| die plaas in die kloof [boodskap #140034] |
Do, 18 Augustus 2022 15:24 |
Louis Basson
Boodskappe: 200
Geregistreer: Junie 2022
Karma: 4
|
Senior Lid |
|
|
iewers in ‘n swartbergkloof
is daar ‘n plaas wat ek nooit sal vergeet
omdat ek daar met die natuur en geloof
as kleuter kennis kon maak
sonder die vloek van kraanwater en elektrisiteit
wanneer ek my oë sluit
sien ek alles wat op die plaas gebeur
ons kinders klouter die hoë berge uit
sodat mans en vroue in vrede kan swoeg
om reuse disse vir maaltye gereed te kry
maar iemand het die plaas van sy hart beroof
want daar is nie meer ‘n opstal
op angelierbos in die swartbergkloof
gelukkig verskyn beelde van die ou opstal
steeds op foto’s in albums en in my geheue
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
