Ek wonder, sê Ouma van Graan
Toe Oupa so krom verby gaan
Sou daai nuwe pil
Waaroor almal jil
Sy rug ook so regom laat staan?
===joop===================
=Ek wonder, sê Ouma van Graan
=Toe Oupa so krom verby gaan
= Sou daai nuwe pil
= Waaroor almal jil
=Sy rug ook so regom laat staan?
====joop===================
Om die klappers te verklap
en die geheime hoere uit hul laaie te lig
om elke sigaret oop te rol
om elke venster te ontsyfer.
Wie kan antwoord hê op die stomende son?
Daar lê die stof en die stilte,
en elders dreun die deure.
Of dit nou bloed of bloeisels is,
die swygende stilte moet blaker en kers.
Om die uiteindelike behoefte te groet,
om eens en vir altyd 'n eerbied te bekom,
muis te word in 'n trommelende spens,
om die drade en hoeke te span
en die oog sy belofte te lewer.
Dan kan ons in ons palms die toekoms voel,
en met ons voete soek vir vermistes,
dan kan ons daagliks die eensame son ---
die lang son, die son van ons voorsate ---
op ons skouers laai en in ons matte saai
en in elke gesprek oes en dors en maal ons
die vernederende verbystering van die onlangs
ontblindes.
Waarom vra jy nog waar die ooste is,
of die getal van jou sonde?
Dit (1..2..3) wil vóórkom (1..2) asof die oú manier (1..2)
van Afrikaans práát (1..2..3) heeltemal te reguit (1..2..3)
en dus sekerlik (1..2) fascisties (1..2) moet..... VOORkom.
Láát (1..2..3) ons daarom eerder; (; ; ;) soos vermeld in
(1..2..3..4) 'n redelik onlangse SABC dokumentęr (1..2..3)
oor die óú (1..2) SAUK, (, ,) ons manier van (1..2..3) dink,
handel, en praat ......... WYSig.
Let (1..2..3..4..5), vir 'n begin (1..2) op ritme (1..2) en
veral (1..2..3..4..5) póúses (1..2..3) TUSsen woorde. Later
(1..2..3) kan jy (1..2..3) oorweeg om (1..2) sagter te praat
(1..2..3) en kwynende (1..2..3) jou woorde...... in te sluk.
Ondhou (1..2..3) die KLEMmtoon (1..2) op sporadiese PLEkke
(1..2..3) maar veral (1..2) op die voorlaaste LETTERgreep.
Sommige woorde (1..2..3..4) word ook op (1..2..3)
snaaaa('n)kse maniere...... verleng. ( . . . . ) Al hierdie
(1..2..3) moet egter (1..2..3) binne 'n (1..2..3) aaklige
(1..2..3) monotoon ........ GEskied.
Kruywagen (1..2..3) moet sekerlik nou (1..2..3..4) in die
hemel wéés (1..2) want hy het (1..2..3..) nog altyd (1..2)
staaaaadig ........... GEpraat. Alida Thron (of Alaaaida
Th e ron) is vir sómmige sensasioneel (1..2..3..4) op die
oor (1..2..3) en RSG se omroepers práát (1..2..3..4..5)
ook nou........so (Dankie tog vir geharde Niki !!!). Selfs
(1..2..3) verkrampte ou radio pretoria (1..2..3) omroepers
(1..2) en núúslesers (1..2) elokusieer (1..2..3) met sulke
(1..2) lawwe (1..2..3) skielike uitvlooi van woorde.
Dié (1..2..3..4) advertensiewese (1..2..3) bly egter
(1..2..3) die groo(ooo 'n)tste (1..2) propageerders van
(1..2..3) ons nuwe manier van.......... praat.
Ek wens net (1..2..3..4) ek kon iets doen (1..2..3) om
daardie kriewel gevoel, (, , ,) te ....... BEheers.
Want as ek aan Afrikaners dink, dink ek aan 'n stewige
handskud, reguit in die oë kyk en nie pretensieuse, self
innemende, poserende, selfgenoegsaamheid nie.
