| drie gesigte van eensaamheid [boodskap #140282] |
Di, 20 September 2022 12:18 |
Louis Basson
Boodskappe: 200
Geregistreer: Junie 2022
Karma: 4
|
Senior Lid |
|
|
mensalleen stap jy oor die yskontinent se vlaktes
terwyl vallende sneeuflokkies ru teen jou baard vasgekoek word
deur ‘n stormwind wat enige ysberg sal versuif
die enigste geluid is die onaardse gesuis van die wind
en die af-en-toe se geskeur van krakende ys
allenig stap jy oor die veld van die groot karoo
terwyl die son se strale ongenaakbaar op jou vel inbrand
en ‘n warrelwind al dansende in die verte verbybeweeg
die enigste geluid kom van jou asemhaling, jou hartklop, die bloed in jou are
en die af-en-toe se gefluit van ‘n voël
stoksielalleen stap jy in die hoofstraat van die wêreldstad
versigtig om nie deur die mensemassa vertrap te word
of tussen verbyflitsende voertuie te beland nie
die enigste geluid is ‘n mengsel van die onnatuurlike geraas van voertuig en mens
en die af-en-toe se geblaf van ‘n hond
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
