Supertaal: Prosa & poësie » "Die Toring van Babel" deur FERDI GREYLING

Tuis » Taal » Prosa & poësie » "Die Toring van Babel" deur FERDI GREYLING

Wys: Vandag se boodskappe :: Stemmings :: Navigasie

"Die Toring van Babel" deur FERDI GREYLING [boodskap #21078]

Sa., 13 Februarie 1999 00:00

G.B.
Boodskappe: 2159
Geregistreer: Mei 1997

Karma: 0

Senior Lid

DIE TORING VAN BABEL
Ferdi Greyling

hulle kyk uit oor die land
hulle lag hardop
en waar hulle lag val
groei plante van vrees
hulle praat en hulle woorde
marsjeer soos soldate
deur die strate
hulle gedagtes dra uniform
die honde van hulle wil
blaf langs wette
wat soos doringdraad deur die dae span
in hulle agterkoppe
klik boeie inmekaar
hulle gaan saans huistoe
en sit agter die lessenaar van slaap
om hulle drome skoon te maak en te olie
hulle bou kasernes
hulle sê daar is julle huis
julle sal in planne woon
julle sal apart wees
met julle sal ons
God 'n toring van Babel bou

Rapporteer boodskap aan 'n moderator

Vorige onderwerp:	Uit "Verse" van N.P. van WYK LOUW
Volgende onderwerp:	"Ontbloot die Nag" van MARLISE JOUBERT

Gaan na forum:

-=] terug na bo [=-

[ XML-voer ] [

]

Tyd nou: So. Mei 31 06:57:23 UTC 2026