Leksikograaf Boodskappe: 20951 Geregistreer: March 2019
Karma: 1
Senior Lid
twee
Afbreking: twee
Uitspraak: /tvɪə̯/, /tveə/
Hooftelwoord: twee
Betekenis:
• Die getal 2.
• Een plus een.
• Een meer as een en een minder as drie.
Gebruik:
• Kan ek twee lekkers kry?
• Ek speel twee keer per week krieket.
Spreekwoord:
• Hy loop twee rye spore. [Hy is dronk/ aangeklam.]
• Die kers aan twee kante brand. [Verkwistend met jou kragte te werk gaan.]
• Ek het net twee hande. [Wanneer onredelik baie werk van iemand verwag word.]
• Elke saak het twee kante. [Elke saak kan van twee kante beskou word.]
• Hy is 'n jakkals met twee sterte. [Hy is 'n manteldraaier; tweegesig.]
• Hy sit op twee stoele. [Kies nie party nie; probeer om in albei partye se guns te bly.]
• Hy sit tussen twee vure. [Tussen twee moeilikhede wees.]
• Iemand met twee aangesigte. [Vals wees.]
• 'n Donkie stamp hom twee maal aan dieselfde klip. [Net 'n dom mens maak dieselfde fout.]
• 'n Wors het twee ente. [Elke saak kan van twee kante beskou word.]
• Twee honde om een been, die derde loop daarmee heen. [As twee mense om een ding twis, kom dit dikwels in die besit van 'n ander persoon.]
• Twee is paar, drie is onpaar. [By 'n verliefde paar is 'n derde persoon 'n oorlas.]
• Twee koppe is beter as een. [Twee mense kan beter oor 'n saak besluit as een.]
• Twee vlieë in een klap slaan. [Twee voordele met een moeite behaal.]
Verwant:
• tweede
Vertaling:
Engels: two
Nederlands: twee
Selfstandige naamwoord: twee
Meervoud: tweë, twees
Betekenis:
• Die syfer 2.
Gebruik:
• Die twee maak my mal.
Afgelei:
• tweeuur
Vertaling:
Engels: two
Nederlands: twee
Laat weet asb as die inskrywing foute bevat of verder verbeter kan word.
] 
Supertaal
Blog
Soek
Hulp
Lede
Registreer
Teken aan
Tuis
