| aas [boodskap #139032] |
Di, 08 Maart 2022 20:59 |
 |
Leksikograaf
Boodskappe: 20792
Geregistreer: Maart 2019
Karma: 1
|
Senior Lid |
|
|
aas
Afbreking: aas
Selfstandige naamwoord: aas
Meervoud: ase
Betekenis:
• Iets (meestal vleis) wat as lokmiddel gebruik word.
• Karkas (dooie dier) wat verrot of deur aasvreters opgeruim word.
• Speelkaart het die letter A daarop.
Gebruik:
• Die boer sit aas in sy vanghok om die jakkals te vang.
• Waar die aas ook al lê, daar sal die aasvoëls bymekaarkom. [Matteus 24:28]
• Wie het die aas van skoppens?
Spreekwoord:
• As jy aan die aas roer, stink dit. [Laat vuil sake rus.]
• My oupa se hond en sy oupa se hond het saam die aas weggesleep. [Ons is baie verlangs familie.]
• Waar die aas is, vergader die aasvoëls. [Waar voordeel behaal kan word, is daar baie mededingers.]
Sinoniem:
• aanloksel
• lokkos
• lokmiddel
Hiponiem:
• rooi-aas
• potloodaas
• skulpaas
• witaas
• hartensaas
• klaweraas
• skoppensaas
Afgelei:
• aasblom
• aasdier
• aasjoggie
• aaskewer
• aaskelk
• aaskop
• aaslelie
• aasplek
• aasreuk
• aasstok
• aasvlieg
• aasvoël
• aasvretend
• aasvreter
• lokaas
Vertaling:
Engels: bait; carrion; ace
Nederlands: aas
Werkwoord: aas
Verlede tyd: het geaas
Betekenis:
• Om vir voedsel te jag; op iets teer.
Gebruik:
• Die uil aas op muise.
Vertaling:
Engels: to feed, prey upon
Nederlands: azen
Laat weet asb as die inskrywing foute bevat of verder verbeter kan word.
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
