Supertaal: Prosa & poësie » "Voorspel" deur MARLISE JOUBERT

Tuis » Taal » Prosa & poësie » "Voorspel" deur MARLISE JOUBERT

Wys: Vandag se boodskappe :: Stemmings :: Navigasie

"Voorspel" deur MARLISE JOUBERT [boodskap #22821]

Sat, 08 May 1999 00:00

G.B.
Boodskappe: 2174
Geregistreer: May 1997

Karma: 0

Senior Lid

Voorspel
Marlise Joubert

Terwyl die jaar dof begin
en dagbreek grys oor dakke sleep

terwyl die see haar silwer heupe skud
geboortes gee en sterf

terwyl my vriende uit 'n vormlose nag
sirkels lag en hoeke huil
soos bekke van diere die pyn oopruk
en die lieflike flanke
van somer afskeur

terwyl die snawels van voëls
los reis en wit

is my dag pasgebore
en gewier in sand
my bruin begin warm en nakend
my mond wat bloei donker see-anemoon

terwyl die mossels ewig slaap
met swart boggels teen die son
gekeer

Rapporteer boodskap aan 'n moderator

Vorige onderwerp:	"Salome Dans" deur NP van Wyk Louw
Volgende onderwerp:	Volkskwatryne opgeteken deur Pieter Grobbelaar

Gaan na forum:

-=] terug na bo [=-

[ XML-voer ] [

]

Tyd nou: Wed Dec 04 09:30:30 UTC 2024