| "tuisteskeppers" deur MARLISE JOUBERT [boodskap #19231] |
Ma, 16 November 1998 00:00 |
G.B.
Boodskappe: 2174
Geregistreer: Mei 1997
Karma: 0
|
Senior Lid |
|
|
tuisteskeppers
Marlise Joubert
hulle noem hulself die komitee van twee
en op 'n dag is daar beroering in elke tree
kultuurbewus trippel die twee vinnig mee
fluister benoud o ons moet konfedereer
dis byna damesoggend met koek en tee
ons moet nog soveel reël en gee
hier laat haal en daarso bel opreg verleë
die dames vra om vinnig te verklee
vir die tuis-ontwerpte modeskou
komitee van twee se werkprogram
word soos 'n broodjie ingesuur
die een sorg dat elke westville-buur
haar geldjies na die ware bussie stuur
die ander een hou streng die woord by daad
sy doen gekultiveerd haar doen tot sawens laat
en immer stralend word elke maat
ge-motivate ge-inspirate
die saal se hoekies word ge-decorate
bespreek bepraat tot in die hoogste graad
komitee van twee is eintlik meer as een
en elke bykomstige been weet hoe om te bedel
totdat net die beste koppies reën
hoe om die saal tot paradys te tooi
met skildernaald en hekelwerk
met servetjies vlinderpienk vir mond alleen
vars gebak vir elke smaak onbeperk
en blomme soos bruidjies aaneen aaneen
ai die groot dag het spoggerig professioneel gebeur
so met spraak en sang en modekleur
van vrouens milady's-jonk of in foschini-fleur
elkeen grootoog nuuskierig en opgebeur
mevrou van die administrateur
het gesorg vir politiek en terreur
maar dit was die modeskou in majeur
wat iedereen kon hipnotiseer
mevrou professor het ingedans en gewink
met electric-blou
die oë bewonderend gevange gehou
die entrance van mevrou dokter
was soos 'n uitgelate pou
wat haar wye elegante hoed
so oop en toe laat vou
die l.o.-juffrou het eers geklou
om alles tergend toe te hou
toe die rok laat val met baaikostuum
gewys sy is voorwaar oulikies gebou
applous! applous! met geen berou
dit was 'n oggend vir die vrou
nog steeds op wolke van die irreële
het sekere lede en onderdele
van die komitee van vele weer vergaar
vir die natmaak van die kele
om net vir oulaas darem weer te draal
oor daardie melk-en-heuning-oggend in die saal
agurkies olywe doopsous en kaas
word vinnig verorber gulsig geaas
dames ons drink 'n glasie
op hierdie laaste bymekaar
en onthou ons sien julle almal
weer aanstaande jaar!
(ongepubliseerde gedig)
Kopiereg voorbehou.
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