(Om soveel op uitspraak te konsentreer , dit nogal sonder
inagneming van konteks, is sommer inelkgeval laf.)
Aan (1..2..3) die ánderkant (1..2..3..4) was daar 'n tyd
gewees wat (1..2..3) ten minste soms (1..2..3) Engels 'n
lieflike sprankel op die oor ...... geHAD het. En (1..2..3)
dalk kan daar tog (1..2..3) iets goed (1..2) omtrent
elokusie......wéés. Maar die konsep van (1..2..3) trots,
eer, selfrespek en (1..2..3..4) nederigheid is (1..2..3)
lankvergete begrippe en (1..2..3..4) skaars te vinde
(1..2..3) maar nogtans ter herinnering in (1..2) ou films
en produksies van bv. (1..2..3) R & H en MGM .........
vasGEvang (1..2..3) en ook nog (1..2..3) te siene
(1..2..3) in sommige periodiese ........ proDUKsies.
(Queen's (of Georgiaans) eerder as Oxford dankie !)
(Ons romeinse maatjies is inelkgeval lankal dit nie meer
nie).
Wel ja, ek hoop net nie ons gaan eendag ons konsonante insluk
op een of ander absurde manier nie. En alhoewel dit sommiges
nog heel fassineer ;) hoop ek regtig dat die 'pun' en sy
degeneratiewe eweknie, die 'oneliner', sal uitsterf as
goedkoop sensasie. En irreterende, onnodige sarkasme daarby
sommer gou vir die oppervlakkige gemors wat dit is raakgesien
sal word.
On 14 Jul 1998 22:15:30 GMT, fsct...@aol.com (FSCTrain) wrote:
> My brother, a german citizen livin in Lesotho has been kidnapped in RSA on the
> 10th of July. He might be anywhere in southern Africa. REWARD AVAILABLE.
> See http://members.aol.com/fsctrain for details.
>
> Thanks
> Rainer
>
Hierdie gaan nou weer baie skade doen in die buiteland! Wanneer
toeriste valuta vir SA belangrik is!
Waarsku die verskillende konsulate in SA nie hulle mense dat dinge
soos bussies uit is nie?!
Dis baie tragies.
Toe Gloudina, wat so graag die skuld van die geskiedenis op haar
skouers wil neem - hier is nou eietydse geskiedenis waarmee jy lekker
kan werk. Dis JOU oud-studente wat die soort van goed doen - jy moes
dalk eerder destyds moraliteit leer ipv Afrikaans.
> jnpj...@bigfoot.com (Johan N Potgieter) writes:
>
>
>>> Dit is uitstekend, Gloudien. Ek trek nie in twyfel dat daat mense
> is wat dinge
>>> probeer verbeter in SA nie. Hoeveel artikels kry die gemiddelde
> akademikus
>>> gepubliseer in ?n gemodereerde tydskrif per jaar?
>>
>> Antwoord asseblief Gloudina, met stawende bewyse asseblief!
>
> Nou, ou Johan, jy besef natuurlik dat hierdie
> R2000 niks te make het met sy salaris en die
> geld wat vir hom gegee word om konferensies
> by te woon, en dies meer nie. Dis maar net
> om hom te beloon dat hy 'n artikel gepubliseer
> gekry het. Ek neem aan hierdie "beloning" is
> iets wat gedurende die ou dae ingestel is, en
> wat heelwaarskynlik eersdaags afgeskaf sal moet
> word. Dit strook nie met die gebruike in die
> buiteland nie.
>
Ek kan my nie uitspreek oor hoe dit by UNISA werk nie, maar by Tukkies
het navorsers ook R2000 (van die sowat R10000 wat die staat aan die
betrokke universiteit in die vorm van 'n subsidie betaal vir elke
artikel gepubliseer in 'n gemodereerde vaktydskrif) gekry, wat die
outeur dan vir navorsingsdoeleindes kan gebruik. Dus kan die akademikus
nie bloot die geld in sy sak steek nie. Dit word in sy/haar
navorsingsfonds inbetaal, en hy/sy kan dit dan aanwend vir die aankoop
van toerusting, akademiese reise, en die betaal van publikasiekostes
("page charges" aan die joernaal) ens.
