| Is Afrikaner-wees sonder historiese bagasie moontlik? [boodskap #8700] |
Mon, 03 March 1997 00:00  |
Frans van Zyl
Boodskappe: 6
Geregistreer: March 1997
Karma: 0
|
Junior Lid |
|
|
Ek praat oor die politiek-historiese bagasie van ons lot wat ons self
"Afrikaners" noem (of is die benaming op sigself al 'n stukkie historiese
angst?) Julle sien, ek wil nie "skuldig" wees nie. Net besonders. Julle
weet: Wes-Europees, met 'n ligterige vel, liefhebber van Beethoven en
Mozart, en die eksistensie-filosofie. En lief vir my kleinseun wat van al
daai nonsens soos skuldgevoelens niks weet nie omdat hy gewoon nog te jonk
is (agtien maande). Ek speel elke oggend vir hom barok musiek en ek wys na
hom en sê: " Jy praat Afrikaans, Oupa praat Afrikaans, Ouma praat
Afrikaans, 'n Pa 'n Ma." Hy kyk vol belangstelling na my en sê "Dah"!
(maar met gevoel!).
Dalk is my kleinseun die enigste wyse ou wat ek tans ken.
Wat dink julle daar buite op die kibervlaktes?
--
Frans van Zyl
fra...@ilink.nis.za
|
|
|
|
| Re: Is Afrikaner-wees sonder historiese bagasie moontlik? [boodskap #8717 is 'n antwoord op boodskap #8700] |
Wed, 05 March 1997 00:00  |
At de Lange
Boodskappe: 297
Geregistreer: November 1995
Karma: 0
|
Senior Lid |
|
|
Frans van Zyl skryf:
> Ek praat oor die politiek-historiese bagasie van ons lot wat ons self
> "Afrikaners" noem (of is die benaming op sigself al 'n stukkie historiese
> angst?) Julle sien, ek wil nie "skuldig" wees nie. Net besonders. Julle
> weet: Wes-Europees, met 'n ligterige vel, liefhebber van Beethoven en
> Mozart, en die eksistensie-filosofie. En lief vir my kleinseun wat van al
> daai nonsens soos skuldgevoelens niks weet nie omdat hy gewoon nog te jonk
> is (agtien maande). Ek speel elke oggend vir hom barok musiek en ek wys na
> hom en sê: " Jy praat Afrikaans, Oupa praat Afrikaans, Ouma praat
> Afrikaans, 'n Pa 'n Ma." Hy kyk vol belangstelling na my en sê "Dah"!
> (maar met gevoel!).
> Dalk is my kleinseun die enigste wyse ou wat ek tans ken.
> Wat dink julle daar buite op die kibervlaktes?
Jy skrywery laat my dink aan my kleindogter. Sy is nou 4 jaar oud.
Hoe speel sy nie met die Afrikaans nie! Ek probeer haar kreatiwiteit
sover as moontlik bevorder. Ek het daarin geslaag om haar te laat
besef dat sy haar eie gedagte wêreld skep an dat sy hierdie wêreld
aan ander kan toon deur haar taal. Alles wat sy kan dink moet sy kan
sê. Sy maak nou jag op woorde om haar gedagtes vas te gryp. Dikwels,
as sy nie 'n woord ken nie, sê sy: "Oupa, my skroewe is nou los". Dan
moet ek help om die skroewe weer vas te draai.
Frans, ons kan nie eksisteer sonder om te ontluik ('emerge') nie.
Ontluiking self geskied nie in die niets nie. Dit vloei voort uit die
toenemende chaos van 'n ou bedeling. Daarna moet die ontluiking tot
volwassenheid kom. Die uiteinde is 'n meer komplekse en dus unieke
(besondere) orde. Die Afrikaner as volk het reeds ontluik, maar is
nog gans nie volwasse nie. Om reeds ontluik te wees maar nog nie
volwasse te wees nie, is geen misdaad of skuld nie. Skuld ontstaan
slegs wanneer 'n mens iets verkeerd (misdaad) gedoen het of nagelaat
het om iets goeds (niksdaad) te doen.
Hopelik het die Afrikaner finaal die les geleer dat volkshoogmoed en
volkselfsug tot 'n groot val lei. Nederigheid en diensbaarheid is nie
maar vanself nie, maar moet self ontluik. Hopelik sal dit die kenmerk
word van die volgende stadium in die Afrikaner se geskiedenis.
Best wense
At de Lange
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
