| Re: Afrika is hard en wreed............... [boodskap #13727] |
Thu, 02 April 1998 00:00 |
Leendert van Oostrum
Boodskappe: 1880
Geregistreer: July 2000
Karma: 0
|
Senior Lid |
|
|
Onrusstoker wrote in message ...
> Die ANC moes eenvoudig die politici van die ou regering
> in die tronk smyt (robbeneiland) en 'n vinnige verhoor/teregstelling
> hou vir die wat hul vergryp het aan boosaardighede.
> En dan ophou: wat dan klaar is is KLAAR.
As hulle skuldigbevindings kon kry - anders sou hulle die beginsels wat
hulle voorgee om te huldig self verkrag het.
> Hulle moes gemaak het wat mens van oorwinnaars verwag:
> maak skoon en begin opnuut, herskryf die geskiedenis.
> Daar word nie van die kat verwag om aan die muis genade te betoon
> nie, en 'n leeu vreet nie gras nie. Nie in Afrika nie.
Jy is heeltemal reg. Wat jy buite rekening laat, is dat die ANC vreeslik
graag _nie_ wil wees soos die res van Afrika nie. Om die waarheid te sê, nie
baie ouens in die res van Afrika wil graag wees soos die res van Afrika nie.
'n Amerikaanse joernalis het onlangs op die Voice of America vertel hoe dit
in feitlik elke onafhanklike Afrikaland daaraan toe was in die
sestigerjare - diktatorskappe, waar alle media aan die staat behoort het, en
waar die Weste en die Oosbloklande gewedywer het om geld in te pomp om die
guns te wen van korrupte regeerders wat min of meer gedoen het wat hulle
wil - onhou jy Idi Amin?
Dinge het sedertdien veel verander in Afrika, was die oordeel van die
joernalis.
Dis natuurlik dieselfde argument wat Herman Gilliomee gebruik het toe hy tot
die slotsom gekom het dat SA vandag in 'n baie swakker toestand sou wees as
die boere in die vyftigs of sestigs die mag oorhandig het aan die ANC & Kie.
>
> Maar die ANC het besluit hulle sal probeer goed en genadig wees
> en die westerse wereld wys dat hul nie soos hul voorgangers is nie
Nee die ANC het dit nie "besluit" nie. As die ANC hom nie verbind het tot 'n
behoorlike, onderhandelde grondwet nie ('n wet van die vorige parlement,
onthou) sou hy (en ons) nou nog in die bos gewees het.
> Dit het nie gewerk nie.
> Die swartes is nie tevrede nie, die blankes hou nie op kla nie,
> die oud-politici en moordenaars kom weg met alles, en almal
> is of ontevrede of hartlik gatvol vir die hele ou storie.
Snaaks genoeg, skryf die ANC self die oorsaak hiervoor toe aan ander dinge
as jy - dinge soos hul eie onbevoegdheid (Mandela se uitspraak 'n week of
wat gelede - "Onthou, ons kom uit die bos om 'n sofistikeerde land te
probeer regeer"), korrupsie (ANC se algemene kongres vanjaar), ens.
Soos ons (en die ANC) hoër op in Afrika gesien het, word hierdie dinge nie
uitgeskakel as jy 'n verdelgingsbeleid uitvoer nie. Inteendeel.
Nee, wat, Galjoen. Die "oorwinning" was nie so eensydig as wat jy blykbaar
dink nie. Maar die ANC hou natuurlik daarvan as jy so dink.
Vriendelike groete, Leendert
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
