Wie kan help? Ek is op soek na die gedig Amakeia (spelling ?)
wat handel oor 'n swart vrou wat 'n wit kind grootgemaak het
gedurende die oorlogsjare.
Het iemand vir my die gedig, of die digter se naam? Of kan jy
my in die regte rigting stuur? Ek is ook beskikbaar by
.
Dankie byvoorbaat
Anton
Hier was nou 'n groot herrie in (Wes)Australia oor jeug en jeugmisdaad
en straf vir misdaad.
Australie is in die algemeen 'n vreedsame land en misdaad is niks in
vergelyking met SA en baie ander lande nie. Daar is egter 'n paar
bekommernisse vir enige ouer, waarvan ek julle sal vertel:
Vlgs die koerante hier is baie mense nou gatvol vir jeugbendes wat laat snags
rondloop en skade aan eiendom aanrig en hul sleg gedra.
Hulle beskadig motors en huise,
gooi bottels rond, molesteer en raas. (Perth/Northbridge ens).
Daar is gevra dat die polisie sterker moet optree en die polisie oorweeg
sterker magte.
Een dorp wil selfs 'n aandklokreel voorgestel: dat die jeug van die strate
moet af na tien.
In 'n program op die radio seg 'n polisiewoordvoerder dat kinders onder
10 jaar tot 4uur in die oggend rondloop en kwaaddoen.
Hulle ouers weet dikwels nie daarvan nie.
In plekke soos Sydney/Cabramatta gaan dit baie rof, daar is baie bendes en
dwelms word oral te koop aangebied. Statistieke toon Australiese kinders
eksperimenteer reeds op 'n vroege stadium met dwelms, Kinders kry
dagga op skool, gebruik Crack in nagklubs, en nog 'n jong tiener
in Canberra se dood aan 'n oordosis het 'n ruk gelede opslae verwek.
In Wes Australie was daar ook 'n herrie oor kinders wat onder behandeling
is vir "attention-deficit-disorder" en dan hulle pille aan mekaar verkoop.
'n dokter het gesê dat sterioides dikwels deur kinders gebruik word
(sonder dat ouers besef), deur jong tienerseuns wat skaam is oor
hulle fisiese ontwikkeling. Hy sê hy skryf dit eerder voor - anders
kry hul dit op die swartmark.
Hier het ook 'n herrie losgebars oor die jeug alles met graffiti besmeer.
Na raming veroorsaak graffitti $200 miljoen skade per jaar in Australie.
(R600 miljoen?) $100 daarvan aan publieke transport alleen.
Tesame met dit alles het daar in die afgelope ruk 'n paar interessante
dinge gebeur: "n groep betogers het hand uitgeruk, die parlement bestorm,
vensters stukkend gegooi, geplunder en met die polisie slaags geraak.
Dit was hoofsaaklik vakbonde en Aboriginees wat o.a. betoog teen die
inkorting van vondse aan die Aboriginees.
Asof dit nie genoeg was nie, het hulle 'n paar dae daarna weer betoog en
weer was daar lelike tonele. Die Eerste minister het daarna gesê
dat dit "on-Australies" is om so op te tree.
Die ander storie is dat 'n groot klomp Aboriginees bymekaargekom het
in 'n dorp vir 'n sportbyeenkoms. Daar was 'n bakleiery in 'n kroeg.
Die polisie is ontbied, daar was hardhandige optrede. Die uiteinde
van die storie was dat die polisie moes vlug terwyl polisieversterkings
ingevlieg moes word. Die Aboriginees het die winkels geplunder en
geweldige skade aangerig. (Geraldton/W.A.)
Kinders "steel" soms karre en jaag daarmee rond, los dit dan iewers
of steek dit daarna aan die brand.
In 'n onlangse geval het die polisie hul agternagesit en hulle
is van die pad af: 'n kind is dood. (Perth)
Omdat Aboriginees betrokke was, is daar heelwat dinge gese:
Die polisie is beskuldig deur die Aboriginees, maar een Aboriginese
leier het sy mede Aboriginese beskuldig daarvan dat hulle nie na hul
kinders kyk nie.
'n jaar gelede was daar ook 'n herrie hier oor kinderbendes met
messe op skool, veral na 'n kind buite die skool doodgesteek is (Sydney).
Dit is bekend dat Australie een van die hoogste syfers vir selfmoord
onder die jeug het in die wereld. Die meeste buitelanders/immigrante
met wie ek al te doene gekry het, vertel dat die dissipline hier
op skool nie goed is nie. Mense wat dit kan bekostig stuur hulle kinders
na private skole toe om sulke probleme
te vermy en hul kinders 'n beter opvoeding te gee.
