"Kobus Pietersen" writes: > e-KRANT
>
> hierdie koerant bevat bydraes deur intekenaars op
> soc.culture.south-africa.afrikaans ; deur lede vir lede
> geen direkte bydraes sal aanvaar word nie, so sny en plak dele om daarop te
> reageer in die nuusgroep
> dit bevat ook opsommings van vorige bydraes, en word slegs aan lede van
> hiedie nuusgroep gestuur
> indien u dit nie wil ontvang nie, gebruik die wenk onder ' BRIEWE KOLLOM;
> WEEK 16/98 '
Geagte Meneer Kobus Pietersen,
wat is die wenk onder "Briewe
Kollom" wat vir my vertel hoe
om aan te dui dat ek u E-krant
nie wil ontvang nie. (Terloops,
sover dit my aangaan, is die
korrekte spelling van die
Engelse woord "column" in
Afrikaans "kolom.")
Ek hoop dat ek die hele situasie
misverstaan. Maar as ek uiteindelik
uitvind dat u vir my die E-krant
as 'n e-pos stuur sonder dat ek
daarop ingeskryf het, dan sal ek
baie ongelukkig wees, en voel dat
ek u van dinge kan beskuldig - soos
byvoorbeeld dat u nie my privaatheid
respekteer nie. Ek hoop ek verstaan
die hele situasie mis. Laat ek dit
net weer duidelik maak: ek wil nie
u E-krant as e-pos ontvang nie.
Ek hoop ook dat u besef dat mense
wat die Afrikaanse nuusgroep lees
en daarop pos, nie "intekenaars"
is nie.
Ek is besig om my eie tuis blad te ontwikkel en wil graag 'n klank le�r
insluit met Nkosi sikelel' i-Afrika sodat die buitelanders daarna kan
luister. Is daar iemand wat my hiermee kan help? Ek is bereid om daarvoor
te betaal.
Hier volg 'n uittreksel uit 'n berig wat in vandag se Rapport verskyn het,
onde die opskrif soos gemeld in die titellyn:
Die kans is goed dat die Namibiese myndorp Tsumeb 'n spookdorp gaan word
nadat Gold Fields Namibia (GFN) aangekondig het dat Tsumeb Corporation Ltd
(TCL), die hoof werkverskaffer op die dorp, gelikwideer word.
Die bom het verlede Vrydag gebars toe die sowat 1 950 werkers van TCL huis
toe gestuur is met 'n boodskap dat die kopermyn voorlopig gesluit is weens
'n likwidasie-aansoek en 'n likwidateur oor hul toekoms sal moet beslis.
In 'n dringende hofaansoek het dit aan die lig gekom dat GFN - die eienaar
van TCL - nie genoeg geld het om die sowat 2 000 werknemers se salarisse vir
April te betaal nie. Intussen het die Namibiese minister van myn- en
energiesake, Mnr Andimba Toivo ya Toivo dit duidelik gemaak dat hy Gold
Fields SA (GFSA) verantwoordelik hou vir die penarie waarin hul myne in
Namibie" is.
"Die maatskappy moet die lyding van die werknemers verlig", sê hy. "GFSA
kon nie onbewus gewees het van die verwikkelinge nie."
Verskeie terugslae het TCL die afgelope jare getref. 'n Staking in 1996 het
die tydelike opskorting van operasies tot gevolg gehad.Dit het tot verlies
van inkomste gelei, terwyl tegniese probleme die Australiese smelteraanleg
by Tsumeb geteister het. (Nota: 'n Daling in internasionale koperprys het
die situasie vererger. HB)
Spanning loop hoog op die dorp. TCL is die ekonomiese hartklop van Tsumeb en
sowat 90% van al die besighede is direk of indirek van die myn afhanklik.
Ook die stadsklerk, Mnr Ockert Brits, het die sluiting van die myn as 'n
ramp beskryf. "Die myn is die hoofwerkgewer van die dorp en direk of indirek
is almal van hom afhanklik." (Einde)
'n Tragies storie, nie net vir Tsumeb en sy mense nie, maar vir almal met 'n
passie vir die plek, asook Namibie" in die algemeen. Vir my was dit nog
altyd een van die mooistes van baie mooi dorpe in Namibie".
Let op, Gloudina, wat die onderliggende tema in al hierdie tragedies is, en
ook, waar die blaam van owerheidswee" geplaas word.
