Leksikograaf Boodskappe: 20799 Geregistreer: Maart 2019
Karma: 1
Senior Lid
bo
Afbreking: bo
Uitspraak: /bʊə/
Voorsetsel: bo
Betekenis:
• Hoër in 'n vertikale rigting.
• Meer as iets anders.
Gebruik:
• 'n Berg is 'n groot landvorm wat bo die beperkte omliggende gebied strek.
• Die Drakensberge se hoogste piek, Thabana Ntlenyana, is 3482 meter bo seespieël.
Antoniem:
• onder
Verwant:
• boaan
• boent
• bo-oor
• bo-op
Spreekwoord:
• Hou die blink kant bo. [Hou moed.]
• Die kop net bo die water hou. [Met moeite net genoeg verdien om aan die lewe te bly.]
• Die onderste speek kom ook bo. [Elke mens kry sy kans.]
• Dit staan soos 'n paal bo water. [Dit is beslis so; dit is heel duidelik.]
• Hy het wonder bo wonder geslaag. [Dis byna ongelooflik.]
• Kop en skouers bo die res wees. [Iemand se meerdere wees.]
Vertaling:
Engels: above, over
Frans: au-dessus
Nederlands: boven
Bywoord: bo
Betekenis:
• In 'n hoër posisie; op 'n hoër plek.
Gebruik:
• Die vlag vertoon twee ewe hoë vertikale bane in rooi bo en wit onder.
Vertaling:
Engels: on top, high, above
Nederlands: boven
Laat weet asb as die inskrywing foute bevat of verder verbeter kan word.
] 
Supertaal
Blog
Soek
Hulp
Lede
Registreer
Teken aan
Tuis