Sielkundiges sê die jeug se graffiti en eiendomsbeskadiging is uit
verveeldheid, om iets uitdagends te doen en aandag te kry.
(Graffiti in Australie het uiters min slagspreuke, dit is 3 en 4 letter
handtekeninge - dit lyk my die jeug hier het niks om te sê nie,
dit is asof daar 'n geestelike leegheid is)
Ten spyte daarvan dat baie privaatskole katolieke skole is, is dit basies
'n sekulere land, godsdiens het weinig invloed.
Daar is mense wat seg dat dit is asof die kinders hier nie rigting het nie,
dit gaan materieel goed, maar geestelik arm.
Hier is nou 'n "backlash" en mense kla wyd en syd dat straf in Australie
en veral straf vir die jeugmisdaad veel te wense oorlaat. Mense wil
swaarder strawwe he. Daar was o.a. 'n polemiek om lyfstraf weer in skole
toe te laat.
Daar is bevind dat 20% van Aboriginese kinders nie skoolgaan nie.
Toe iemand onlangs voorstel dat hul vir 5 dae in 'n week op hostel gesit
word sodat hul kan skoolgaan, is hy gekritiseer: verskuilde rassisme.
Daar word gesê dat baie immigrante so hard werk om hulself hier te vestig,
(materieel) dat hul nie genoeg (geestelike) aandag aan hul kinders gee nie.
Die kinders word dan stout groot. Hier is selfs 'n advertensieveldtog
daaroor op TV geloods.
Kinders bekom pornografiese en geweldadige videos en kyk dit terwyl hul
ouers werk. Dit is algemeen dat beide ouers werk en dan kinders in
'n pre-primere of kleuterskool sit.
Daar is ook onlangs besluit om 'n elektroniese toestel in televisiestelle
te plant om kinders te verhoed om geweldadige programme te kyk. Dit skakel
outomaties af. Die probleem is egter dat ouers nie die nodige dissipline
handhaaf nie: die toestel of die staat of wie ookal moet dit vir hul doen.
Op die ou end wil niemand die verantwoordelikheid aanvaar nie.
Hier is natuurlik ook oneindig baie om voor dankbaar te wees in Australie.
Ek self kan nie kla nie, my oudste kind is 4 en baie gelukkig op kleuterskool.
Ons maak hom streng groot. Ander mense kyk ons snaaks aan
as hy pakkry, maar dit is soos dit hoort. Wat doen julle ?
Hi, We are looking for a native speaker of Afrikaans for a small informal
group learning Afrikaans. If you go to Penn or just live in the area and
are availible on Tuesdays at noon.....
Thanks.
--
Nicola A. P. Cullen
Department of City and Regional Planning
Graduate School of Fine Arts
University of Pennsylvania
napc...@dolphin.upenn.edu
In die laaste dekade het ons af en toe gehoor van die man
in suidwestelike Ontario wat probeer om in sy "ultralite"
saam met migrerende wildeganse suid te vlieg.( Dan dink 'n
mens maar, wat sal mense nou ook nog uitdink om hulself
te amuseer.) Bill Lishman wou blykbaar wildeganse, wat by
sy plek uitgebroei het en vir hom as hulle moeder aangesien
het omdat hulle hom die eerste gesien het, leer om suid te
vlieg in die herfs en erens anders te gaan oorwinter. Die idee
was ook dat as dit prakties blyk te wees, 'n mens ganse kon
leer om ander migrasieroetes te neem, as ou roetes verniel is
deur lugbesoedeling. Jy kon ook rare soorte voels se eiers
laat uitbroei, hulle op 'n mens laat "imprint" en dan die voels
leer om self te migreer na warmer klimate as die winter aankom.
So kon 'n mens byvoorbeeld die amper uitgestorwe "trumpeter
swans" probeer terugbring in groter getalle.
Nuus van Bill Lishman se aktiwiteite het stadigaan wyer en
wyer aandag getrek. Die populere Amerikaanse program 20/20
het 'n segment daaroor gehad, en het verklaar dat die program
die hoogste luisteraarsreaksie in 15 jaar gehad het. Toe het die
mense in Hollywood begin aandag gee. In die volgende weke
begin die film FLY AWAY HOME in die teaters speel. Die
rol van Bill Lishman word vertolk deur Jeff Daniels, en Anna
Paquin is sy dogter. Anna Paquin is die dogtertjie (gebore in
Winnipeg, maar nou van "down under") wat 'n Oscar gekry
het vir die beste ondersteunende rol in "The Piano" toe sy nog
maar so omtrent tien jaar oud was. In die film is dit sy wat die
voels leer vlieg. Time Magazine prys die film hoog aan. Jeff
Daniels doen nie enige vliegwerk nie. Dis Lishman wat dit doen.
