| Kosmosfees 2000 op Reënboogplotplakkersland [boodskap #33334] |
Vr, 11 Augustus 2000 00:00 |
Duplo
Boodskappe: 1
Geregistreer: Augustus 2000
Karma: 0
|
Junior Lid |
|
|
Weet jy van die grootpad na nêrens?
Die enigste grootpad in die land sonder tolhekke, waar jy binne 'n paar
minute van die Kaap tot in ou Transvaal kan reis en dan weer van Natal tot
in die Vrystaat of deur die Karoo tot in die Bosveld.
Kry rigting na die Reënboogplotplakkersland.
Ons gemeente, die Nederduitsch Hervormde gemeente Kempton Park-Oos is
bevoorreg om deur die genade van die Here te kan groei op drie gebiede: na
bo, na binne en na buite. Om dit te kan doen sonder om die werk onder die
behoeftiges te staak, beplan ons vanjaar weer 'n reuse fees op 2 September
2000 (Kosmosfees 2000). Daar is besluit op die volgende tema: Die Grootpad
na nêrens. Ons nooi almal wat Gautvol is vir misdaad, kapings, moord, roof,
hoë belasting, kwaai skoonma's of wat ookal in Gauteng of waar ook al, om
dié besondere grootpad te kom vat. Hierdie grootpad sal jou uitbring by ons
eie Reënboogplotplakkersland! Kan jy glo? Binne bestek van 'n paar honderd
meter kan jy vanaf die Weskaap tot bo in Gauteng stap, of na Kwazulu-Natal,
die Vrystaat, die Bosveld of tot in Hillbrow! Jy kan smul aan die lekkernye
van elke streek in ons wonderlike land of jy kan iets koop wat eie is aan
elke streek.
Met 'n deel van die opbrengs van die komende fees wil ons, ons hulp uitbrei
van Felicitas skool asook die Beskermde werksplek. Dit is beide instansies
wat na verstandelik gestremdes omsien. Felicitas sien om na verstandelik
gestremde kinders en die Beskermde werkplek sien om na verstandelik
gestremde volwassenes. Beide hierdie instansies voer 'n oorlewingstryd omdat
staatsubsidies drasties ingekort is. Met die ander deel van die opbrengs van
die fees wil ons ook graag ons kerkterrein verder verfraai. Ons meld ook
graag dat ons tydens die fees ruim geleentheid gaan gee om aan die Bibliaton
2000 deel te neem.
http://www.oocities.org/Athens/Olympus/6118/fees.htm
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
