| Re: Komete - [boodskap #25308] |
So, 15 Augustus 1999 00:00 |
Dries Venter
Boodskappe: 299
Geregistreer: Januarie 1996
Karma: 0
|
Senior Lid |
|
|
Oom Hans,
Bestaan Veneta Shell nog? Die (gewese?) eienaar het my darem eenkeer uit
'n lelike penarie gered toe ons altwee ons Landrover se noodwiele op die
woestynpad tussen Windhoek en Walvisbaai verloor het daar digby
Vogelstruisfederberg (of so iets). Die klippe het daardie bande soos 'n
mes oopgekloof. Dit was nogal SAG's ook, veronderstel om taai te wees...
Aai, dit laat my sommer opnuut verlang na daardie wye, uitgestrekte vlaktes
wat so plat soos 'n tafelblad is met sulke snaakse, skerp bergrue wat deur
die blad steek, geen teken van voetheuwels nie, en so in die verte die
ligrooi skynsel van die eerste Namibduine. Ek praat nou van die area
tussen Sesriem en Naukluft op Windhoek se kant toe. In elk geval die ou
van Veneta Shell het my vertel hulle gaan gereeld in Kaokoland en
Damaraland in. Hy't net aan Landrovers geglo. Gesê die ander 4x4's is
net gemaak dat hy geld kan maak wanneer hy hulle moet regmaak. Ek het nou
onlangs 'n rumoer (rumour!) gehoor dat hy bankrot verklaar is.
Groete,
Dries Venter
Hans wrote in article
...
> Vriendelik - vanuit 'n snikhete Walvisbaai met 'n lekker oostewind in die
> Namib.
>
> Omie
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