Baie min van die biografiese besonderhede in die film is waar.
In die film is Lishman glo geskei. Anna se ma het toe daarna in
Australia of NZ gaan bly - dit alles nou net om Anna Paquin
se "down under" aksent te verklaar. Sy kom dan terug, na haar ma
se dood, en leer om saam met die ganse te vlieg. In werklikheid is
Bill Lishman 'n gelukkig getroude man. Die werklike Mevrou
Lishman het haar man se uitsonderlike aktiwitieite moontlik ge-
maak deur al die jare die daaglikse broodwinner te wees in 'n
taamlik belangrike werk. Op hierdie manier kon haar man aandag
gee aan buitengewone soorte aktiwiteite. Met die bekendheid wat
hy nou verwerf het, neem mense sy idees ernstiger op, en hy is
nou besig om met ander mense saam navorsing te doen oor die mi-
grasie patrone van noord-amerikaanse voels en hoe die mens 'n
meer aktiewe rol daarin kan speel.
Om die volgende gedig van George Weideman te verstaan,
moet 'n mens weet dat die spreker lispel, sleeptong praat. Die
spreker, lyk dit vir my, is 'n voel met bont eiers. Hierdie gedig
is die enigste van Weideman wat in die Groot Verseboek opge-
neem is, dus moes dit vir Opperman geamuseer het.
DIE LAAISEL VAN DIE SONBESIE
O gomgomgai! loep die voel wat die bont eiels le
Sonbesie, wat het jy vil my te se?
Sonop leeds het jy jou vlymfluit
in 'n vaalgloen melkbos opgehang
Jou klank het klag man - my ole tuit
Na wie is dit wat jy velang?
O ek sien, jy's die son se stlaal
soms in bos of boompie vasgevang
Sonbesie, wat stolie jy vil my?
Etse man, hou op met sklee!
Ek hensop maal, laat staan nog stly
- God het jou 'n sekelstem gegee!
Nie net die geskree van sonbesies bevolk my kinderjare nie.
Ek onthou ook hoe 'n mens die harde deurskynende dop
van die sonbesie op die boomtakke gevind het, nadat dit 'n
ruk tevore daaruit gekruip het om 'n nuwe lewe te begin. Wat
'n vryheidsverklaring: "Hier los ek my ou self, al daardie dinge
wat oorbodig, verdroog en onnodig geword het. Nou gaan ek
voort met my nuwe lewe. Wanneer nodig, sal ek weer die proses
herhaal. Oor en oor en oor."
Hier in Noord-Amerika is daar ook sonbesies, cicadas. Ek dink
egter nie dat ek al ooit so 'n dop van 'n sonbesie wat vervel het
hier gesien het nie. Miskien is die cicadas van noord-amerika nie
presies dieselfde as die van Afrika nie? Ek het eenkeer gelees dat
daar soms swerms van cicadas in Chicago uitbroei, en dat die
mense hulle vang en braai en eet. Only in darkest America.
Mijn naam is Mark Mulders, en ik woon in Nederland. Ik loop al enige
tijd met het idee om naar Zuid-Afrika te emigreren. Mijn vraag is:
verstaan Afrikaners voldoende Nederlands om het voor mij makkelijker
te maken om te integreren?
Of is er een cursus Afrikaans die snel te volgen is?
Graag jullie gedachten hierover.
Alvast bedankt,
Mark Mulders
"All wiyht. Rho sritched mg kegtops awound?"
-- Unknown
Ik zoek de oud (middeleeuwse) Nederlandse tekst van
het gedicht "Egidius wo bist tu bleve?". De oorspronkelijke
tekst, of elke verwijzing er naar, had ik graag gekend.
> Ik zoek de oud (middeleeuwse) Nederlandse tekst van
> het gedicht "Egidius wo bist tu bleve?". De oorspronkelijke
> tekst, of elke verwijzing er naar, had ik graag gekend.
Ek soek my susters. Ons ma (Hermina Katerina nee de Meyer) is in 1953
oorlede. Ons broer, Jan, en ek, Janetta van Rooyen is saam aangeneem
maar, ek het nooit weer my ouer susters gesien nie. Ek weet ook nie wat
het met ons vader Jan van Rooyen gebeur nie. Ek is nou 45 en woon in
America. My susters se name was Anna, Vikki en Julie. Hulle is nou
miskien 55, 53 en 51 jaar oud. Asseblief, as iemand kennis het van ons
familie, laat my weet. Dankie.
WETTIGE wapeneienaars mag nie meer hulle wapens tydens openbare
geleenthede dra nie. Dit is die betekenis van wetgewing wat
sopas in die Staatskoerant van 2 September gepubliseer is.
