Supertaal: Woordeboek

Tuis » Taal » Woordeboek » seël

Wys: Vandag se boodskappe :: Stemmings :: Navigasie

seël [boodskap #140064]

Sat, 20 August 2022 20:01

Leksikograaf
Boodskappe: 20993
Geregistreer: March 2019

Karma: 1

Senior Lid

seël
Afbreking: se•ël

Selfstandige naamwoord: seël
Meervoud: seëls
Verkleinwoord: seëltjie
Meervoud van verkleining: seëltjies

Betekenis:
• Verkorting van posseël; stukkie papier met 'n gomlaag as bewys dat posgeld betaal is.
• Stempel of wapen waarmee 'n brief gemerk word om egtheid aan te dui.
• Voorwerp waarmee iets so afgesluit word dat mens sal kan sien as dit oopgemaak is.

Gebruik:
• Sy plak 'n seël op die brief. Hy versamel seëls.
• Die koning drup warm lak of die brief en druk sy seël daarin.
• Die koevert se seël is gebreek.

Afgelei:
• inkomsteseël
• posseël
• seëlkoste
• seëllak
• seëlmerk
• seëlontwerp
• seëlring
• seëlstempel

Vertaling:
Engels: stamp; seal
Nederlands: zegel

Werkwoord: seël
Verlede tyd: het geseël
Verlede deelwoord: geseëlde

Betekenis:
• Om van 'n seël of stempel te voorsien.
• Om dig af te sluit.

Gebruik:
• Die stukke word geseël.
• Seël die bottel behoorlik.

Afgelei:
• afseël
• toeseël
• verseël

Vertaling:
Engels: to affix a seal or stamp; to seal
Nederlands: zegelen

Nota:
• Moenie "seël" met "seel" verwar nie.

Laat weet asb as die inskrywing foute bevat of verder verbeter kan word.

Rapporteer boodskap aan 'n moderator

Vorige onderwerp:	doopseel
Volgende onderwerp:	b.nw.

Gaan na forum:

-=] terug na bo [=-

[ XML-voer ] [

]

Tyd nou: Thu Jan 09 07:25:11 UTC 2025