Supertaal: Prosa & poësie » " Janfiskaal " deur M.M. WALTERS

Tuis » Taal » Prosa & poësie » " Janfiskaal " deur M.M. WALTERS

Wys: Vandag se boodskappe :: Stemmings :: Navigasie
E-pos 'n vriend

" Janfiskaal " deur M.M. WALTERS [boodskap #86894]

Vr., 07 November 2003 15:10

bouer
Boodskappe: 4783
Geregistreer: Desember 2003

Senior Lid

M.M. Walters

Janfiskaal

Die Janfiskaal se bors swel uit,
want al wat voël is, vrees.
Hoe heerlik tog wanneer jou buit
jou aansien vir hul Heer te wees.
Die pikswart stertjie wip, hy knip
sy wit minagting op die klip.

Rapporteer boodskap aan 'n moderator

Re: " Janfiskaal " deur M.M. WALTERS [boodskap #138426 is 'n antwoord op boodskap #86894]

Di., 16 November 2021 12:07

Beaumache
Boodskappe: 1
Geregistreer: November 2021

Junior Lid

Personifikasie in die gedig asb.
Bekende uitdrukking met Janfiskaal asb
Wat dui daarop dat voëltjie hoogmoedig is?
Waarna verwys "wit minagting"?

Rapporteer boodskap aan 'n moderator

Re: " Janfiskaal " deur M.M. WALTERS [boodskap #138427 is 'n antwoord op boodskap #138426]

Wo., 17 November 2021 12:32

Jan die Man
Boodskappe: 557
Geregistreer: Mei 2018

Karma: 22

Senior Lid

'n Janfiskaal is 'n swart-en-wit voëltjie wat insekte en ander voëls verskeur en aan dorings en drade ophang. Daarom staan hy ook as die laksman ('n persoon wat mense ophang) bekend. In die ou tyd was 'n fiskaal 'n persoon wat belasting gevorder het. 'n Mens sou kon sê dat die voël 'n tol op die natuur eis.

Personifikasie: Sy bors swel van trots - sy manier van doen word met die van 'n mens gelykgestel.

Die "wit minagting" verwys na die voël se mis ('n blerts voëlmis is wit).

Hy is hoogmoedig (hy dink te veel van homself) want hy dink dat die ander voëls bang is vir hom, en hy tjorts met "minagting" op die klip.

Rapporteer boodskap aan 'n moderator

Vorige onderwerp:	Afrika Digkuns
Volgende onderwerp:	afrikaans - huppeltaal

Gaan na forum:

-=] terug na bo [=-

[ XML-voer ] [

]

Tyd nou: Di. Okt. 27 05:49:44 UTC 2026