(Terloops, Gloudina, uit 'n vorige plasing van jou - 'trade surplus' =
handelsoorskot, 'trade deficit' = handelstekort.)
Groete
--
Henri Burger, Tzaneen. RSA
'Afrika is Nie vir Sissies Nie!'
(e-mail: remove 'sukikaki.')
het my skiereiland vir jou te klein geword
het jy die padkaart met jou wysvinger gevolg
by die flouerige lig van verwarring
wat ophelder tot jou professionele sonopkoms?
al die jare kon ek jou vang voor die waterval
ek kon vir jou visvang, ek kon jou ekologies behandel
jy't saam met my verstedelik
jy't saam met my elke winter verjaar
en nou sê jy -
jou sandduin het verskuif
die lugfoto's kan jy nou verduidelik
miskien is dit hoekom jy huil
skielik het die seisoenale monsoene hulself vergeet...
ek hoop jy kan my bo die sikloon hoor skree
ek wil jou laat weet van mooiweer,
verspoelings wat herstel is na die onlangse reën, en
as jy kans kry om in die atlas te kyk, seblief beskryf
waarheen die kontinente dryf?
Hierdie is 'n vertaling van die opsomming van 'n artikel oor riglyne vir
nuusgroep gebruik, vir die wat belang stel.
(Die volledige artikel, "A Primer on How to Work With the Usenet Community",
oorspronklik geskryf deur Chuq Von Rospach, en geplaas deur Mark Moraes, is
te kry by die nuusgroep news.announce.newusers.)
Riglyne:
Onthou altyd dat die persoon aan die ander kant 'n mens is.
Moenie administrateurs blameer vir ander gebruikers se gedrag nie.
Moenie aanvaar dat 'n persoon namens sy organisasie praat nie.
Wees versigtig wat jy van ander sê.
Wees saaklik.
Jou plasings sê iets van jouself; wees trots daarop.
Gebruik beskrywende opskrifte.
Dink oor wie moontlik jou artikels kan lees.
Wees versigtig met humor en sarkasme, dit word dikwels mis gelees.
Plaas 'n berig slegs een keer.
Plaas 'n kort opsomming van dit waarop jy antwoord.
As dit gepas is, stuur liewer e-pos.
Lees alle opvolge voordat jy antwoord.
Sorg dat jy die korrekte e-pos adres verskaf, en verwag om reaksie te kry.
Maak dubbel seker van die relevante nuusgroep.
Wees versigtig vir kopiereg oortredings.
Noem die toepaslike bronne.
Dui aan in die titel as jy 'n uitslag bekend maak, en moenie die uitslag in
die titellyn plaas nie.
Die uitwys van spelfoute/onkorrekte taalgebruik word beskou as swak smaak.
Moenie identifikasielyne ('signatures') te lank maak nie.
Moenie nuusgroepe gebruik as bron vir take nie.
Moenie adverteer nie.
Beperk kruispos na verskillende nuusgroepe.
Groete
Henri Burger, Tzaneen. RSA
'Afrika is Nie vir Sissies Nie!'
(e-mail: remove 'sukikaki.')
Gloudina, hier volg vir jou nog 'n brokkie uit vandag se Beeld, rakende my
geliefde Noordelike Provinsie:
"Die Zebediela-sitruslandgoed (eens die grootste sitrusplaas ter wêreld -
my opmerking) staar bankrotskap in die gesig, het Dr. Alidzulwini Naledzani,
voorsitter van die landgoed se raad, gister gesê.
"Die landgoed word deur die provinsiale regering besit en deur die landbou-
en landelike ontwikkelings korporasie bestuur. Zebediela het 'n "inspuiting"
van minstens R12m nodig om te oorleef. Swak reenval, haelskade, en stakings
deur werknemers het die landgoed 'n geldelike knou toegedien.
"Dit sal 'n terugslag vir die gemeenskap wees as produksie tot stilstand
kom. Die landgoed het 850 permanente en 1000 seisoenale werknemers."
Neem kennis, Gloudina dat hier om Tzaneen, in die Noordelike Laeveld, sitrus
een van die belangrikste boerdery aktiwiteite is, en ons aan soortgelyke
klimaatsomstandighede blootgestel is, as genoem in die berig. Ons omgewing
het in '94 en '95 die grootste droogte in mense heugenis beleef, maar almal
het oorleef, en dit sonder 'n geldelike "inspuiting" van staatskant. Die
rede? Wel, eerstens is dit privaat persone of maatskappye wat hier boer, en
tweedens le^ die antwoord in die "staking deur werknemers" gedeelte.
