| gewas [boodskap #142501] |
So, 09 Julie 2023 20:18 |
 |
Leksikograaf
Boodskappe: 20785
Geregistreer: Maart 2019
Karma: 1
|
Senior Lid |
|
|
gewas
Afbreking: ge•was
Selfstandige naamwoord: gewas
Meervoud: gewasse
Verkleinwoord: gewassie
Meervoud van verkleining: gewassies
Betekenis:
• (landbou) 'n Plant wat deur die mens verbou word om te oes.
• (medies) 'n Oormatige plaaslike weefselgroei.
Gebruik:
• Mielies is die belangrikste gewas wat is die Vrystaat verbou word.
• Die dokter probeer bepaal of die gewas goedaardig of kwaadaardig is.
Hiponiem:
• dekgewas
• bolgewas
• graangewas
• groentegewas
• hooigewas
• knolgewas
• misgewas
• peulgewas
• somergewas
• stapelgewas
• struikgewas
• tuingewas
• veldgewas
• voergewas
• wintergewas
• beengewas
• breingewas
• kankergewas
• kliergewas
• niergewas
Afgelei:
• gewasboerdery
• gewaskunde
Vertaling:
Engels crop; growth, tumor
Nederlands gewas
Werkwoord: was
Verlede tyd: het gewas
Teenwoordige deelwoord: wassende
Verlede deelwoord: gewaste
Betekenis:
• Verlede tyd was was; met 'n vloeistof skoongemaak; gereinig.
Gebruik:
• Het jy jou hande gewas?
Spreekwoord:
• Sy kop word gewas. [Iemand goed berispe.]
• Waar jy nie self by is nie, word jou gesig nie gewas nie. [Bly by jou goed as jy nie skade wil hê nie.]
Afgelei:
• afgewas
• ingewas
• ongewas
• opgewas
• uitgewas
Vertaling:
Engels: washed
Nederlands: gewassen
Laat weet asb as die inskrywing foute bevat of verder verbeter kan word.
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
