| Volkskwatryne opgeteken deur Pieter Grobbelaar [boodskap #22858] |
Di, 11 Mei 1999 00:00 |
G.B.
Boodskappe: 2174
Geregistreer: Mei 1997
Karma: 0
|
Senior Lid |
|
|
VOLKSKWATRYNE
opgeteken deur Pieter W. Grobbelaar
Die ergste tugriem vir 'n man
is nie sy vrou se wafelpan.
Ek sê vir jou, ek weet dit, jong:
hy is veel banger vir haar tong.
Sakke sakke vol dagga
kanne kanne vol wyn
bottels bottels vol whiskey
en hope hope sjêmpyn.
Gesondheid
in die rondheid
steek jou hand in jou sak
en haal 'n pond uit.
Dis nie mijne nie, dis nie joue nie,
Dis 'n ander man s'n goed waar julle oëer dwing.
Ander man s'n koffie, ander man s'n tee,
Ander man s'n dogters dans julle mee.
Oupa en Ouma sit op die stoep.
Oupa gee 'n harde roep.
Ouma sê: Wat ruik soos lood?
Oupa sê: Dis die twaalfuur skoot.
Ou tante Koba met haar boekenhoutbas
sy knyp die viool met haar groottoon vas
o alla wêreld die mans word gek
hulle is verlief op haar ou suikerbek.
Ek steek my sak
vol koolblare
en ek vry met die tanne
met die vaal hare.
Ek steek my sak
vol silwer lepeltjies
en ek vry met die tannie
met die skewe tepeltjies.
(Uit "Die rooi lappieskombers: volkskwatryne"
deur Pieter W Grobbelaar.)
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
