| 'n Gedig vir wie ookal betekenis daarin kan vind [boodskap #30235 is 'n antwoord op boodskap #30236] |
Fri, 28 April 2000 00:00 |
Navsec
Boodskappe: 3
Geregistreer: April 2000
Karma: 0
|
Junior Lid |
|
|
My eerste keer wat ek een van my gedigte pos. Hoop iemand vind iets daarin.
F
Jy, altyd jy.
As ek vra waarom?
Wie sal antwoord.
As ek vra hoekom?
Waar sal ek die antwoord vind?
Hoekom kan dinge nie net eenvoudig onskuldig wees nie.
Wie sal kan antwoord of luister?
Almal kan afbreek maar wie kan bou?
Almal kan klipe gooi, maar wie is sonder sonde -
wat die eerste rots kan slinger?
Ek is wat ek is,
Gevorm in die smeltoond van die lewe.
'n skerpioen sonder 'n angel bly steeds 'n skerpioen
'n kus besprinkel met die dwelm van liefde
bly steeds 'n kus.
Niks is meer hartseer as 'n glas wyn
-alleen nie-
rooiwyn is nie rooiwyn sonder jou nie.
Ek het gevind en verloor.
Ek het vinnig en diep lief gehad,
Ek het 'n vol lewe gehad,
Maar alleen bly alleen...
Jy was is steeds my ware noord,
My anker, my lewenslyn.
My naelstring vas aan die baarmoeder van lewe,
Wat my voed met liefde.
Ek asem jou in jy blaas my uit
op die venster van die verlede.
Wasem is al wat ons is,
Dit kondenseer en loop in hartseer trane
Krinkel kronkel weg van ons af.
Jy ken my rouste rou,
My seerste seer.
My swere van gister en my snye van nou.
Jy lag vir my ek ween oor jou.
Hoekom nou?
As ek vra waarom?
Wie sal antwoord.
As ek vra hoekom?
Waar sal ek die antwoord vind?
F
|
|
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
