| omgaan [boodskap #146759] |
Di, 22 Oktober 2024 19:40 |
 |
Leksikograaf
Boodskappe: 20770
Geregistreer: Maart 2019
Karma: 1
|
Senior Lid |
|
|
omgaan
Afbreking: om•gaan
Samestelling: om + gaan
Werkwoord: gaan om, omgaan
Verlede tyd: het omgegaan
Betekenis:
• Om rondom iets te beweeg.
• Om verby te gaan.
• Om orals besoek af te lê.
• Om tyd in ander se geselskap deur te bring.
• Om met iets te handel of te werk.
Gebruik:
• Hy horlosie se wysers gaan om en om. Wat omgaan kom terug.
• Die tyd wil net nie omgaan nie.
• Die diaken het by al die huise omgegaan om te kollekteer.
• Hy gaan altyd vriendelik en taktvol met sy werkers om.
• 'n Mens kan nie te versigtig met geld omgaan nie.
Spreekwoord:
• Aan die steelkant omgaan. [Iets onverwags doen om iemand te uitoorlê.]
• Wie met pik omgaan, word daarmee besmet. [Wie met slegte vriende deurmekaar is, word self sleg.]
Afgelei:
• omgaande
Vertaling:
Engels: to go around; to pass; to go about; to associate socially; to handle, cope, deal
Nederlands: omgaan
Selfstandige naamwoord: omgaan
Meervoud: –
Betekenis:
• Sosiale interaksie tussen mense, of seksuele interaksie tussen mense.
Gebruik:
• Die omgaan met slegte vriende en prostitute mag soms lekker lyk, maar dit lei tot verderf.
Vertaling:
Engels: associating
Nederlands: omgaan
Laat weet asb as die inskrywing foute bevat of verder verbeter kan word.
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
