Betekenis:
• 'n Groot roofvoël van die orde Falconiformes en familie Accipitridae wat hoog in die berge woon.
• (sterrekunde) Sterrebeeld 'n paar grade noord van die hemelewenaar (Latyn: Aquila).
• (gholf) 'n Telling van twee onder baansyfer.
Gebruik:
• Die arende word hoofsaaklik deur sy grootte, kragtiger bou en swaarder kop en snawel van ander roofvoëls onderskei.
• Die Arend is een van die 88 moderne sterrebeelde en kan die beste in die somer gesien word.
• Die gholfspeler het 'n arend op 17de putjie (syfer 5) asook 'n voëltjie op die laaste putjie aangeteken.
Spreekwoord:
• 'n Arend vang nie vlieë nie. ['n Hoogstaande persoon steur hom nie aan kleinlike kritiek nie.]
• Die een arend brom nie teenoor 'n ander nie. [Twee persone wat ewe sterk is, het vir mekaar ontsag.]
Sinoniem:
• adelaar
Afgelei:
• bergarend
• uilarend
• visarend
Vertaling:
Engels: eagle
Nederlands: arend
Laat weet asb as die inskrywing foute bevat of verder verbeter kan word.
] 
Supertaal
Blog
Soek
Hulp
Lede
Registreer
Teken aan
Tuis
