| Re: SA boere sit sleg gestrand in die VSA [boodskap #44460] |
So, 17 Junie 2001 15:58 |
Annette
Boodskappe: 11112
Geregistreer: Augustus 2003
Karma: 1
|
Senior Lid |
|
|
Het so iets van dit vanoggend gehoor ja.
Die onnosel goed - as hulle geweet het die visums moet in Amerika verander
word sodat hulle daar kan werk, dan moes hulle mos al klaar geweet het hulle
het te doen met 'n verneukspul.
Annette ( moeg daarvan om sobstories te hoor van mense wat altyd die skuld
op ander wil pak as verkeerde dinge nie reg wil uitloop nie. Hulle het die
kans gevat, en dit het ongelukkig nie vir hulle uitgewerk nie. )
--
Groetnis,
Annette. ann...@ctnet.co.za
Happiness is a state of Mind.
Danielle skryf in boodskap news:0shpitontj53tqkqukl1ag7n58770tsaar@4ax.com...
> So ruk terug het iemand juis hieroor uitgevra, en het goeie raad
> gekry.
>
>
http://news24.co.za/Rapport/rapportcatarttextnew/0,4205,752_ 1040296~a,00.htm
l
>
> LEON COETZEE
>
> 'n Groep Suid-Afrikaners sit al weke lank gestrand in Amerika nadat
> hul drome van baie geld en werkgeleenthede op plase in Amerika
> skeefgeloop het.
>
> Nou gaan die Amerikaanse owerheid van hulle vra om te getuig teen die
> mense wat hulle blykbaar onder valse voorwendsels na Amerika se rykste
> landbougebied gelok het.
>
> Die sowat 35 mense - hoofsaaklik boere, hul vrouens en kinders - sit
> in 'n klein hotel in Salina, Kansas, en het reeds derduisende rande
> verloor nadat hulle gereageer het op 'n plaaslike advertensie vir werk
> in Amerika.
>
> Hulle moet teen die naweek uit die hotel wees en dis nog onseker
> waarheen hulle dan sal gaan.
>
> Mnr. Thinus de Jager, boer van George en die groep se woordvoerder, sê
> almal se geld is byna op en hulle weet nie waarheen nou nie.
>
> "Ons almal is reeds ondervra deur federale agente en is meegedeel dat
> ons onwettig in Amerika is.
>
> "Hulle het 'n mate van simpatie met ons, maar ons sit in 'n groot
> verknorsing. Ons moet so gou moontlik die land verlaat, maar al ons
> geld is op."
>
> De Jager en die ander lede van die groep het gereageer op 'n
> advertensie in Landbouweekblad.
>
> "Ons was veronderstel om vir boere in Kansas op hul plase te gaan
> werk. Daar was beloftes van 'n ver dienste van tot R16 000 per maand,
> en dat ons van 'n werk verseker sou wees."
>
> Omdat die meeste van hulle finansieel gesukkel het, het hulle gedink
> dit sou die moeite werd wees om 'n kans te waag. Hulle sou plaaswerk
> doen - iets wat hulle goed kan doen.
>
> Hulle moes al hul werkbesonderhede, getuigskrifte en ander
> dokumentasie na 'n reisagentskap in Pretoria, Euro-personeel, stuur
> wat reis-dokumente en visums gereël het.
>
> "Die probleem het in Amerika ontstaan, waar die maatskappy P.J.
> Services veronderstel was om verder na ons belange om te sien. Ons
> visums moes verander word van besoekerstatus sodat ons wettig werk kan
> kry. Maar dit het nooit gebeur nie."
>
> Hulle het later vasgestel dat P.J. Services deur 'n Suid-Afrikaner,
> mnr. Pieter Botes, en sy vrou beheer word, en dat albei tans in 'n
> tronk in Amerika sit weens bedrog.
>
> "Volgens die federale agente ondersoek hulle die werkstatus van sowat
> 435 Suid-Afrikaners in Amerika wat ook vroeër deur P.J. Services na
> Amerika gelok is.
>
> De Jager se vrou, Marietta, en hul kinders kon maklik saam met haar
> man gestrand in Amerika gesit het. "Luidens die advertensie het hulle
> veral na gesinne gesoek. Ek en my man het besluit hy moet eers alleen
> gaan. En nou is ek maar dankbaar ons het so besluit."
>
> Me. Magda van der Westhuizen, 'n bestuurder van Euro-personeel, was
> geskok om te hoor van die penarie van die Suid-Afrikaners. "Ons is in
> kontak met hulle en het in goeie trou opgetree om die eerste reëlings
> te tref. Ons het al voorheen met P.J. Services sake gedoen, maar nou
> sit hulle in die tronk.
>
> "Ons probeer nog uitvind presies wat verkeerd geloop het, maar sal
> alles doen om hulle daar in Amerika by te staan."
>
> Die advertensie wat op 16 Februarie in Landbouweekblad verskyn het,
> lui dat diensaanvaarding onmiddellik is en dat gesinne welkom is.
> Suksesvolle aansoekers sal seisoenaal werk en moet 'n rybewys hê.
>
> Uit Kansas sê De Jager dat hy reeds sowat R40 000 verloor het en dat
> hy ander mense wil waarsku. "Ons het dinge uit Suid-Afrika probeer
> ondersoek, maar het gehoor die beste is om dit self te beproef.
>
> "En hier sit ons nou gestrand en weet nie wat volgende wag nie."
>
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
