Ek lees Eugene Terreblanche (E.T.) gaan nou tronk toe.
Hy het 'n petroljoggie erg aangerand wat 'n diefstal
gerapporteer het waarin 'n blanke betrokke was.
Gestel hy kry swart tronkwagte en hul gee hom hel....
Gestel ons nuwe swart regering besluit om mense soos E.T.
en die ou wat Chris Hani vermoor het te behandel soos baie
swartes destyds behandel is:
Dan "gly" hul dalk op 'n koekie seep en "stamp" hul kop.
Of "hang hulself in hul selle op",
of "verdwyn sommer net, of
hul familie kry 'n plofpakkie deur die pos.
En as iemand hul lyke kom haal en elektriese skokmerke,
uitgetrekte naels, gebreekte tande, koelgate in hul rug ens. kry,
sal dit natuurlik deur die owerhede verduister word.
Die koerante sal niks kan se nie, want hul sal gesnoer word.
(Die Burger, Beeld sal die eerste wees om verban te word)
Kommisies van ondersoek sal bevind dat niemand verantwoordelik gehou
kan word nie. Politici sal ontken dat daar iets aangaan of dat hulle
bewus is van enigiets onderduims...ens ens...
Miskien is ons swart vriende nie lus vir allerhande truuks met gif
en goeters nie, dalk donner hulle sommer die ouens tot hul dood is.
Hulle sal mos immuun wees teen enige vervolging.
En ouens soos ou PW wat nie wil erken nie - hulle kan mos geslaan
word tot hul erken...
Gelukkig is daar nie sulke weerwraak vanuit die ANC nie.
Mens sou dit nie kon goedkeur nie,
maar mens kan verstaan dat baie sulke wraakgedagtes het.
Wat anders dan as daar nie wraak is nie?
'n Hofsaak wat Apartheid regmatig voor die hof sleep en in die
beskuldigdebank laat staan?. Die swartes het alle reg om Apartheid
en sy trawante hof toe te vat en straf en vergoeding te eis.
Die belhamels van apartheid moet gevonnis word met vonnisse
wat by hul dade pas. Dit is wat hulle verdien. Dit is reg.
(wie sou die nuwe regering kon kwalik neem ?)
Apartheid was 'n onmenslike gruwel, digene wat dit uitgevoer het
is skuldig ! (Ek hoop julle hoor dit oor en oor en oor,
en as julle gatvol is daarvoor, hou julle monde en dink aan
lank die swartes se monde gesnoer is.)
Gelukkig vir die blankes is daar nie so 'n hofsaak nie.
In plaas van wraak en 'n ordentlike verhoor kry die land 'n
waarheidskommissie. Die vaders van apartheid en hul trawante verdien
dit egter nie. Dit is te goed en gaaf. Dit wil te maklik vergifnis gee.
Die hele punt word gemis: Dat apartheid in die beskuldigdebank moet
staan. Die waarheidskomissie gee die indruk by baie blankes dat
aangesien die ANC ook gruweldade gepleeg het,
is altwee kante se hande mos ewe vuil. (tipies van die NP,
wat bloed aan sy hande het en nou gedurig sy bek vol het,
die ongelooflike vermetelheid darem !)
Altwee se hande is nie ewe vuil nie ! Het party van julle nog net
mooi niks uit die bose verlede geleer nie ?
In kort: Die Nasionale Party en die Afrikaner is grotendeels
verantwoordelik vir die gruwels van Apartheid.
Maar afrikaners wil dit nie erken of hoor nie,
Vir baie Afrikaners is dit altyd "JA MAAR dit en JA MAAR dat,
en daar moet altyd uitsonderings gemaak word oor hoekom hul eintlik
nie skuldig is nie of dat die ANC net so skuldig was ens..."
Nou is die tyd vir Afrikaners om hul mond te hou en te luister,
en elke dag herrinner te word aan hul apartheidsondes.
Van ANC geweld gepraat:
Die logika van party mense is mos as volg: Ontneem die swartes van
hul stemreg dat hulle nie hul se kan se nie. As hulle dan met jou
kom praat daaroor, klap die deur vir dialoog toe. As hul dan
organisasies buite die parlement stig, protesteer of staak,
verban jy hulle, sluit hul op, vermoor hulle en skiet op hulle.
As daar dan uiteindelik net mooi niks oor is vir hulle behalwe
om ondergronds te gaan en geweldadig te raak nie,
dan blameer jy hulle oor hul geweld gebruik.