Die top-navorser in 'n groot departement by UP publiseer so 8 - 10
artikels per jaar, en dit is uitsonderlik. Selfs al sou hy hierdie geld
in sy sak kon steek, sou dit nie regtig 'n groot som gewees het nie. Hy
is alleen-outeur van hoogstens 2 van hierdie artikels, en hy sou die
inkomste uit die oorblywende artikels met mede-outeurs moes deel. In 'n
goeie jaar, sou hy dus 'n addisionele bruto inkomste van R12000 per jaar
gehad het, d.w.s. US$2000 per jaar. Indien hy self vir die
publikasiekostes moet betaal, sou hy selfs 'n verlies gemaak het. In die
top joernaal in sy veld, beloop dit US$110 per bladsy - dus vir 'n
6-bladsy artikel sowat R4000!
Persoonlik sou ek geen beswaar he indien hierdie bedrae wel aan
akademici uitbetaal word in die vorm van 'n bonus nie. Dit sou nie eers
begin om die geweldige agterstand in salarisse in vergelyking met die
privaatsektor of by universiteite in die buiteland, aan te spreek nie.
> Nou hoeveel artikels iemand gepubliseer kry,
> hang natuurlik af van die persoon, ou Johan.
> Wat bedoel jy met "stawende bewyse"? Dit klink
> jy probeer argumenteer, maar dink nie eintlik
> aan wat jy sê nie. Wat wil jy sê, ou Johan?
>
>
>> Behalwe natuurlik as jy wit is .........
>
>
> Nou sal ek op my beurt vir jou vra, met
> stawende bewyse, om vir my te bewys dat
> wittes nie mag studeer op plekke van hulle
> keuse nie. Watter wittes word verhoed om
> waar te studeer?
>
By Medunsa.
Kaalvoet, swanger en in die kombuis! "Indoor plumbing"? Nee, dis
'n luukse, soos 'n spieël in die huis. Bad? Miskien een maal 'n
week. Die lewe bestaan uit landbou, kos en kinders maak. En ek
bedoel elke woord BAIE letterlik!
Werklik?!? Vandag?!? 1998?!?!? In Amerika!? Jaaaa!
Ons het Saterdag afgery na 'n dorpie met die naam Harmony om
nader te gaan kennis maak met die Amish gemeenskap. Wat 'n
ontnugtering!
Ek het nog altyd geweet dat hulle wegbly van tegnologie af, maar
dat hulle agterlik is, dit het ek nie geweet nie. En die tegnologie
word net gemaklikheidhalwe weggehou van die mense af. In die
werkswinkels waar meubels vir die toeriste gemaak word, staan die
nuutste en beste meganiese gereedskap! Buite staan 'n groot petrol
masjien wat 'n as draai wat deur die lengte van die werkswinkel loop
en watter masjie ook al gebruik word, se dryfband word oor die pulley
getrek sodat die masjien werk.
Die plaas werwe is in kontas met die "English" (nie-Amish - onthou
die Amish praat 'n soort verkragting van Duits met mekaar)
plaaswerwe baie slordig en vuil - 'n mens kan dit tot 'n mate
verskoon want daar is nie 'n rondry trekkertjie waarmee gras gesny
kan word nie, en alle hande is seker maar nodig om met die
boerdery te help.
Vuil ou kindertjies staar jou aan met die blank gesigte wat ons ook
al in die Huisgenoot gesien het. Hulle lewe is baie afgestomp.
Van kleins af dra albei geslagte rokkies - die meisietjies dra
kappies en dis die enigste manier om hulle te onderskei. Die
seuntjies dra dit tot hulle van doeke af is, maar ek is nie so seker
of daar wel onder daardie rokkies doeke is nie. Ek dink daar word
maar net gesquat as die natuur so dikteer. Miskien is ek verkeerd.
Kinders het net een speelding en dis 'n sleepwaentjie - Die
Western Flyer soort wat hulle agter hulle aantrek - niks anders nie.
