| Piekel-oog [boodskap #22518] |
Di, 20 April 1999 00:00 |
G.B.
Boodskappe: 2174
Geregistreer: Mei 1997
Karma: 0
|
Senior Lid |
|
|
Wie ken die woord “piekel-oog” vir ‘n voëlnaam?
Alhoewel ek nie meer goed kan onthou hoe lyk ‘n
piekel-oog nie, weet ek dat ek met die woord groot-
geword het. My man ken die naam egter nie en kry
dit ook nie in sy SA boeke oor vo”els nie.
Ek weet dat ek nie droom nie. Die anderdag het
ek ‘n gedig van George Weideman oor plaasgeluide
op die nuusgroep geplaas, en daar het hy van die
piekeloë gepraat en daarna slinks na piccolos verwys.
Nou, George Weideman se gedigte speel meestal af in
die westelike dele van SA. So hy en ek is seker voëls
van enerse vere - Noordweskaaplanders.
My man het ‘n teorie: dat wat ek ‘n piekel-oog noem,
hulle in die Oos-Kaap “tiptolle” genoem het. Sy boeke
oor voëls vertel hom dat die rooi-oog tiptol meestal in
die noordwestelike dele van SA, Namibia en tot in
Angola voorkom. Is dit my “piekeloog”?
Wie ken die woord “piekel-oog” en hoe lyk ‘n
piekel-oog?
Gloudina
|
|
|
|
| Re: Piekel-oog [boodskap #22519 is 'n antwoord op boodskap #22518] |
Di, 20 April 1999 00:00  |
Republikein
Boodskappe: 5
Geregistreer: April 1999
Karma: 0
|
Junior Lid |
|
|
Ons noem hulle Pieterpolle in Namibië, of soms "botterholle" weens die geel
gatjies :-)
@igs.net wrote in message ...
> My man het 'n teorie: dat wat ek 'n piekel-oog noem,
> hulle in die Oos-Kaap "tiptolle" genoem het. Sy boeke
> oor voels vertel hom dat die rooi-oog tiptol meestal in
> die noordwestelike dele van SA, Namibia en tot in
> Angola voorkom. Is dit my "piekeloog"?
> Wie ken die woord "piekel-oog" en hoe lyk 'n
> piekel-oog?
>
> Gloudina
>
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
