Supertaal: Woordeboek

Tuis » Taal » Woordeboek » droom

Wys: Vandag se boodskappe :: Stemmings :: Navigasie
E-pos 'n vriend

droom [boodskap #127198]

Di., 23 Julie 2019 18:54

Leksikograaf
Boodskappe: 25925
Geregistreer: Maart 2019

Karma: 1

Senior Lid

droom
Afbreking: droom

Selfstandige naamwoord: droom
Meervoud: drome
Verkleinwoord: droompie
Meervoud van verkleining: droompies

Betekenis:
• Beelde wat mens sien en gedagtes wat jy kry as jy slaap.
• Iets wat baie mooi of lekker is, of iets wat jy hoop eendag waar sal word.

Gebruik:
• Hy het 'n nare droom oor drake gehad.
• Haar groot droom is om eendag 'n Porche te ry.

Spreekwoord:
• Ek help hom uit sy droom. [Iemand vertel hoe 'n saak werk.]

Hiponiem:
• dagdroom
• liefdesdroom
• toekomsdroom

Afgelei:
• droombeeld
• droomland
• droomvanger
• droomwêreld

Verwant:
• nagmerrie

Vertaling:
Engels: dream
Nederlands: droom

Werkwoord: droom
Verlede tyd: het gedroom
Teenwoordige deelwoord: dromend, dromende
Verlede deelwoord: gedroomde

Betekenis:
• Om terwyl jy slaap van beelde en gebeurtenisse bewus te word.
• Om sterk na iets te verlang terwyl jou gedagtes afdwaal van waarmee jy besig is.

Gebruik:
• Hy droom oor 'n verlate eiland vol mooi meisies.
• Terwyl sy werk droom sy van 'n vakansie by die see.

Vertaling:
Engels: to dream
Nederlands: dromen

Laat weet asb as die inskrywing foute bevat of verder verbeter kan word.

Rapporteer boodskap aan 'n moderator

Vorige onderwerp:	pleegpa
Volgende onderwerp:	hoogtepunt

Gaan na forum:

-=] terug na bo [=-

[ XML-voer ] [

]

Tyd nou: Sa. Jul. 25 21:31:38 UTC 2026