| Boekehuis Storie-Uur [boodskap #43409] |
Thu, 07 June 2001 10:05 |
TJ
Boodskappe: 723
Geregistreer: January 2004
Karma: 0
|
Senior Lid |
|
|
Boekehuis Storie-Uur
'n Liefde vir lees begin by stories wat aan moederskoot gehoor word, die
beskikbaarheid van boeke, en ouers wat die leesvoorbeeld stel.
Woensdag 13 en 20 Junie om 14:30 tot 15:30 gaan daar vir kinders stories
gelees word by Boekehuis!
By die storie-uur word kinders in 'n lekker gemaklike en ontspanne omgewing
die geleentheid gegee om die wonderwêreld van stories en boeke te betree.
Prettige stories en gedigte word voorgelees en ou Afrikaanse sprokies en
legendes vertel.
By die Storie-uur leer jou kind;
* om sy verbeelding te gebruik
* om te luister
* om 'n liefde vir stories en gedigte te ontwikkel
* taal en woordeskat-ontwikkeling
* sosialisering met ander maatjies
* 'n liefde vir Afrikaans
Die heel belangrikste vaardigheid wat jy vir jou kind moontlik kan gee is 'n
liefde vir lees. Die vermoë om goed te kan lees is in hierdie informasie-eeu
belangriker as ooit te vore. Die storie-uur sal jou kind op 'n ontspanne en
positiewe manier blootstel aan 'n groot verskeidenheid stories, illustrasies
en gedigte. Buiten die genot wat hy/sy uit elke storie put, sal sy
luistervermoë ook ontwikkel ( iets wat ook 'n noodsaaklike vaardigheid is).
Verder sal hy/sy ook die kans kry om met maatjies te sosialiseer. Handige
wenke word ook aan die ma's gegee om die kind se lees-avontuur tuis te
vergroot!
Wat by 'n Storie-uur gebeur
* Die lengte en hoeveelheid van stories sal afhang van die kinders se
aandagspan - mar ons sit 'n uur opsy. Mettertyd ontwikkel die kinders en
luister hulle al hoe langer. Die moeilikheidsgraad van die stories hang maar
af van die ouderdom van die gehoor!
* Daar word hoofsaaklik Afrikaanse boeke voorgelees, heelwat gedigte word
gelees en natuurlik word 'n storie ook af en toe vertel.
* Daar word dikwels van die gehoor verwag om deel te neem maar nie op 'n
"aanvallende" manier nie - m.a.w. kinders voel nie bedreigd nie.
Wie kan kom luister?
* Kinders van alle ouderdomme is welkom. Daar is 'n groot hoe-ha in die
sielkunde op die oomblik oor die belangrikheid van stories en die
terapeutiese waarde van die narratief - dus is grootmense ook welkom!
* Ma's is welkom om hulle kinders te los maar kleuters tussen 0-4 jaar MOET
'n toesighouer saambring.
Toegang?
* Toegangsgeld R10 per keer per kind.
* Vir meer inligting en besprekings skakel Corina by Boekehuis: 011 482
3609.
Stuur hierdie uitnodiging aan as jy weet van nog mense met jong kinders wat
in die Storie-uur sal belangstel.
--
"Arts world in one website"
http://www.artslink.co.za
Arts and Culture Trust of the President Award
Electronic Media of the Year in support of the arts
Winner 1998, Finalist 1999 and Nominated 2000/1
IAWMD Golden Web Awards Winner May 2001
Support South African Arts and Culture:
Dial-Up with Artslink.co.za and save!
http://www.at.artslink.co.za/isp
Debate issues affecting the arts and culture industry
http://www.at.artslink.co.za/egroups.htm
ICQ: 87315418
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
