| Lekker in Suid Afrika [boodskap #42682] |
Do, 24 Mei 2001 20:57 |
plaasvark
Boodskappe: 200
Geregistreer: Mei 2001
Karma: 0
|
Senior Lid |
|
|
> Wouter : Ons het so bietjie demokrasie in ons stelsel gekry. Ek probeer
verduidelik.
Danielle : Dit was 'n goeie verduideliking, maar ek wonder darem soms oor
hierdie woord "demokrasie". Dis darem beter as om die woord "rassisme" te
hoor elke 5 minute. :-) Tot onlangs was alles mos "rassisme", maar nou hoor
ek weer demokrasie hier en demokrasie daar.
Wouter : Ek dink ons is so na aan 'n demokrasie as wat jy kan kom. Maar as
jy die woord streng interpreteer (ek dink dit beteken wil van die volk) dan
ook tog nie, want die regering staan (vir nou) baie sterk by die stembus en
is bereid om sy wil af te dwing, ook waar dit onpopulêr is. Voorbeelde is
die ongewilde rookwetgewing, streng fiskale dissipline en terugsnoei van
owerheidsbesteding en die doodstraf se afskaffing. Die regering dink namens
die volk (klink dit bekend?) en is bereid om ongewilde stappe te
implementeer. Minstens sommige ten goede. Maar die prosesse is baie
deelnemend, begrotings word vooraf bekendgemaak en bespreek, ens, ens.
Beslis baie beter prosesse as vroeër.
Danielle :Bestaan vrye spraak en vrye denke rerig in SA?
Wouter : Ongetwyfeld ja. So vry as wat jy oor kan droom.
Dit sluit ongelukkig ook totaal onsinnige denke en spraak in.
> Nou is daardie proses korter. Want daar is kritiek en druk op politici en
> burokrate.
Danielle: Maar is daar WERKLIK druk, of is dit maar net 'n illusie wat die
media skep?
Wouter : Dis eerder omgekeerd. Die media is almal anti-regering en skep
dikwels die indruk dat die regering hom nie aan druk en kritiek steur nie.
Maar daardie druk is werklik en deursigtig, ten spyte van bravades wat soms
deurslaan. 'n Goeie voorbeeld is die vigs-uitlatings van Mbeki. Die druk om
die onsinnighede te staak was so groot dat hy dit net moes los, ten spyte
van die gepaardgaande "loss of face".
> Dit staan enige iemand vry om te kritiseer,
Danielle : Ek kry die idee dat die mense DINK hulle kritiseer, maar die
kritiek loop maar gewoonlik op dooie ore uit.
Wouter : Ek verskil, die kritiek word gehoor en waar dit redelik is het dit
ongeveer onmiddellike impak. Die media kyk baie eensydig en deur 'n wit bril
hierna (onthou die regering se ondersteuningsbasis is nie wit nie) en skep
wel soms 'n ander indruk.
Danielle : Daar is nog nie werklik genoeg druk van die GEWONE mens op die
straat se kant af nie. En dit is tog die hart en siel van 'n ware
demokrasie, of nie?
Wouter : Ek dink jy is reg dat daar nie voldoende van die invloedskanale
gebruik gemaak word nie. Maar of dit die hart van 'n demokrasie is, daaroor
is ek nie so seker nie. As alle drukgroepe se standpunte moet seëvier is dit
chaos. Die hart van 'n demokrasie is eerder vrye en deursigte verkiesings?
Danielle : Ek meen - word SA werklik van onder af boontoe regeer, of is dit
maar nogsteeds van bo af ondertoe?
Wouter : Van bo na onder, geen twyfel daaroor nie. Die alternatief is chaos,
'n massa het mos geen verstand of wysheid om te regeer nie. Governments
govern.
> Alhoewel die inligting uit hierdie openbare debat grootliks geïgnoreer
> word, bring dit aanvaarding van besluite en dis nogal produktief.
Danielle : Aaah, ek sien nou wat jy bedoel. So, al die tyd sê ons dieselfde
ding. Ek moes net verder gelees het!! En verdomp of ek nou al my gebabbel
gaan uitvee!! :-))
Wouter : Nou sê jy my! En ek het nou klaar op jou gebrabbel gereageer en ek
gaan dit verdomp ook nie uitvee nie ;-))
> Die ander ding wat verander het is dat politici bereid is om (binne perke)
> besluite en konsepte te verander.
Danielle : Kan jy voorbeelde noem? Dit klink nogal interessant.
Wouter : Ons "geliefde" voormalige Minister van Gesondheid (Zuma) het
konsepwetgewing vir 'n primôre gesondheidsplan gepubliseer wat glo op 'n
Australiese navorsingsmodel geskoei is. Dit sou die hele siektefondsbedryf
vervang het met 'n staatsfonds. Na kritiek is dit in totaliteit teruggetrek
en eers 'n jaar of wat later na behoorlike oorleg met iets minder skadeliks
vervang. Mandela het haar oor haar aanpasbaarheid daaroor geprys.
(ZUMA = Zero Understandig of Medical Affairs)
Verlede jaar het die Trevor Manuel en sy adjunk (Manzini Mphalwa) met 'n
plan gekom om pensioenfondssurplusse aan lede toe te ken. Na besware en
kritiek is dit ingrypend gewysig en dit is nou nog in die kookpot.
Daar is 'n legio sulke voorbeelde, dit geld in mindere of meerdere mate vir
elke stukkie wetgewing sedert 1994.
> Dis nou nie meer noodwending gesig verloor
> nie, dit word as aanpasbaarheid en 'n reaksie op insette beskryf . Die
> politieke geloofwaardigheid kom nie in gedrang nie. Dis demokrasie en vir
> iemand uit die ou SA wat 'n minderheidsparty ondersteun is dit baie lekker.
Danielle : Ek sien....:-)
So, jy glo die spul as hulle vir jou sê dat jou stem tel nê?:-))))
Wouter : Nee, nie as jy stem soos in "vote" bedoel nie. Daarvoor staan hulle
te sterk. Maar ingeligte en billike kritiek maak 'n verskil en dis wat vir
my tel.
> Ja, dis lekker in (die nuwe) Suid Afrika !!
Danielle : Jaaaa boet......:-))) Ons sal maar sien....:-)
Wouter : Is reg so, Sus. Hou maar dop, jy sal sien.
Is rêrig lekker. S'true as Bob
Danielle : (Nou hoe het ons by politiek uitgekom?
Is jy een van Orwell se varkies?) :-)))
Wouter : Orwell wie? :-)
Nee Sus, ek bly sommer op Farmer Brown se Animal Farm.
Jy weet mos, sy leuse is :
"Ek voel sooo lekker want ek drink sooo lekker" .
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
