| (awea) deur MARLISE JOUBERT [boodskap #19678] |
Wed, 30 December 1998 00:00 |
G.B.
Boodskappe: 2173
Geregistreer: May 1997
Karma: 0
|
Senior Lid |
|
|
(awea)
-marlise joubert-
ek sit in koue lenteson
in die streepstoel onder ons prieel
kyk hoe wit die appelkoos se boom
al skuimend bot
en die wingerdstok se rasper gee
klein groen blaartjies af
die son sit drie duim bo die berg
by wolwas skyn die lente seker nou
op skapies in die groene gras
en reën die veld haar kleure uit
soos 'n kamee
elke woensdag eet ek pannekoek
sinneloos by gkw
kyk na tannies van die dorp
hul klein basaargesiggies suurgeplooi
om die besige breiwerk van elke mond
kletsendekletsende met laslappiehare
en wangetjies volgestop met soet beskuit
ek sit in koue lenteson
en rasper klein 'n groen verdriet
oor wolwas uit
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
