| sedoos [boodskap #140163] |
Do, 01 September 2022 16:44 |
Louis Basson
Boodskappe: 200
Geregistreer: Junie 2022
Karma: 4
|
Senior Lid |
|
|
suidoostewind kaapse dokter suidoos sedoos
ek glo daar is nog vele ander name op jou pasboek gedruk
party heel beskrywend en ander minder so
want vir vele is jy dit waarna hulle uitsien
wanneer die somer met sy hittegolwe nader skuif
en die lug van bose kieme gereinig moet word
of om te help met die opruim van papier- en plastiese sakke
terwyl net soveel ander se bloed begin bruis
oor al die stof wat by elke opening ingeforseer word
en die plante wat geskroei word ten spyte van al die water wat hulle kry
of dit nou uit liefde is of uit haat
wees verseker dat jou naam op die tong
van elke mens wat die kaap besoek rol
want sonder jou is die kaap net nie moontlik nie
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
