| tyd [boodskap #139863] |
Wo, 03 Augustus 2022 21:36 |
Louis Basson
Boodskappe: 200
Geregistreer: Junie 2022
Karma: 4
|
Senior Lid |
|
|
soos 'n alomteenwoordige skaduwee
is jy altyd getrou aan ons sy
gereed om gebruik te word
en jou volle aandag aan ons probleme te wy
jy help ons om dinge te vervaardig
om oorloë en ontdekkingsreise te beplan
en jy leer ons kinders op skool
dat as hul werklik wil, dan sal hul kan
onwetend gebruik ons jou in alles wat ons doen
maar tog raak ons gou gou van jou bestaan bewus
as ons so 'n bietjie van jou steel
om die moeë liggaam te laat rus
anders as die skaduwee
wat sigbaar is en ons dus nie kan ontken
kan ons jou nie sien
en daarom word jy nie behoorlik verken
jy het so die oorsaak geword
van al ons probleme wat ontstaan
terwyl ons pragtige planeet
vinnig besig is om te vergaan
ons gebruik jou as verskoning wanneer ons faal
want ons is so geneig om te sê
dat ons iets tog so graag sou wou doen
as ons net meer tyd kon hê
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