Groete
Henri Burger, Tzaneen. RSA
'Afrika is Nie vir Sissies Nie!'
(e-mail: remove 'sukikaki.')
--
Henri Burger, Tzaneen. RSA
'Afrika is Nie vir Sissies Nie!'
(e-mail: remove 'sukikaki.')
e-KRANT
sat. 25/04/98
u eie weeklikse koerant : gratis en verniet ! betrekkings aangebied: dien as vrywilligers op die redaksie.
E-KRANT aanvaar geen verantwoordelikheid vir per abuis weglatings of verkeerde toedigtings nie . sny en plak dele om daarop te antwoord in die gewone NG. plaas ook interresante webadresse. E-KRANT sal dit volgende keer na eie goedunke publiseer. afrikaans en sy stamtale sal voorkeur geniet. bewaar hierdie uitgawe op 'n koel, droe" plek . rik...@intekom.co.za
------------------------------------------------------------ --------------------
VOORBLAD HIERDIE WEEK
No of your Boere brothers will be censoring anything in this news group so you had better get used to the idea of people with differing ideas. Secret Squirrel
Ek is uiters teleurgesteld met die inhoud en vlak van gesprekvoering in hierdie nuusgroep.
Theo de Jager
Ek het gevind dat die beste antwoord vir hierdie probleem is om die gemors wat geskryf word, te ignoreer. Maak net die verandering op jou nuusfilter, en sny dan uit die 'postings' van die mense wat jou irriteer. anton cronje
Hiermee het ek 'n problem. Jy gaan nooit weet wanneer die ou die dag 'n helder oomblik beleef en die stukkie lewenswysheid kwyt raak waarna jy nog altyd op soek was nie! Henri Burger
Baie min mense het nog die moeite gedoen om die riglyne vir nuusgroep gebruik te gaan lees 'news.announce.newusers'. Henri Burger
kan iemand asb. nb. punte vir ons noem?
Wat is die Afrikaans vir 'killfile'? Henri Burger
Ek let op dat Windows 95 voorsiening maak vir 'n Afrikaanse keyboard. Weet iemand dalk waar mens die Afrikaanse layout kan kry? Dit sal handig te pas kom met letters soos ê.. ens.
Jan Grobbelaar
Your language is degraded Secret Squirrel
The language is being published at a rate greater than ever before. The KKNK draw record attendances last month. Leendert van Oostrum
Is het niet handig om er weer een taal van te maken, het afrikaans en nederlands en vlaams en surinaams. het afrikaans zal volgens mij toch onder grote druk komen te staan en vervangen worden door het engels. arno
'n Taal leef omdat mense hom in hul huise en op straat praat. Jy sal verbaas wees om te hoor waar word Afrikaans oral in SA gepraat - in Soweto heelwat. Henri Burger
Waaraan kan die fenomenale sukses van die KKNK toeskryf word, en wat beteken dit vir die toekoms van Afrikaans? Henri Burger
Wie moet teenwoordig wees as die Groot Indaba tussen Mnr Mbeki en Afrikaners plaasvind, en wat moet op die agenda wees? Henri Burger
Mense wat hier in Afrikaans skryf, en wat nie wit Afrikaners is nie, (ongeag of hulle Nederlanders, Vlaminge, Moesliemmanne of Xhosas is) is besonder welkom. Leendert van Oostrum
------------------------------------------------------------ --------------------
SOSIO- POLITIES
Vertel vir ons van die suksesse van die Stigting vir Gelykheid voor die Reg? Henri Burger
Watter persentasie van die bevolking van Kanada bestaan uit die "honderde Eerste Nasies"? Leendert van Oostrum
Die Proggresiewe Konserwatiewes het ge-implode. Nou het Jean Charest, hulle leier nog leier van die Liberales in Quebec geword. Glodina Bouwer
Beeld spreek vandag sy kommer uit oor die aanduidings dat die regbank onderhorig raak aan politieke inmenging. Leendert van Oostrum
