...
en ook waar berg en bos styg uit die see
met winde wat oor rots en denne fluit,
ken ek in alles die angs en wee
van God in ieder ding en mens gesluit,
en as volksgenoot is dit my doel:
Ek moet my land, wat buite die hemele lê,
deur Sy genade en Sy meegevoel
bestendig in my volk se taal en sê
wat my aangryp; en in volstrekte
vereenselwiging met alles om my heen:
bloeisels, Alpe en viswyf, verlos ek
deur die gedig die engel uit die steen.
...
From:
Subject: Re: Van Zyl Slabbert oor die hekstegniek
Date: 24 Apr 1998 00:00:00 GMT
Message-ID:
Organization: IGS - Information Gateway Services
Newsgroups: soc.culture.south-africa.afrikaans
sizwe...@aol.com (SizweBanzi) writes: >
> Snaaks hoe sirkulere redenering vir eie gewin toegepas word. Wanneer iemand
> genaamd koos, en piet of dergeliks iets "onbeskaafds" pos (en daar is velerlei
> sulke voorbeelde) word daar OF nie daarop gereageer nie OF dit word toegeskryf
> aan een of ander individuele renegade. Met 'n naam soos Sizwe, egter, word dit
> 'n onbeskaafde karaktertrek van 'n hele groep - die "einddoel" van die julle in
> ZA. Wel ek dink daar is ver genoeg agteruit gebuig in die naam van
> rekonsiliasie vir mense soos jy. Skielik is rekonsiliasie 'n prioriteit vir
> jou wanneer jy dit kan gebruik om my aan te val en jou verantwoordelikheid
> daarmee kwyt te skeld. Ek sien deur jou ploy.
Ja, nee, Sizwe, jy het hulle in 'n lekker
lokval gelei. Sodra die sogenaamde "swart
naam" deur iemand gebruik word, word daar
rassisties aangeval. Hoe weet hulle dat
dit nie 'n sielkundige is wat hulle uit-
toets om inligting in te samel vir 'n
sielkundige dokument oor rassisme op die
kubernet nie.
*************** aanhaling eindig **************
Nee, Gloudina, nie 'n sielkundige nie. Wel 'n historikus, as ek dit reg
het - een met 'n besondere belangstelling in sosiale geskiedenis.
In elk geval. Hier had ons 'n "bekende Kleurlinggeleerde" (soos Rapport vir
baie jare by "Gus Adams" se naamlyn geskryf het - dit was toe al die Richard
van der Ross).
Hy kom af op 'n stuk kwaadwillige laster (te goed om nie verder te versprei
nie) oor ene PW Botha. Dit verskyn in 'n gewilde boek wat as gesaghebbend
beskou word in radikale swartbewussynskringe in die VSA. (ons aanvaar maar
hy dit dit nie self gefabriseer het en aan die skrywer toeskryf nie). Die
stuk is lasterlik, want dit gee voor dat PW Botha in 1985 uiters rassistiese
boodskappe aan Afrikaners gestuur het. Die implikasie is ook dat Afrikaners
ontvanklik was vir sulke berigte. Dit belaster, op uiters rassitiese wyse,
dus nie net PW Botha nie, maar ook die meerderheid Afrikaners.
Hy weet baie goed dat hy nie in sy eie naam gevang kan word dat hy die
stukkie materiaal ernstig opneem nie - en veral nie dat hy dit versprei nie.
Dit sou sy reputasie as wetenskaplike onder sy kollegas onberekenbare skade
aandoen.
Hy kies dus 'n skuilnaam uit 'n stuk van Athol Fugard uit die
sewentigerjare. 'n Xhosanaam. Met 'n vals Xhosa-identiteit (maar met die
pragtige taalgebruik van Genadendal, wat by geleentheid verval in die patois
van Mannenberg) plaas hy die stuk rassistiese laster op die
Afrikaansnuusgroep. Heel provokatief.
Drie dinge gebeur:
1) Iemand haal dieselfde triek op hom uit, gebruik dieselfde skuilnaam en
adres, en gee voor dat sy vals persona ook gay voorkeure het.
2) Iemand anders ontbloot sy stukkie propaganda vir wat dit is.
3) Ons geleerde vriend (in sy vals Xhosa-gedaante) doen 'n dosyn
bollemakiessies en piepie straaltjies in alle rigtings.
In sy reaksies ontbloot hy sy eie vooroordele en kwaadwilligheid soos volg:
1) Maak die stelling dat bewerings oor gay voorkeure 'n teken van
rassisme is. In die proses toon hy sy eie homofobiese vooroordele. (Kort
tevore is presies dieselfde poets op iemand ander in die nuusgroep gebak -
dit het onder andere gelei tot bewerings dat Afrikaners die grootste
voorkoms van manlike homoseksualiteit vertoon. Dit beskou hy egter nie as
"rassisties" nie.)
2) Maak 'n massiewe krater van homself toe hy hom op die wetenskaplike
metode beroep, en demonstreer in die proses dat hy sommige van die
fundamentele begrippe in sy gereedskap as wetenskaplike nog nie baasgeraak
het nie.
3) Stel, op uiters arrogante en hoogs rassistiese wyse, homself aan om te
eis dat 'n ander deelnemer moet inval by die identiteit wat hy vir daardie
persoon voorskryf.
4) Verval in 'n sniveling heap of snot, skreeu "Rassisme!" en wend hom
tot emosionele afpersing van die mees laakbare aard toe sy tjank vir hom
afgetrap word oor sy optrede in 3.
Maar jy, Gloudina, kom tot die gevolgtrekking dat:
"Ja, nee, Sizwe, jy het hulle in 'n lekker
lokval gelei. Sodra die sogenaamde "swart
naam" deur iemand gebruik word, word daar
rassisties aangeval."