Wonderlik!, Die logika van apartheid !
JY-MOET-JOU-BEK-HOU-WANT-JYS-OORSEE,
of JYS-NIE-N-AFRIKANER-NIE-WANT-JYS-OORSEE
en ander stories oor mense wat VLUG ens,
is meestal 'n voortsetting van die ou apartheidvisie van toeka,
daai dinosorus laermentaliteit van:
NET-ONS-HIER-IN-SA-IS-REG-EN-DIE-WERELD-IS-VERKEERD,
OORSESE-MENSE-VERSTAAN-ONS-NIE-DAAROM-DINK-HULLE-APARTHEID-I S-VERKEERD
NET-ONS-HIER-WEET-WAT-HIER-IN-SA-AANGAAN
OORSESE-MENSE-MOENIE-IN-ONS-BINNELANDSE-BELEID-INMENG-NIE
ens.
Dit kom uit daai dae wat daar 'n "TOTALE AANSLAG" is van buite,
en die "ANC-KOMMUNISTIESE-ALLIANSIE", ENGELSE-LIBERALISTE,
ONRUSSTOKERS ens. (Wie onthou nog soortgelyke terme ?)
In daai dae was die assosiasie van die woorde genoeg om
iemand te verdoem.
Ons het tog nou al 'n bietjie wegbeweeg daarvan hoop ek ?
he?
Ek sien hier is alweer stories oor Afrikaner....
Ja, ek is 'n afrikaner, (alhowel ek in Perth bly).
van die beterder soort afrikaners :-)
En moenie my in 'n politieke hoekie plaas of 'n kaartjie om my nek
hang hieroor of daaroor nie. Groepies, groepies.....
WEEKLAG VAN DIE FASCISTIESE FLIEKGANGER
Ferdi Greyling
Toe jy nog die ster van my dae was,
was elke dag 'n full house.
Jy was 'n kommersiële sukses.
Jy het 'n kritikus aan jou voete gehad.
Saam was ons 'n musical,
'n komedie,
en 'n serious fliek.
Alles in een.
Jy het die fees van my hart gewen.
Jy was kommentaar op my tyd.
Jy was die twist aan die einde.
Ek het nog geskaterlag van vreugde
net voor die moordtoneel.
Net voor die vryheidsvegters in die agterste ry
opgestaan het
en alles stukkend geskiet het
- skerm, projektor, draaiboek - die hele works.
Jy en die lewe het julle loop geneem.
Die fliek moes toemaak.
Die gebou is gesloop.
En nou sit ek hier
tussen my onderdanige woorde.
'n Sukkelende fascis.
Uitgelewer aan die glinsterende wind
en die fluisterende weer.
Vyg, jy slaan die spreekwoordelike spyker op die kop!
Ek volg die nuusgroep nou al 'n hele tydjie en ek's al moerse gatvol vir
Boerneef, Bybelverse en Bullshit.
Om van Gloudina se alewige snotty postings nie eers te praat nie.
"Los jou politics by die huis, don't make such a fuss" (Koos Kombuis - Ons
travel in staail)
Kom ons hou op om mekaar de moer in te maak en praat Afrikaans!
ja hoor
om geskiedenis te maak
om kultuur te maak
om deel van vree en lief te wees
laat ons vee teen groen heuwels wei
laat ons wagters uit dieselfde pype rook
laat die son 'n seën oor ons menstuin lê
en laat elkeen wat haat wat ons sê
weet
ons sê sifuna zonke
daarom skeur ons die donker opstaan van 'n valse dag
in flarde
Etienne Marais skryf in artikel
...
>>> Ek weet nie so mooi of demokrasie, dis nou waar die meerderheid altyd
>>> wen, so baie regverdig is nie.
>
> Ek verstom my hoedat demokrasie in sy moderne betekenis
> (massas oordonder die res) enigsins inslag vind by die mensdom
> regoor die planeet, wat veronderstel is om vooruit te beweeg. sny
> ....Wat van die vry denkende
> individualis verswelg deur stereotipes? Nee wat, demokrasie is 'n
> woord wat met 'n romantiese (figuurlik, maar ook letterlik, die Romeins en
> Griekse beginsels) beginsel assosieer; maar wragtig niks anders as
> fascisme oorgelaat aan die massas is nie.