Hoe langer ek hier in die VSA studeer, hoe meer dink ek dat Suid-Afrika tog nie te sleg is nie. Dis tog snaaks hoe mens eers besef wat jy werklik het as jy vir 'n rukkie buite jou eie nasionale/etniese konteks moet bly. Alhoewel ek dit lankal vermoed het, word dit nou eers vir my duidelik dat Amerika soortgelyke rasse-probleme gehad het....en nog steeds het! Theo de Jager
Die meeste myne is in die Rustenburg omgewing, maar dit is net 'n deel van wat bekend staan as die Bosveld Kompleks en verder noordoos strek, en wat die rykste neerslag ter wêreld van die platinum-groep metale het (chroom, vanadium, nikkel, fluorspar). Oorspronklik ontdek deur 'n man genaamd Hans Merensky, na wie een van die skole hier op Tzaneen vernoem is. Die mynbedryf, veral goud leef al hoe swaarder, enersyds omdat al hoe dieper, en dus duurder gedelf moet word, en andersyds omdat arbeidsonrus dit baie onlonend gemaak het. Verskeie myne het reeds hierdie jaar gesluit, en dit lyk asof die Vrystaatse Goudvelde 'n stadige dood sterf. Ons heil le^ in die
vervaardigingsbedryf, maar sakelui is baie huiwerig, omdat huidige arbeidswetgewing baie swaar gelaai is ten gunste van die werkers. Selfs die Grondwet waarborg die reg om te staak, maar nie die reg tot uitsluiting van stakende werkers nie. Dit maak ons uiters onkompeterend op die markte. Die
Ooste lag vir ons, en oorstroom ons met hulle goedkoop, kwaliteits produkte. Motors word goedkoper in Botswana gemonteer en na SA ingevoer, as wat ons dit kan doen, en dit plaas vervaardigers hier onder druk. Henri Burger
Maar selfs in Zimbabwe is die einde nog nie in sig nie. Volgens een koerant hier is een-derde van Zimbabwe bos waar net diere lewe, een-derde word bevolk deur die nie-blanke bevolking, en die ander een-derde bevat die omtrent 4000 plase waarop die meestal wit boere bly.
Die laaste welberedeneerde artikel wat ek oor die probleem gelees het, het die volgende mening gehuldig: dat die groot plase wat meestal tabak en ander westerse uitvoerprodukte kweek op groot plase met baie bemesting, in die laaste analise baie slegter vir die ekologie is as mense wat op kleiner skaal vir hulleself sorg op 'n meer natuurlike manier. Natuurlik is die swart bevolking van Zimbabwe nou ingedruk in te min grond. Hulle moet op die hele and vir hulself kan sorg. Dan kan die westerse Wereldbank wat 'n arm is van Amerikaanse imperialisme maar gaan droog maak.
Glodina Bouwer
Dit is minder as een derde van die land waarop blanke boere bly - baie minder. Die feit van die saak is dat op hierdie grond word byna die hele Zimbabwe se landbou produksie gelewer - onder andere tabak wat by the way Zim se grootse uitvoer produk is - byna die helfte van hulle inkomste uit
uitvoere is tabak. Dit word voorspel dat die landbou produksie en uitvoere met tot 50% sal daal as die Zimregering voortgaan met sy planne.
Die ander kant vandie saak is natuurlik dat Zimbabwe tegnies bankrot is en dat die wereldbank
vir Mugabe dreig met die opskorting van hulp as hy voortgaan met sy onteiningsaksies. Dan is daar natuurlik ook die feit dat sommige van die onteinde plase nie by die massas uitkom nie maar
opgekoop word teen spotgoedkoop pryse deur parlementslede. Om grond te besit is nie 'n reg nie dit is 'n voorreg wat die boer moet gebruik om die land se bevolking te voed en buitelandse inkomste te verdien, nie om die grond die see in te laat spoel nie. Lou
Elke jaar het Kanada 'n "trade surplus" met die VSA. Een van die grootste redes is die bestaan van die "Autopact" (wat dit moontlik maak vir Kanada om groot getalle van die karre van die drie groot VSA karmakers in Kanada aan mekaar te sit. Buitendien koop die VSA ook baie van ons grondstowwe. Dis die arme VSA wat altyd 'n "trade deficit" met die res van die wereld het.