Wat hierdie toedrag van sake so ontstellend maak, is die wyse
waarop dit deurgestoomroller is en as gevolg waarvan talle
maatreëls deurgeglip het sonder dat dit ordentlik oorweeg is.
Die implikasies vir mense wat die behoefte voel om hulleself te
beskerm teen die wetteloosheid en ordeloosheid waardeur die
samelewing gekenmerk word, word deur hierdie bepalings van hulle
goeie reg ontneem. Inderdaad kom dit op niks anders neer as die
ontwapening van die wetsgehoorsame burgers van hierdie land nie.
Wat hierdie bepalings soveel meer tragies maak, is die geweld
in die land wat steeds eskaleer, en dikwels uitloop op die
vergieting van bloed van onskuldiges, soos in die geval van
motorkapings en soveel ander misdade.
Die bepalings van die wet kom daarop neer dat die vuurwapen van
enigeen wat dit tydens 'n openbare geleentheid dra, gekonfiskeer
kan word. Daarna kan so 'n persoon onbevoeg verklaar word om 'n
wapen te besit.
Die implikasies hiervan is dat waar twee of meer persone saam
verkeer, en een het 'n vuurwapen, dit onder hierdie nuwe
bepalings gekonfiskeer kan word as gevolg van die definiÂring van
'n "openbare geleentheid". Die wet beskryf so-iets as 'n
geleentheid waar twee of meer as twee mense in 'n openbare plek
bymekaarkom vir 'n gemeenskaplike doel.
Die SA Geweereienaarsvereniging het op 'n paar implikasies van
hierdie wetgewing gewys wat die absurditeit daarvan onderstreep.
Jagters wat 'n jagvergadering bywoon, is uitgesluit van die
bepalings van die wet. Maar as hulle op 'n gesamentlike jagtog
vertrek, is die bepalings van die wet op hulle van toepassing.
Netso word geweerversamelaars toegelaat om na 'n
geweerversamelingsbyeenkoms te gaan, maar as hulle 'n geweerskou
bywoon, kan hulle weer vervolg word.
Voorts wys hulle daarop as twee mense in 'n koffiekroeg gaan
sit om 'n gemeenskaplike saak te bespreek, en hulle is gewapen,
oortree hulle die wet, en kan hulle wapens gekonfiskeer word, en
hulle onbevoeg verklaar word om wapens te besit.
Die gevolgtrekking wat gemaak word, is dat die wetgewers nie
die saak deeglik deurdink het nie, en hals-oor-kop opgetree het.
Sodoende is mense wat dit nodig ag om wapens te dra vir eie
beskerming, uitgelewer aan die bepalings van die nuwe wet.
Iemand wat van die platteland kom om 'n openbare geleentheid
by te woon, verkeer tans in 'n yslike verknorsing. Hy mag nie
die wapen dra tydens die byeenkoms nie, want dit is teen die wet.
Hy mag ook nie die wapen in sy voertuig laat nie, want dit is ook
teen die wet. Daar is dus niks wat hy wettiglik met sy wapen mag
doen onder sodanige omstandighede nie.
Terwyl daar so hardvogtig opgetree word teen mense wat
wettiglik gelisensieerde wapens besit, word die misdade wat met
onwettige, ongelisensieerde wapens gepleeg word, al meer. Die
situasie in Suid-Afrika word al gevaarliker, terwyl mense wat
binne die wet optree, al meer as misdadigers gebrandmerk word.
Die gevoel onder wettige wapeneienaars neem toe dat daar teen
wetsgehoorsame burgers gediskrimineer word terwyl geharde
misdadigers toegelaat word om ongestoord hulle bedrywighede voort
te sit. Hulle wys daarop dat misdaad nie met wettig
gelisensieerde wapens gepleeg word nie, maar met gesteelde
onwettige wapens. Daarom vra hulle waarom wetgewing teen hulle
aangeneem word. Intussen kan dit gebeur dat hulle deur rowers
of kapers met onwettige wapens bedreig word, terwyl hulle hulle
wapens moes tuis los omdat hulle na 'n openbare geleentheid op
pad was.
Dit sal uiters insiggewend wees om te sien hoe daar opgetree
word teen Dan Mofokeng wat 'n gelisensieerde wapen onversorg laat
rondlê het op 'n spieëltafel, en 'n ongelisensieerde,
onlisensieerbare wapen in sy hangkas gehad het. In hierdie geval
is letterlik alle wetsbepalings oor wapenbesit oortree.
Daar word verwag dat hierdie bepaling oor die dra van wapens
in die openbaar, slegs 'n eerste stap is om die Blanke geleidelik
te ontwapen.
Supertaal
Blog
Soek
Hulp
Lede
Registreer
Teken aan
Tuis
RSS
