
Indien jy nog kostelike kinder sê-goed wil lees, gaan kuier by:
Gert Vlok Nel weet hoe om emosies te beskryf. Dit
amuseer my ook dat die manier waarop ons Afrikaners
nou in die kuberruimte ons leestekens langs die letter
moet plaas (se^, vroee"r , da`a`r) eintlik bydra daar-
toe dat sy snaakse manier van Afrikaans skryf eintlik
nie so vreemd meer lyk nie.
____________________________________________
Fragment uit "& nou & nou."
ek het i foto van die aand in hillside
jy is i bruid
agter jou raak dit donker
gaste staan rond soos i ruiter-in-swart-boekie, versteen
hul asems maak wolkies op die aarde soos op die mo^re
van die agste dag
in die wolkies sê hulle
ons is lief
en op die agtergrond kom i trein soos i byl uit die nag.
______________________________________________
Ek wens iemand wil vir my verduidelik wat die verwysing
na " i ruiter-in-swart-boekie" beteken.
______________________________________________
i roeiboot dryf af in die rivier by malgas; is weg.
ek het gekom lief
& gesê "ek het jou lief"
toe draai jy om
jou oë vol soos e^rens i beker oorloop
& sê "dit was i lang tyd"
& "ek is klaar los." vra ek "hoe los"
He'e'ltemal los" sê jy, & begin huil
toe ek begin lag
VOORSIENING word in wetgewing gemaak vir die instel van spesiale
tribunale met spesiale regters, waarskynlik selfs uit die
internasionale gemeenskap, asook spesiale staatsaanklaers met
buitengewone magte om sogenaamde oortreders van menseregte te
vervolg. Hierdie tribunale sal opereer met gewysigde reÂls vir
getuienislewering. Dit word hanteer as 'n saak van groot
dringendheid.
Hierdie proses word gesien as 'n verdere uitbouing van die
werksaamhede van die Tutu-kommissie, veral in gevalle waar dit
blyk dat "versoening" nie tot sy reg kom nie. Dit is ook gemik
op lede van die veiligheidsmagte wat getuig voor Tutu, en dan
"vry uitstap". Hierdie tribunale sal verhoed dat hulle "vry
uitstap".
Daar word beweer dat die tyd vir vergewing kort is, en
inderdaad reeds verby is. Daarom is dit nou tyd om diegene wat
vir hierdie dade verantwoordelik was, te vervolg.
Daar word ook voorsiening voor gemaak dat gewone burgers
vervolg kan word wat apartheid voorgestaan het. Veral
staatsamptenare wat betrokke was by die uitvoering daarvan, sal
nie deur hierdie tribunale oorgeslaan word nie.
Hierdie prosedure word gesien as 'n metode om die werk van die
Tutu-kommissie na 'n tweede fase te voer.
Hierdie nuutste vervolgingsmetodes wat in die vooruitsig gestel
word, het groot ontsteltenis in veiligheidskringe veroorsaak.
Hulle het 'n verslag daaroor die lig laat sien, en dit bevat die
volgende inligting:
l 'n Sekere wetsontwerp is onlangs ingedien wat op die oog af
verreikende gevolge vir veral lede van die voormalige
veiligheidsbestel inhou.
l Die Wetsontwerp op Spesiale Ondersoekeenhede en Spesiale
Tribunale (W 76-96) behels dat voorsiening gemaak word vir
"...investigating serious malpractices or maladministration in
connection with the administration of State institutions... As
well as any conduct which may seriously harm the interests of the
public..."
l Nadere ontleding van die betrokke wetsontwerp, dui egter
daarop dat die magte en bevoegdhede van die wetsontwerp so wyd
is dat enige persoon, vir enige "oortreding" volgens die
diskresie van die beamptes (2.g) gearresteer mag word en dat die
Tribunaal sy verrigtinge kan laat geskied sonder dat "information
relating to the proceedings" p.12 10,5,a) bekend gemaak sal word.
l Die primÂre implikasie is duidelik dat 'n meganisme in stand
gebring word waardeur vervolgings kan plaasvind sonder dat 'n
saak deur gevestigde regsweÂ, nl. deur 'n hof gaan, asook feitlik
in die geheim.
l Hierdie wetsontwerp het sy verskyning gemaak sonder dat
belanghebbende groepe, bv uit die SAPD en SANW eers daarvan bewus
was. Met ander woorde, slegs geselekteerde groepe was waarskynlik
geraadpleeg soos bv The National Association of Democratic
Lawyers (NADEL).
l Op 1 November 1996 verskyn 'n artikel in The New Nation (p.11)
waarin 'n argument gelewer word vir "... Special Courts to be set
up with Special judges ... And with Special Prosecutors with
special rules of perpetrators to be brought to Court and tried".
l Die artikel sluit af met die pleidooi dat daar 'n meganisme
ingestel moet word "... to take the work of the TRC into a Second
Phase. The Second Phase towards hopefully the whole truth, total
reconciliation and real justice."
IMPLIKASIES
Die implikasies van beide die wetsontwerp en die artikel (wat
ooglopend dien as klimaatskepper vir die deurvoer van die beoogde
Wet) is as volg:
l Die teikens van die WVK en die beoogde wetgewing, is eerstens
die leiers van die voormalige bestel.
l Vervolgings sal nie staak na die WVK se werksaamhede
afgehandel is nie.
l Daar sal ook beteikening wees van enige persoon, wat na die
demokratisering van die RSA, nog werklik of gewaand, aan die
bevordering van "Apartheid", deelneem.
l Die politieke voordeel skyn reeds in die hande van die
opstellers van hierdie wet te wees, aangesien propaganda reeds
in die media gemaak word vir die voorgestelde wetsontwerp. Enige
moontlike teenstand van kabinet kollegas en ander wat die gevolge
van die wet tov versoening sou teenstaan, is tans afgeweer.
l Die beoogde wetsontwerp blyk deels 'n vergestalting te wees
van die ANC/SAKP se besprekingsdokument (Jun 80) getiteld, A
Criminal and Civil Code of the People of South Africa, wat 'n
bloudruk vir 'n toekomstige regstelsel vir die RSA behels. Die
dokument het politieke misdrywe aangespreek met erkenning aan die
konvensie van die VN, dat apartheid 'n misdryf teen die mensdom
is.
l Mnr PW Botha en ander oud-ministers soos mnr Vlok, word tans
as 't ware gedwing om voor die WVK te verskyn. Die algemene
persepsie is dat sodanige optredes, moontlik 'n snelle einde sal
bring aan die WVK se optredes. Die teendeel is egter waar. Die
wetsontwerp dui daarop dat die bogenoemde verskynings, slegs die
begin is. Die "uitspraak sal nog jare duur aangesien die Spesiale
ondersoekspanne en tribunale voort sal gaan met die inwin van
inligting wat mag meebring dat sodanige leiers straks keer op
keer, weer sal verskyn, na gelang van die wens van hierdie
tribunale.
l Wat is die nut van amnestie vra of selfs van vrywillige
verskyning voor die WVK as daar feitlik geen hoop is op
versoening nie, aangesien stigmatisering en viktimisering aan die
orde van die dag gaan bly?
Supertaal
Blog
Soek
Hulp
Lede
Registreer
Teken aan
Tuis
RSS
