Supertaal: Afrikaans, ons taal

Tuis » Taal » Afrikaans, ons taal » Beter Afrikaans (Verbeter jou Afrikaans)

Wys: Vandag se boodskappe :: Stemmings :: Navigasie
E-pos 'n vriend

Beter Afrikaans [boodskap #120723]

Sa., 11 Augustus 2018 07:49

Jan die Man
Boodskappe: 553
Geregistreer: Mei 2018

Karma: 22

Senior Lid

Beter Afrikaans is 'n webtuiste met 'n klomp inligting oor Afrikaans. Wat hulle egter uniek maak is die daaglikse toetsie wat daar afgelê kan word.

Die toets bestaan uit vier veelkeusevrae en neem ongeveer twee minute om te voltooi. Gebruikers kan tussen drie vlakke kies: maklik (vlak 1), gemiddeld (vlak 2) en moeilik (vlak 3). Sodra die toets voltooi is, word die regte antwoorde saam met aanvullende inligting vertoon. Lede wat geregistreer is sal daagliks 'n e-pos ontvang om hulle aan die dag se toets te herinner.

Mense wat sou wou kan ook 'n groep skep of by 'n bestaande groep aansluit om hulself teen mekaar te meet. Die lede van die groep sal dan mekaar se punte sien.

Hier is 'n paar voorbeeldvrae ter illustrasie van die tipe vrae wat gevra word:

Dit was so besig, daar was nie eers kans vir .... nie. [asemskep; asem skep; asem-skep]
.... boer met sonneblomme. [Henry hulle; Henry-hulle; Henry en hulle]
Watter een is korrek? [né; nè; nê]

As jy jou Afrikaans wil verbeter kan ons http://beterafrikaans.co.za/ sterk aanbeveel. Doen die daaglikse toets, verbeter jou puntestand, nooi ander uit om deel te neem en leer speel-speel om die taal meer doeltreffend te gebruik.