| kapitaal [boodskap #132212] |
Vr, 17 Julie 2020 16:25 |
 |
Leksikograaf
Boodskappe: 20792
Geregistreer: Maart 2019
Karma: 1
|
Senior Lid |
|
|
kapitaal
Afbreking: ka•pi•taal
Selfstandige naamwoord: kapitaal
Meervoud: kapitale
Verkleinwoord: kapitaaltjie
Meervoud van verkleining: kapitaaltjies
Betekenis:
• 'n Groot som geld; bedrag wat iemand besit en waarop rente verdien word.
• Bedrag geld wat vir 'n onderneming of saak benodig word.
• Nie-geldelike bates (soos menslike of kulturele kapitaal).
Gebruik:
• Die privaat besit van kapitaal het 'n belangrike invloed op die manier waarop hulpbronne in 'n vryemarkekonomie toegewys en aangewend word.
• Hoeveel kapitaal benodig ons om die onderneming van die grond af te kry?
• As 'n mens dink dit is duur om kulturele kapitaal te versorg, probeer dan kulturele droogte.
Afgelei:
• kapitaalaanwas
• kapitaalarm
• kapitaalbate
• kapitaalbehoefte
• kapitaalbelasting
• kapitaalbelegging
• kapitaalgebrek
• kapitaalgroei
• kapitaalinset
• kultuurkapitaal
• langtermynkapitaal
• risikokapitaal
Vertaling:
Engels: capital; fortune
Nederlands: kapitaal
Byvoeglike naamwoord: kapitaal
Attributief: kapitale
Betekenis:
• Betreffende geld en besittings.
Gebruik:
• 'n Aansienlike kapitale uitleg word benodig om besighede wat werksgeleenthede skep op die been te bring.
Vertaling:
Engels: capital
Nederlands: kapitaal
Laat weet asb as die inskrywing foute bevat of verder verbeter kan word.
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