Van baie lae ouderdom afbegin hulle help op die plaas en teen agt
jaar oud is hulle ten volle aan die werk. Lande word met perde
bewerk en net EEN-skaar ploegies word gebruik.
Dogtertjies mag knope agter aan hulle rokke hê, maar vrouens glad
nie - hulle maak hulle rokke met haakspelde en voor met gewone
spelde vas. Net baie donker kleure word gedra en selfs die mans
het glo die minimum knope aan hulle broeke. Wat my bring by die
groot gesinne - daar is 'n gemiddeld van dertien kinders per gesin.
Die kinders gaan na Amish skole toe vir agt jaar (Std ses) waar hulle
net Reading Writing en 'Rithmetic leer. Daarna werk hulle op die
plaas en is daar sommige van hulle wat dan net daar en dan, sonder
verdere skoling verder optree as onderwyseresse vir die volgende lot
in die skool. Self-perpetuating poor education.
Hulle gee natuurlik nie om dat toeiste inkom en meubels en so aan
kom koop nie. Net snaaks dat mens plek plek iets sien wat al 'n
rukkie op die rak staan en dan is daar spinnerakke op. Dis asof
daar nie 'n trots betsaan nie.
Ek ken ook mense op 'n plaas in SA waar die vrou lief is vir
kaalvoetloop, maar haar voete is mooi versorg. Die ou Amish
tannie in wie se ou sinkgebou bakkerytjie ons was, het my herinner
aan die swart vroue van 'n paar dekades terug op SA plase - die ou
groot dik breë voete met naels wat seker maar in die grond afslyt,
sien nie meer as eenmaal in twee weke water nie en ek wonder
hoe sy in die winter of vir kerk daai voete in 'n skoen inkry.
Haar hande het met die bak en verpak proses darem heel skoon
gelyk en ons het nie pyne gehad om uit die kombuis te eet nie. Jy
sien nie die vroue se hare onder die kappies uitsteek nie. Die
witbrood was baie lekkerder as die dons ligte Amerikaanse
witbrood. Die "fruit pies" is met deeg gebak sonder sout. En die
vrugte daarin was maar flou van geur en nie eers bietjie soet nie.
Die buggies wat hulle mee ry lyk so romanties en dit help seker
om die tegnologie op 'n afstand te hou, maar ons gids, 'n ou tannie
("English") wat saam met ons in ons wa gery het, het ons vertel
dat hulle ook maar geredelik geld aanbied aan 'n English om hulle
vinnig met 'n motor heen te neem. Die Bybel laat seker maar
daarvoor toe. En as groot hael hulle tref soos middel Mei gebeur
het, dan haal hulle die mielies uit en plant hulle hom met soja bone -
alles weer net met die een-skaar ploegie agter die perd. So, houtwerk
gereedskap draai met 'n petrol enjin, die is OK, maar nie vir ploeg
nie.
Ons het die gids gevra oor introuery en tienerswangerskappe. Sy
sê hulle brobeer darem om nie in die omgewing to trou nie, maar
sal gaan kuier by die Amish in Ohio - die huweliksmaats word self
uitgekies en nie deur die ouers gereel nie. Maar sommer die
tweede plaas wat ons aan was, was daar twee van die kinders wat,
in die ou tannie se woorde "will not quite make thirty two". Soos
my pa sou gesê het: hulle is bietjie simpel (eenvoudig).
Oor tienerswangerskappe kon sy nie sê nie maar haar opmerking
was dat dit darem lyk of die babetjies baie gou na die huwelikke
kom. Die gemeenskap is in elk geval so geslote dat hulle nooit
aan die buitewereld sal laat agterkom dat 'n meisie swanger is nie.
Behalwe dat dit lyk of hulle hard werk (na middagete vang die
manne 'n middagslapie) en baie godsdienstig is, herinner hulle baie
aan die "hill-billies" van die fliek "Deliverance" en die boskappers
wat ek in Tsitsikama teegekom het toe ek daar gewerk het.