Glodina Bouwer
I'm searching for information about a place called Dullstrom in South Africa province Swazulu Natal. Bart van der Meer
Nee ou perd, dis Dullstroom in wat eers die oos Transvaal was - so 300 km noordoos van Johannesburg. En die ander naam is Kwa-Zulu Natal. Dis die kusprovinsie suid oos om Durban. Nico
I think you should try www.dullstroom.co.za you should find a lot of information about Dullstroom. Annetjie
Kan iemand mij uitleggen waarom de landen-code (zoals achter op auto's en op het Internet "ZA" is en niet "SA" ? Zowel in het Afrikaans (Suid-Afrika) als in het Engels (South-Africa) is de afkorting "SA", terwijl ZAmbia als code "ZM" heeft. rufus
Ek dink dit kom uit 'n era toe Hollands en nie Afrikaans nie nog een van die amptelike landstale was, en Suid-Afrika dus Zuid Afrika was. Afrikaans het in die 1920's amptelike status gekry. Henri Burger
Die identifikasiekode vir SA is, soos jy uitwys, ZA - ook vir die identifikasienommers en roepseine van skepe, vliegtuie en radiostasies ens. Dit is afgelei van die Nederlands: Zuid Afrika. Die internasionale stelsel van identifikasie is kort na die Eerste Wêreldoorlog ingestel. In daardie stadium was die ampstale van die land Engels en Nederlands. Afrikaans het Nederlands enkele jare later as ampstaal vervang. Die kode SA word vir 'n ander land gebruik,maar ek kan nie onthou watter een nie. Leendert van Oostrum
Saudi Arabië Gideon
Weet jy dat die provinsie van New Brunswick hulself ge"twin" het met die Noordkaap. Hulle ruil kennis uit en die premiers besoek mekaar. Henri Burger
G.A. Watermeyer
Uit Ballade van die Bloeddorstige Jagter
Die geelkapel se kronkels lê
drie sirkels om die maan.
Met watter woede sal die wind
teen middernag sy tentseil slaan?
Koor van die verminkte diere:
Ons was die hoefslag teen die grond,
die vlerkslag teen die lug;
maar al wat lenig was het jy
in kronkels van die pyn ontwrig.
Wilde-kanarie:
Ek kelk die sonlig in my keel
en rym die rondebessie ryp;
met kinderhand het hy, het hy
die fluite uit ons bors gegryp.
Steenbokkie:
Hy het my op die sesde dag
laat dartel uit Sy hand;
en sewe mane spartel ek
die breekbeen oor die sand.
Valk:
Die speerpunt van die wind was ek,
geel ster wat in die daglig skiet;
sy nyd het my getref en so
laat bondel in die riet.
Olifant-trop:
Ons wat die sterkstes is gaan stil
verby die koedoe en die kelkie-wyn;
maar dreun die oerwoud oop en stort
die stamme in ons pyn.
Duif:
Hy het my swaar van Hom laat gaan
omdat my oë van Hom was,
maar watter boodskap spartel ek
hier afkop in die gras?
Luiperd:
Ek is die drinker van die bloed,
die ding wat donker loop,
maar ruk alleen vir eie dors
die polsing van die slagaar oop.
Kraai:
Met hierdie snawel het ek self
Elia in die grot gevoed,
vereffen jy jou skuld, o mens,
met moordslag en met lammerbloed...?
Koor:
Was dit Sy wil, was dit Sy wens?
Ons daag jou wat die heerser was.
Die peulboom sidder in sy stam
en bitter buig die gras.
Jagter:
Bo die trompette van die wind
hoor ek die vlakte kreun,
en teen my skene styg en skuim
dit wat nie uit die wolke reën...
Glodina Bouwer
Die engel met die tuinslang in die carwash
I. Die hond en die maan
Ek gaan draf met die ou hond op die strand. Girts girts maak die sand onder
my voete, swoesh sê die see. Die hond raak naderhand effens agter, arme
ding, sy asem nie meer die' van jare gelede nie. Ek gaan staan stil en wag
hom in, ekself maar hygend. Dit is volmaan, die ronde kaas hang soos 'n oog
aan die muur van die horison. Die hond draf na die waterkant om die lig te
gaan ruik. Soos glimwurms dartel die maan se weerkaatsing tussen die golfies
deur, 'n ligpad wat strek van die verste punt van die oseaan tot by die hond
se pote. Hy lig sy kop en kyk uit oor die see, waterdruppels aan sy baard. Hy
sou op daardie ligpad kon loop, weet ek, soos 'n jesus, as hy net die maan
kon vertrou.
II. Die kettingleer
Die eerste keer toe ek die kettingleer sien, het ek gedink: vandag duiwel ek
hier af. Dit was nie vreeslik hoog nie; miskien twintig of dertig meter.
