Leksikograaf Boodskappe: 20785 Geregistreer: Maart 2019
Karma: 1
Senior Lid
Goud.goud
Afbreking: goud
Uitspraak: /χəʊ̯t/
Selfstandige naamwoord: goud
Meervoud: –
Betekenis:
• (chemie) Chemiese edelelement in die periodieke tabel met die simbool Au en atoomgetal van 79. 'n Kosbare, swaar metaal waarvan juweliersware gemaak word.
• (kleur) Die geel kleur van die metaal.
• Medalje vir die eerste plek in 'n kompetisie.
Gebruik:
• Die suiwerheid van goud word in karaat gemeet - 24 karaat word as suiwer geag.
• 'n Karp (soort vis) is olyfbruin tot goud van kleur.
• Wayde van Niekerk het goud vir die 400 m-naelloop gewen.
Spreekwoord:
• Bewaar dit asseblief soos goud! [Baie sorgvuldig.]
• Daar is geen goud sonder skuim nie. [Niks is volmaak nie.]
• Die môrestond het goud in die mond. [Dit is tot jou voordeel om vroeg op te staan.]
• Dis goud wat blink, maar koper wat stink. [Die skyn bedrieg.]
• Dis nie alles goud wat blink nie. [Nie alles wat mooi lyk, is goed nie.]
• Eie haard is goud waard. [Jou eie huis is die beste plek op aarde.]
• Hy dink hy is van goud gemaak. [Hy is baie verwaand.]
• Hy is sy gewig in goud werd. [Hy is baie bruikbaar.]
• Hy is van goud. [Hy is baie getrou.]
• 'n Mens kan goud ook te duur koop. ['n Mens kan te duur vir iets betaal, al is dit ook hoe waardevol.]
• Swye is goud, spreek is silwer. [Dis dikwels die beste om liewers niks te sê nie.]
• Sy dink sy is van goud omgeboor. [Sy dink sy is baie belangrik / ryk.]
] 
Supertaal
Blog
Soek
Hulp
Lede
Registreer
Teken aan
Tuis