> Net 'n klein korreksie hier. Jy vergeet van die verskuilde agenda'tjies. 'n
> Besondere welgestelde land wat erts en minerale aanbetref, is meer
> beheerbaar van buite as 'n swart regering dit bestuur. Daar word nou van
> die nuwe Britse neo-kolonialisme gepraat en die hele land begin grom. Die
> hele Afrika, om die waarheid te sê, begin vergelding oor die ekonomiese
> kolonialisme/ imperialisme van die groot geldmagte van die wereld skree. 'n
> Baie magtiger beheer as wat ooit deur 'n poltieke groepering in die
> Europese lande bewimpel kon word.
>
>
Haai Griet - ek sit hier in Nederland en kyk en dink toe nou maar so oor die
dinge wat aangaan. Ek het in die afgelope week op die Discovery Channel gekyk
na 'n program oor die "Battle of Brittain" en so op my eie sit en dink dat
Duitsland en Japan sedert die wêreldoorlog 'n groter stuk van die wêreld
oorwin het met hul ekonomiese aktiwiteite as in die wêreldoorlog. Nou noem jy
dit hier op die nuusgroep. Die lande wat gedink het hulle het hul
afhanklikheid gekry is nou nog minder onafhanklik as wat hulle was 20 of 30
jaar gelede. Iemand het een keer vir my gesê dat jy iemand beheer as jy sy
finansies beheer.
Ek het heelwat idees en gedagtes hieroor, maar kom ons gooi die vloer so 'n
bietjie oop en kyk wat sê die mense.
Basies kom dit neer daarop dat die ontwikkelde lande nie meer oorloë hoef te
baklei nie behalwe in die plekke waar Navo, die VVO ensovoorts "ingryp" om wet
en orde te handhaaf. Na hulle weggaan, beheer hulle effektief die land omdat
hulle die ekonomie deur "lenings" ensovoorts beheer. Kom ons kyk na 'n ander
aspek. Die motorindustrie van Engeland is in sy totaliteit oorgeneem deur die
VSA (Ford) en Duitsland. Ek meen - waar het jy nou al ooit in jou lewe gehoor
dat 'n Landrover met 'n Duitse enjin rondry! Dan natuurlik is daar die groot
amalgamasie van Daimler-Benz en Chrysler (ek dink?).So - in die motorindustrie
het Duitsland reeds 'n groot aandeelhouding in die markte van sy twee groot
Tweede Wêreld Oorlog vyande.
So, kom ons kyk na die wêreld en probeer uitwerk wat is die nuwe moonthede. -
ek sou sê Duitsland, VSA, Japan en Rooi China. Effektief beheer hierdie vier
lande die ekonomie van minstens 80% van die wêreld.
Dan is daar natuurlik die "ongeallieerde" moslemblok wat kaplaks daar in die
middel van die wêreld sit. Hulle is nog 'n geldmoontheid wat met ander
agendas sit. Maar hulle is nie besig om dit te spandeer om die res van die
wêreld deur hul geld te probeer oorheers nie. Dit lyk my hul manier van die
wêreld oor neem is deur dit eenvoudig oor te emigreer. Besoek gerus London -
groot dele van Amsterdam ensovoorts. Nogal interessant dat mense wat nie in
kapitalisme glo nie na kapitalistiese lande wil emigreer. Vreemd hoeveel
emigreer na die "groot vyand van Islam" - die VSA.
Kom ons dink nou sommer net vir die pret oor die SA regering. Met watter van
hierdie groeperings is hy besig om homself te asosieer?. China en die
Moslemlande. Vreemd is dit nie. Mens sien nie SA die VSA, Duitsland en Japan
besoek op groot skaal nie, behalwe om sy bestaande belange net te onderhou
nie. Wat sou julle sê is die agenda van die SA regering in die lig van
hierdie idees wat ek rondgooi?
Maar ek het nou genoeg idees gelaat vir 'n goeie begin. Kom al julle
konspirasieteoriste - laat ons hoor wat julle dink.
-Gideon-
-----== Posted via Deja News, The Leader in Internet Discussion ==----- http://www.dejanews.com/rg_mkgrp.xp Create Your Own Free Member Forum
Supertaal
Blog
Soek
Hulp
Lede
Registreer
Teken aan
Tuis
RSS