Maar dit het loodreg teen die rotswand uitgeslang, en verder op met 'n
effense boog agter die klippe uit sig verdwyn, die bo-punt van die leer 'n
onseker hemel. Boonop het die bergwind die leer se trappies laat rinkel, soos
'n deurklokkie het dit iemand laat weet, hy is hier.
Ver bo die plato het die lammervanger stadig 'n draai voor die donderwolke
gemaak, sy vlerke 'n stil erkenning van die wind se krag.
Mont-aux sources, 3 April 1998
III. Are friends electric?
Selfmoordgedagtes, sê die blonde meisie voor sy die pizza hap. Nog nooit
gehad nie. En verder, wie wil nou voor sy tyd doodgaan? Fok ouers, fok
onvriendlike kafee-eienaars, fok stupid boyfriends. Ek kan van werk verander,
of 'n hond kry, of my kar verf. Niks is onmoontlik nie. Ek kan voor die
spieel staan en rooi lipstiffiekringe om my oe trek, en besluit, hi'e'r sit
my siel. En ek en jy kan hande vashou in tranetrekkermovies, als wat lekker
is. Leef, leef is 'n besluit, nooit 'n gegewe nie. As die kar breek, bel 'n
mechanic, ryloop, of bel die AA, die trip is die moeite werd. Ek kan altyd
mooier aantrek as gisteroggend, want ek is die hero in my eie storie.
...verstaan jy? Glo jy my? ev...@sportspace.co.za
Dis nou die soort bydrae waarvan ek meer sal wil sien op hierdie NG !!! Dankie !!! Nico
Vergeleke met die norm hier is jou bydrae verfrissend.
Ignoreer maar die idiote wat ook daarmee sal fout vind. doos@dop.dam
"Frikkie Potgieter" writes: >
>
> Leendert, dankie vir die reguit antwoord wat jy vir my gee....
> Laat ek dit so stel, as izwe of Banzi wel blank is het ek werklik geen
> begeerte om hom te ontmoet nie, want dis hulle soort wat dieselfde is as
> P.W. Bothe, Constant Viljoen en F.W. De Klerk....
> Dis goed dat jy name noem, want dis ten einde `n opregte en reguit man wat
> ek mee gesels, en hulle name kom net soos Gloudina sin op my lysie wat ek
> glad nie sal antwoord nie, want elke persoon het tog maar sy trots of hoe,
> en ek argumenteer nie met iemand wat nie bestaan nie....
Jy sien, ou Frikkie, in hierdie kubereeu
word mense soos jy so deurmekaar gemaak
deur die nuwe werklikhede van die laat
twintigste eeu, dat julle opruk in Bop
in met julle monde en dan julle komoppens
kry wanneer julle die harde werklikheid
in die gesig moet staar.
En ek vra weer: HOEKOM gebruik jy nie
Afrikaans in jou e-posadres nie. Of staan
jy en jou groep nou vir 'n enkel Engelse
taalbeleid in SA? Die Afrikaanse woord
vir "freedom" is "vryheid", ou Frikkie.
> Wat die AWB betref is ek `n offisier en sal so bly tot die dag wat hulle
> ontbind, want gee my nog net een Politieke party ongeag hulle sienswyse wat
> vir hierdie korrupte en tronkvoel regering `n weerstand bied, en jy sal nie
> een kry nie...
> Onthou wat Siener Van Rensburg gesê het... Ons sal hulle nog terugjaag tot
> by die Ewenaar en dit kom so gou in die nag dat die vrouens nie eens tyd het
> om hulle gordyne toe te trek nie, en hy was nog al;tyd reg, en as jy op die
> oomblik na Moorde op plaasboere kyk en die 3de mag wat opereer, dan sien ek
> hierdie visioen nie vér nie. Ek sê nie dis die AWB wat hulle gaan terugjaag
> nie, maar `n blanke vat ook net soveel en nie meer nie..
Die laaste man wat vir my vertel het
wat Siener van Rensburg gesê het
(dat die eerste president van die
nuwe SA 'n bruin baadjie sal dra)
was Jaap Strydom, wat gehelp het
om die opstande van 1976 te veroorsaak.
Nou Jaap het altyd gesê hy hou 'n
bruin baadjie in sy kas aan, just in
case. En ek sou my nie verbaas het
as hy werklik gedink het dat hy 'n
kans het om president te word nie.
