Supertaal: Prosa & poësie » "Lied van die Lente" deur Anna-Marie CONRADIE

Tuis » Taal » Prosa & poësie » "Lied van die Lente" deur Anna-Marie CONRADIE

Wys: Vandag se boodskappe :: Stemmings :: Navigasie
E-pos 'n vriend

"Lied van die Lente" deur Anna-Marie CONRADIE [boodskap #13833]

Di., 14 April 1998 00:00

G.B.
Boodskappe: 2157
Geregistreer: Mei 1997

Senior Lid

LIED VAN DIE LENTE
Anna-Marie Conradie

Ek wou jou al vertel het:
die lente het sy intrek
in my pophuisklein tuintjie kom neem
die spinnekop (getroue ekowerker)
speel osoonlaagvriendelik insekdoder.

Ek wou jou al vertel het,
maar my verkluimde winterhart hou my
nog in diep oorwintering;
my breindendriete gestol tot yskristal
lê nog vergete op Pluto.

Ek wou jou al gevra het:
speel vir my die klaviersonates van Mozart;
die allegro's sal die winterys smelt
kabbelend laat vloei in andanteriviere -
onbevange bevry uit die winterkokon met rondodanse.

Speel tog vir my Mozart
dat die Namakwalandgeel
weer oordadig wulps
in my hart oopkelk en blom.

Rapporteer boodskap aan 'n moderator

Re: "Lied van die Lente" [boodskap #13836 is 'n antwoord op boodskap #13833]

Wo., 15 April 1998 00:00

Reuben Adolf Aldum
Boodskappe: 27
Geregistreer: Maart 1996

Junior Lid

Letitia,
As ek dit reg het soek jy 'n koeksister resep!
Die een is van die N.G Weltevreden Park-gemeente, en die koeksisters
wat gebak is met die resep,het baie duisende rande ingebring om die
kerk te bou.

Bestanddele is as volg:-
24 koppies meel
24 hoogvol teelepels bakpoeier
6 teelepels sout
9 eiers
375 margarien

Metode is as volg:-
Vryf botter in droe bestanddele. Klits eiers met 2 koppies water. meng
en voeg nog water by om regte dikte kry. Rol uit bak in olie. Plaas in
stroop.

Groete hier van ' Western Australia'
Willemien
;

;

Rapporteer boodskap aan 'n moderator

Vorige onderwerp:	" skaweduwee" deur BREYTEN BREYTENBACH
Volgende onderwerp:	"Pofadder" deur DONALD RIEKERT

Gaan na forum:

-=] terug na bo [=-

[ XML-voer ] [

]

Tyd nou: Ma. Okt. 05 17:03:16 UTC 2026