| Nog oor Ikone [boodskap #22174] |
Tue, 30 March 1999 00:00 |
Leendert van Oostrum
Boodskappe: 1880
Geregistreer: July 2000
Karma: 0
|
Senior Lid |
|
|
Oor die hofuitspraak in die saak oor die dood van Angelina, het Beeld
geskryf:
***************************
Dit gebeur te dikwels nog in Suid-Afrika dat die openbare persepsie oor 'n
saak hoegenaamd nie rym met die feite van daardie selfde saak nie.
Vandeesweek is die tragedie wat dit kan veroorsaak weer bewys.
Familielede, vriende en belangstellendes van die Zwane-gesin kon nie vrede
vind met die bevinding van die hof dat mnr. Nico Steyn geen bedoeling gehad
het om baba Angelina dood te maak nie en daarom 'n opgeskorte vonnis gekry
het. Familielede, vriende en ondersteuners van dr. Allan Boesak kon weer nie
aanvaar dat hy wél geld gesteel en bedrog gepleeg het en daarvoor tronk toe
moet gaan nie.
In albei hierdie sake is wilde persepsies geskep en emosies as gevolg
daarvan opgejaag. En dit is gedoen lank voordat die tweesnydende swaard van
die gereg die werklike feite oopgevlek het.
'n Woordvoerder van pres. Nelson Mandela het net ná Angelina se dood gesê
die president beskou die daad "as gevoelloos en onmenslik, een wat die
swaarste straf binne ons regstelsel verdien".
Selfs net ná die uitspraak in die Zwane-verhoor eergister het die minister
van justisie, mnr. Dullah Omar, suspisie daaroor gegooi deur te sê hy gaan
'n verslag oor die saak aanvra. Hy het ook mense aangeraai om by die
regterlike dienskommissie te kla oor "uitsprake en vonnisse wat nie
regverdig is nie".
Net so het Mandela en Omar lank voordat Boesak se saak in die hof begin het
uitsprake gemaak wat daarop dui dat hulle glo hy is onskuldig. 'n Land met
'n geskiedenis van rassekonflik soos Suid-Afrika, en waarin daar gevoelens
was dat selfs die regspleging deur 'n wit minderheid ten koste van 'n swart
meerderheid bedryf is, kan sulke uitsprake nie verwerk nie.
**********************
Ek het hierdie punt al tevore gemaak:
Luide gegil en gejil, gegrond op oningeligtheid en gemik op die skepping van
persepsies, is uiters gevaarlik vir hierdie land.
In albei hierdie sake het Mandela op sy neus gekyk, en sy optrede was nie
tot sy eer, of tot dié van die land nie.
Wanneer dit nog kom van mense soos Gloudina, wat knus en veilig met haar
persepsiemeul in die buiteland sit, en nie moet saamleef met die gevolge van
die wanpersepsies wat hulle skep en onderhou nie, moet sulke gedrag gesien
word as laakbaar in die ergste graad.
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