Maar nou wonder ek, het Siener van
Rensburg nie gepraat van die werklike
nuwe SA nie. Het Siener van Rensburg
nie die dag van reg en geregtigheid
gesien wat in die negentigerjare in
SA gedaag het nie?
Gloudina Bouwer
>>
>> Want ek sou dit 'n verleentheid vind as iemand namens my die soort dinge
>> plaas wat jy hier plaas - en die taal "verbruik" soos jy dit doen. Jy sien,
>> my indruk is dat daar veel van die BOS is in die bydraes wat jy hier maak.
>
>
> As iemand `n berig in my naam plaas, sal ek eenvoudig net verskoning vra en
> verder aangaan, en defnatief nie die taal gebruik wat in die brief gebruik
> is nie.
> Dis hoekom ek sê die bos is nog in hom, want hy kan nie sulke dinge hanteer
> nie, en as iemand onder jou naam skryf, dan as daar ook niks wat jy daaraan
> kan doen nie.
>
>> Maar as hy nonsens praat moet hy ook bereid wees om die pyn te vat. Net
> soos
>> ek of jy.
>
>
> Dis presies wat ek in die vorige paragraaf gesê het.
>
> Vriendelike groete
> Frikkie Potgieter
>
Die lente is nou uiteindelik werklik hier.
Op die Eksperimentele Plaas, wat hier in Ottawa
in die middel van die dorp op die walle van die
Rideau-rivier is, het ons gister Japannese magnolias
gesien. Hulle is groot en losserig en daar is geen
groen blare in sig nie, net 'n massa wit. Die rooi
magnolias wat wild groei in die Suidelike VSA is
nog nie hier uit nie. Die kersieblomme is nog nie
uit nie. Die crabapple-lanings se pienk is nog nie
daar nie. Die tulpe is hier en daar al mooi. Oral op
die parkweg langs die rivier staan daar plate affodille
en narsings wat oorspronklik daar geplant is, maar
nou wild groei.
Die botseltjies is al liggroen op al die bladwissel-
ende bome. Maar as jy so ry, dan sien jy orals die
arme bome wat so vermink was in die ysstorm wat so
drie maande gelede soveel verwoesting hier veroorsaak
het. Oostelike Ontario en Westelike Quebec het 'n swaar
paar maande agter die rug. Daar was uitsonderlike erg
vloede orals, as gevolg van die feit dat die vroeër as
gewoonlik warmer weer die sneeu te vinnig en te vroeg
laat smelt het. Nou is die ergste van die waterskade
gelukkig oor, maar die Ottawa-rivier hier naby ons is nog
baie hoog.
En orals is die voëls aan die verbykom, op pad verder
noord. Ons was so geamuseer toe ons by vriende van ons
buite 'n klein dorpie hier naby kuier, en hulle het twee
mallard ducks op hulle swembad. Hulle sê die voëls is
al so gewoond aan hulle dat hulle nie eens wil opvlieg as
mense naby aan hulle kom nie. Nou wonder hulle of die
voëls daar gaan bly vir die hele somer en hulle dus nie
die uitsluitlike gebruik van hulle eie swembad gaan hê
wanneer dit warm genoeg word om te begin swem nie.
@igs.net wrote in message ...
> lou writes:
>>
>> Nou het ek alles gehoor. So dis nou reg om ander mense te onderdruk as
>> jy onderdruk was.
>
> Ou Lou, as 'n Afrikaner wat die
> apartheidsera blykbaar taamlik
> lekker in SA deurleef het, en
> nou nog verskonings maak, dink
> ek dis beter dat jy jou bek nou
> ophou rek oor Hutus en Tutsis
> en Mugabe en Biafra en nog wat.
> JY HET GEEN BEEN OM OP TE STAAN NIE.
Let op hoe die hekstegiek hier werk:
1) Iemand aan wie die etiket "Afrikaner" hang, wat "die apartheidsera
blykbaar taamlik lekker deurleef het" en wat "nou nog verskonings maak" is
nie geregtig op 'n standpunt oor Hutus, Tutsis, Mugabe of Biafra nie.
2) Let veral daarop dat die operatiewe element die een is van "nou nog
verkonings maak". 'n Afrikaner mag dus nie standpunte huldig wat van
Gloudina s'n verskil nie.
Supertaal
Blog
Soek
Hulp
Lede
Registreer
Teken aan
Tuis
RSS
