Supertaal: Prosa & poësie » "Meeu" deur MARLISE JOUBERT

Tuis » Taal » Prosa & poësie » "Meeu" deur MARLISE JOUBERT

Wys: Vandag se boodskappe :: Stemmings :: Navigasie

"Meeu" deur MARLISE JOUBERT [boodskap #23951]

Ma., 14 Junie 1999 00:00

G.B.
Boodskappe: 2157
Geregistreer: Mei 1997

Karma: 0

Senior Lid

meeu
Marlise Joubert

in die meeu se kaai
digby gordonsbaai kraak
die bote los van lag en kou
ek die lynvis van die dag
met bollende kies drink ek
louwit wyn om woestyn
van my borste klam te hou

in die meeu se kaai
digby gordonsbaai jaag
ek blou brommers weg tuimel
die kruine klank van branders
teen jagse seile af breek ek
die brood en stoot 'n ring
van calamari oor my duim

in die meeu se kaai
is my maal 'n tonggekrys van liefde
vir jou
my hawelose bruidegom
in die bollende see
van ons gordonsbaai

Rapporteer boodskap aan 'n moderator

Vorige onderwerp:	"Fiesta de la Muerta" deur JOHAN MYBURG
Volgende onderwerp:	"saans as die son" deur MARLISE JOUBERT

Gaan na forum:

-=] terug na bo [=-

[ XML-voer ] [

]

Tyd nou: Ma. Jul. 06 20:06:17 UTC 2026