Etienne,
Die oorspronklike idee met demokrasie soos ons
dit vandag ken, was om te verhoed dat massas mense
uitgelewer is aan die giere van 'n klein groepie mense
wat hulleself die edeles (konings, prinse, hertogte, ...)
genoem het.
Kom ons dink aan probleme en hulle oplossings.
Wat was die massas se probleem?
Hulle het intens ervaar dat hulle dat hulle nie aan hierdie
giere van die edelliede uitgelewer wou wees nie.
In plaas daarvan dat hulle self die probleem opgelos
het, het hulle 'n skynoplossing aanvaar wat deur sekere
denkers voorgestel is wat vandag as politici bekend
sou staan. Die skynoplossing word demokrasie
genoem. Dit is kortliks die volgende: Lewer julleself
as die massas uit aan daardie giere wat die meeste
van die massas het.
Ongelukkig is dit so dat 'n skynoplossing vir 'n
probleem geboorte gee aan nuwe probleme. Die massas
glo nog steeds dat hulle probleem deur minderhede
veroorsaak word. Hulle is reg en verkeerd. Die "reg en
verkeerd" wys dat hulle probleem meer kompleks
geword het sodat dit al moeiliker word om 'n oplossing
te vind.
Hulle is reg omdat hulle deur 'n minderheid
gemanipuleer word wat hulleself poltici noe. Ja, die
einste mense wat hulle die skynoplossing gegee het.
Hulle is ook verkeerd omdat hulleself as meerderheid
(en nie minderheid nie) met hulle stemreg die politici
toelaat om die skynoplossing van demokrasie te
misbruik.
Nou wat is hulle probleem vandag? Om hierdie
probleem reg te kan begryp, moet dit in samehang
die verlede se probleem gesien word. Die eerste
ding wat ons moet doen, is om te kyk of ons nie
toentertyd se probleem beter kan formuleer nie.
Wat was die formulering nou weer gewees?
Hulle (die massas) het intens ervaar dat hulle nie
aan hierdie giere van die edelliede uitgelewer wou
wees nie.
Let nou op dat hierdie probleem negatief geformuleer
is. Dis 'n feit soos 'n vrat dat enige negatief geformuleerde
probleem net skynoplossings kan h^e! Ons moet dus
hulle probleem herformuleer in 'n positiewe sin.
Etienne het met sy sinnetjie "Wat van die vry denkende
individualis verswelg deur stereotipes?" baie goeie
raad gegee. Die massas wou meer kreatief wees en
het intens ervaar hoe die giere van die edelliede hulle
kreatiwiteit verswak.
Wat is die probleem van vandag?
Die massas wil meer kreatief wees en ervaar intens
hoe die giere van die politici en hulleself hulle
kreatiwiteit verswak.
Dit is die probleem wat vandag opgelos moet word.
Demokrasie is 'n skynoplossing vir hierdie probleem
soos wat Etienne so pragtig gestel het.
Ek bespeur vandag by meeste mense 'n diepe
frustrasie omdat hulle kreatiwiteit verswak word.
Ongelukkig is dit by die meeste van hulle
stomkennis. Met ander woorde, dit is kennis waaroor
elkeen van hulle beskik, maar wat nog nie deur elkeen
van hulle in woorde uitgedruk is nie. Ek hoop ek het
daarin geslaag om julle stomkennis te artikuleer.
die bakleiery oor wat en wie afrikaners is,
is so tipies van afrikaners !
dit maak nie saak hoe jy jou taal praat of skryf nie,
of jy kerk toe gaan en of jy 'n atheis is nie,
of jy dagga rook of 'n wyndrinker is nie,
as jy 'n afrikaner is in jou hart kan niemand
dit jou ontneem.
die mens wat dink hy/sy is 'n beter afrikaner
as 'n ander afrikaner, het 'n houdingsprobleem
en sal 'n armer mens wees daarvoor.
of djy nou soos 'n kaapse hotnot praat,
of soos 'n koeksustertjie op parade
of somme just like James Phillips en sy
bokkies of soos Koos Kombuis ...
........maak dit saak ?
kom ons beklink die mengelmoes
van afrikaners en ontneem geen een
om DIE TAAL op eie manier uit te leef nie,
koor -(almal saam)
so stry die boere, tik-tik voort , tik-tik voort
so stry die boere, tik-tik voort , tik-tik voort,
Supertaal
Blog
Soek
Hulp
Lede
Registreer
Teken aan
Tuis
RSS
