Leksikograaf Boodskappe: 18989 Geregistreer: Maart 2019
Karma: 1
Senior Lid
groot
Afbreking: groot
Uitspraak: /χruə̯t/
Byvoeglike naamwoord: groot
Vergrotende trap: groter
Oortreffende trap: grootste
Attributief: grote
Partitief: groots
Intensief: lewensgroot
Betekenis:
• Van meer as normale afmetings.
• Klaar volwasse; volgroeid.
• Beroemd of vernaam; belangrik; gewigtig.
Gebruik:
• Die pampoen is baie groot.
• As ek groot is, wil ek 'n brandweerman word.
• Afrikaans is groot!
Spreekwoord:
• Hy het 'n groot bek. [Hy is 'n grootprater.]
• Hy is te groot vir sy skoene. [Te voorbarig.]
• Hy hang dit aan die groot klok. [Oral rondvertel.]
• Vandag groot, môre dood. [Die lewe is verganklik.]
• Hy is 'n groot kokkedoor. ['n Belangrike persoon.]
• Groot lantern, weinig lig. [Iemand met min verstand.]
• Hy het soos 'n groot speld verdwyn. [Ongemerk weggeraak.]
• Hy eet oues dood en kleintjies groot. [Hy is vraatsugtig.]
• Hy word vir die strop groot. [Sonder dissipline en maniere grootword.]
• Klein muisies het groot ore. ['n Mens moet versigtig wees wat jy voor kinders sê.]
• Liewer klein heer as groot kneg. [Liewer op klein skaal baas as ryk en 'n ondergeskikte.]
• Tussen lip en beker lê groot onseker. [Op die laaste oomblik kan sake nog 'n wending neem.]
• As die groot krap skeef loop, hoe kan die kleintjie reguit loop? [Die voorbeeld van die ouer het 'n groot invloed op die kind.]
• Daar groei niks in die skaduwee van 'n groot boom nie. [Iemand wat naby aan 'n groot persoonlikheid beweeg, kry nie kans om self te ontwikkel nie.]
• Dit is die klein botteltjies wat die groot gif het. [Mense wat klein van persoon is, het dikwels meer dryfkrag as groot mense.]
• Klein baas is beter as groot kneg. [Dis beter om selfstandig te wees, al is dit op klein skaal, as om 'n dienaar van ander te wees]
• Klein van persoon, maar groot van patroon. [Iemand se verstand en bekwaamheid word nie na sy liggaamlike grootte beoordeel nie.]
• Saans groot, smôrens dood. [Gesê vir iemand wat laat gaan slaap het en die volgende oggend nie kan opkom nie.]
• Te groot vir 'n servet en te klein vir 'n tafeldoek. [Nog nie volwasse nie, maar darem ook nie meer 'n kind nie.]
] 
Supertaal
Blog
Soek
Hulp
Lede
Registreer
Teken aan
Tuis
