| "Troue" deur CHARL DURAND [boodskap #27831] |
Thu, 04 November 1999 00:00  |
|
|
Oorspronklik gepos deur: @sympatico.ca
Troue
Charl Durand
Op pad sing Kurt Kobain oor die draadloos in my kar: Nee, ek
het nie 'n geweer nie.
Die kerk is te klein vir almal. Net die bruid, haar nuwe man en
die naaste familie pas in die kapelletjie. Die res staan buite in
die reën soos huilerige bywoners wat totsiens kom betoon aan
die landheer se laaste dogter.
skielik wil ek huistoe gaan.
daar's wit duiwe wat op 'n torinkie langs die kerk sit. een styg
op en die hemel wat 'n oomblik tevore nog grou toegevou was
kraak en die son blink vir 'n oomblik in 'n waterpoel.
Als is dood en vernuwing. Siklusse. elkeen probeer 'n nuwe
storie skep maar wat is nuut? Kennis is twee-dimensioneel:
dit strek terug in die verlede maar min mense klim die tou
wat uit die hemel hang.
Buite die kerk, na die tyd, herken sy my nie. Ek stel myself
voor. Ek is Andries, tannie. Sy lyk nes Ouma, toe sy nog in
die bo-dorp van Kemptonpark gebly het. Waar ons moes
stilbly as die Boeings Sondae-oggende hul sterte oor die dak
die lug ingetrek het. Dertig jaar gelede. In die woonstel met
die rooi stoep en die kwaai ou vrou in nommer twaalf wat
vingerwys want ek het met my fiets oor die grasperk gery.
Dis makliker vir ons om te huil oor die verlede as die toekoms.
Jesus het gehuil oor die toekoms. Dis 'n kruis om die toekoms
te kan sien.
Oom Niek is bedruk, sê my tannie. Hoe gaan dit met jou Pa?
Goed dankie, Tannie.
Ons word nou oud, sê oom Niek. Hy't dit by Ouma se begrafnis
ses jaar gelede ook gesê. Daar was 'n dogtertjie in 'n wit rokkie
wat tussen die grafstene gespeel het tot haar pa haar geroep het,
kom staan hier by ons.
Na die toesprake, die sjampanje en die voorgereg gaan sit ek op my
hurke by my tannie-hulle se tafel en skryf my telefoonnommer
agterop my business card. Pa is siek, sê ek, ek wil nie kontak
verloor nie.
Jolanda en haar nuwe man vlieg vanaand Praag toe. Dis lente in
Praag.
Toe ons ry, reën dit nog steeds.
Kurt Kobain was verkeerd.
|
|
|
|
| Re: "Troue" deur CHARL DURAND [boodskap #27917 is 'n antwoord op boodskap #27831] |
Wed, 10 November 1999 00:00  |
reisiger
Boodskappe: 645
Geregistreer: July 1999
Karma: 0
|
Senior Lid |
|
|
In article , @sympatico.ca wrote:
> Als is dood en vernuwing. Siklusse. elkeen probeer 'n nuwe
> storie skep maar wat is nuut? Kennis is twee-dimensioneel:
> dit strek terug in die verlede maar min mense klim die tou
> wat uit die hemel hang.
Kennis is ook multi-dimensioneel. 'n Mens kan die toekoms verander, as
jy toekoms modelle sien, en tegnieke ken om dit te verander. En 'n
beter toekoms vir almal hier te skep. :)
> Dis makliker vir ons om te huil oor die verlede as die toekoms.
> Jesus het gehuil oor die toekoms. Dis 'n kruis om die toekoms
> te kan sien.
Dit is baie voordelig ook. Jesus het die toekoms 2000 jaar gelede
gesien, en gehuil. Indien 'n mens die toekoms nou kan sien, kan dit
manipuleer word om 'n beter toekoms te skep, vir almal hier. :)))
Die Odyssey tydskrif het 'n artikel wat voorspel dat die Nuwe SA die
lig vir die res van die wêreld gaan wees. Dit het alreeds begin - Help
die VSA, Hoe om met die ANC saam te werk, ens. Onbaatsugtige diens is
liefde. :)
> Kurt Kobain was verkeerd.
Onthou die eerste Christene 2000 jaar gelede het die Romeinse Ryk
d.m.v. naasteliefde verbrokkel. Non-violence het apartheid help
verbrokkel. :)
Urine Terapie se genesing is vir almal in die NSA, Sadec, en ook vir
die hele wêreld. Hoe trots gaan ons in die NSA wees wanneer 'n goedkoop
middel uitgevind word. :)))
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