As enigiemand in hierdie insident rassistiese aanvalle geloods het, was dit
onse "Sizwe".
Maar jou polaroidbril laat net rassisme van 'n bepaalde polarisering deur,
nie waar nie?
Dit sou jammer (maar verstaanbaar) wees as ons geleerde vriend te skaam is
om weer deel te neem. Ek dink hy sou waardevolle bydraes kon maak uit 'n
perspektief wat nie goed op die nuusgroep verteenwoordig word nie.
Mag ek ook daarop dui dat die mense in SA wat die apartheids-sisteem begin
het en dit vir 40 jaar in stand gehou het, ook nie bevoeg was om 'n westerse
soort regering met sy verantwoordelikhede "suksesvol" te volvoer nie.
< Hoe onsuksesvol is 'n sisteem wat vir 40 jaar in stand gehou kon word ? en
< Hoe onsuksesvol is 'n sisteem wat vir 40 jaar nie in stand gehou is nie ?
< (Maak dit 350 jaar.) vorsprung dur technic
< En dit nogal in die Weste. (Of nie ?) Ek glo ook nie. Wel in die
"geweste"
< Onthou, daar is ses rigtings ; noord , suid , oos , wes , en natuurlik
*afrika.
< "mense in SA wat die apartheids-sisteem begin het " ?
< al gehoor van reservate in kanada, amerika, australie" ? Hoe lank bestaan
dit nie al nie: Hoe lank gaan dit nog suksesvol bestaan ? En dit
nogal in die Weste. (Of nie ?)
< "verantwoordelikhede" in afrika? onbekende begrip.
In vandag se Beeld rapporteer Elkarien Fourie die volgende:
PROJEK VERANDER SKOOL IN GA-RANKUWA SE LOT.
"Goeie dissipline en 'n positiewe gesindheid was al wat in die guns van die
Hoe"rskool Tebogwana getel het nadat inbrekers lankal alles weggedra het wat
draagbaar was. Daar was nie eens meer 'n biblioteekboek of 'n proefbuis nie.
Onderwysers het nie voorberei of volgens 'n leerplan gewerk nie.
"Dit was voordat Projek Handevat die skool verlede jaar soos handomkeer
verander het. Die doel van die projek is om die gehalte van die onderrig van
Afrikaans as tweede taal te verbeter.
"Tebogwana bedien oorwegend Tswanasprekers in Ga-Rankuwa in Noordwes. Die
inwoners het meestal met Afrikaans grootgeword en het self gekies om
Afrikaans as tweede taal op skool te leer.
"Mnr Tobie van Dyk, wat die projek as navorsingsonderwerp vir sy
meestersgraad lei, sê die eerste stap was om 'n leerplan vir die
teikengroep gr. 10 - 12 leerlinge in oorleg met die Dept van Onderwys op te
stel. Hy het 5 maande by die Universiteit van Antwerpen se Centrum voor Taal
en Spraak gaan kers opsteek.
"Hy besoek die skool 2-3 maal per week as hulponderwyser en het ook die
leerlinge se fisieke, sosiale en emosionele welstand op die hart.
"'n Jaar nadat die program met die gr.10 klas begin het, het die skool se
matrieks 8 onderskeidings in Afrikaans behaal. Die skool se slaagsyfer was
verlede jaar meer as 75%."
Hoede af vir Tobie!
Henri Burger, Tzaneen. RSA
'Afrika is Nie vir Sissies Nie!'
(e-mail: remove 'sukikaki.')
Op 'n ligter noot, het ek dit goedgedink om julle bekend te stel aan die
kookvernuf van Richard van der Westhuizen.
Vir die wat dalk nie weet nie, Richard is 'n sanger en akteur, tans te sien
in 'n televisiedrama, getiteld, Samaritaan. Hy sing gewoonlik saam met
Lochner de Kock, wat 'n vermaarde kok is, en sy eie kookrubriek in Beeld
het.
Richard vertel in gister se Beeld van sy eie kookvermoee":
"Ek ken net een resep en hy is baie eenvoudig. Jy soek vir jou 'n lekker
doringboom uit. Dan krap jy in sy koelte vir jou 'n stukkie grond skoon, pak
'n klomp stompe op mekaar en steek hulle aan die brand. En as hulle kole
gemaak het, sit jy vir jou 'n rooster met vleis daarop en braai dit. Dit is
my totale kennis van kos maak. En dis vir my genoeg."
Durf ek meer sê?
Groete
--
Henri Burger, Tzaneen. RSA
'Afrika is Nie vir Sissies Nie!'
(e-mail: remove 'sukikaki.')
hierdie koerant bevat bydraes deur intekenaars op
soc.culture.south-africa.afrikaans ; deur lede vir lede
geen direkte bydraes sal aanvaar word nie, so sny en plak dele om daarop te
reageer in die nuusgroep
dit bevat ook opsommings van vorige bydraes, en word slegs aan lede van
hiedie nuusgroep gestuur
indien u dit nie wil ontvang nie, gebruik die wenk onder ' BRIEWE KOLLOM;
WEEK 16/98 '
hierdie koerant bevat bydraes deur intekenaars op
soc.culture.south-africa.afrikaans ; deur lede vir lede
geen direkte bydraes sal aanvaar word nie, so sny en plak dele om daarop te
reageer in die nuusgroep
dit bevat ook opsommings van vorige bydraes, en word slegs aan lede van
hiedie nuusgroep gestuur
indien u dit nie wil ontvang nie, gebruik die wenk onder ' BRIEWE KOLLOM;
WEEK 16/98 '
Supertaal
Blog
Soek
Hulp
Lede
Registreer
Teken aan
Tuis
RSS
