| God se juwele [boodskap #139594] |
Sat, 25 June 2022 07:51 |
Louis Basson
Boodskappe: 200
Geregistreer: June 2022
Karma: 4
|
Senior Lid |
|
|
ek dank U my God vir die voorreg
om U juwele oor my pad te kon sien kom
hier waar ek as pasiënt aan ‘n hospitaalbed gekluister lê
hulle lyk van buite maar net soos gewone mense
want dit is tog presies wat hulle is
gewone mense elkeen met sy en haar eie kruis terug daar by die huis
wat hulle anders maak is daardie passie en empatie
wat so spontaan vanuit hul edelsteenharte na buite stroom
om so ons pyn te verlig en ons verblyf hier aangenaam te maak
doodmoeg en oorwerk
doen hulle dit met ‘n glimlag onder daardie masker
altyd op ‘n drafstap om betyds ‘n helpende hand uit te reik
dit is juweelmense soos hierdie
wat wys dat U werklik in beheer is
baie dankie dat ek ook ‘n blik
in U juweelkissie kon hê
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
