| Nuwe taalpuriste? [boodskap #12945] |
Fri, 27 February 1998 00:00 |
Leendert van Oostrum
Boodskappe: 1880
Geregistreer: July 2000
Karma: 0
|
Senior Lid |
|
|
Vir meer as drie maande al kef Koos teen die idee dat ons 'n "swart
regering" het:
Feitelike en logiese argument ignoreer hy saliglik (maar dit is mens al
gewoond). Selfs as sy gekef ge-ignoreer word, karring hy aanmekaar terug na
dieselfde punt:
Ferdi wrote in message ...
> On Wed, 25 Feb 1998 16:28:50 +0100, "Leendert van Oostrum"
> wrote:
>
> > beskuldiging dat iemand anders weghardloop van 'n argument seker te wagte.>>
>
> Lees toe wat jy gaan opsoek het.
> Toe raak ek weer getref deur die feit dat jy die regering toe sommer
> weer 'n "swart regering" noem!!
>
> Nogal terwyl jy oor Gill Marcus en Derek Hanekom skryf!!
>
> Let toe ook op hoe jy hulle beledigend "token" noem en voort tier oor
> die "swart regering".
> Jy verklaar hulle sumier tot "token" sodat jy nie verkeerd hoef te
> wees nie!!
>
> Jy het natuurlik daarmee jou leun bloot na 'n ander plek in die sin
> geskuif!
> Dink toe aan "draaijakkals" en so aan wat jy hierbo noem.
>
> Toe dink ek ook aan die hoogheilige "mode" wat jy soms ingaan wanneer
> jy so "bronne" en "feite" en so voorts demand. En hoe dit verdwyn as
> jy onder druk in 'n argument kom!!
>
> Toe lag ek nogal vir jou "weghardloop van 'n argument" hierbo!!
Ek gaan snuffel toe bietjie in die koerante rond, en raai!
Dit lyk asof daar by Beeld 'n redaksionele verbod bestaan op die gebruik van
die term "swart regering". Sedert 1994 verskyn dit slegs so hier en daar in
briewekolomme, en een of twee keer waar gasbydraes geplaas word deur
skrywers soos Prof Bouke Spoelstra (28/6/94) en Dr Franklin Sonn (21/5/94).
Daarna verdwyn die frase feitlik heeltemal, behalwe waar die politiek
korrektheid so bietjie opslip ('n arme moes dit seker erg ontgeld). In
Sake-Beeld word dit eenmaal genoem op 10/5/95.
En dan 'n hoofartikel op 2/2/96 waarin verwys word na die Zimbabwese
regering as 'n "(swart) regering". Interessant genoeg het dit, sover ek
weet, nog nie eenmaal sedert Zimbabwese onafhanklikheid gebeur dat daar nie
ten minste een "witte" in die Zimbabwese regering was nie. Volgens Koos se
norme vir 'n "swart regering" moet ons dus aanneem dat die outeur van die
hoofartikel in Beeld nie bewus was van die teenwoordigheid van 'n witte in
die Zimbabwese regering nie - of nie bewus was van 'n verbod op die gebruik
van die term by Beeld nie.
Ander koerante van Naspers, daarenteen, voel hulle blykbaar nie so gebonde
nie. Die Burger skryf lustig oor die huidige regering as 'n "swart
regering", behalwe in 1995. City Press verlustig hom letterlik in die term,
soos byvoorbeeld op 16/2/97. Op 19/1/97 skryf KHULU SIBIYA in die rubriek
"MY WAY" onder die opskrif "Live where you prefer!" (keuse van woongebiede)
die volgende:
"We now have qualified people who want to improve the quality of
life in all areas for everyone, and we have a black government that
will not turn its back on its own people."
Ook koerante wat nie Naspers is nie, voel hulle vry om die term te gebruik.
In Mail&Guardian van 19/6/97 skryf GUMISAI MUTUME soos volg:
" A FEW years ago, no one would have imagined that Eugene Terre'Blanche,
leader of the extreme right Afrikaner Weerstandsbeweging (AWB), would sit
out a prison sentence in a country led by a black government."
Dus: Dit lyk amper asof daar sedert middel 1994 by Beeld 'n redaksionele
beleid is dat daar nie na die huidige regering verwys mag word as 'n "swart
regering" nie. Dit lyk nie asof ander koerante 'n soortgelyke verbod toepas
nie. Volgens daardie koerante, lyk dit my, is dit redelik algemeen om die
huidige regering as 'n "swarte" te beskou, in ooreenstemming met my eie
redenasie van 27 November verlede jaar.
Nou het ek nie 'n probleem daarmee as koerante beleid vasstel vir gebruik
deur hul eie skrywers nie. Ek het selfs nie 'n probleem daarmee as hulle
daardeur die toon aangee in die gemeeskappe wat hulle bedien nie.
Ek het wel 'n probleem daarmee as hul joernaliste soos taal-"hitmen" uit die
dae van Hennie Terblanche en die Akademie in die nuusgroepe uitgaan om die
taalgebruike van hul eie publikasies af te dwing.
Ek het nog 'n erger probleem daarmee as die betrokke taalgebruike die
werklikheid verduister ter wille van politieke korrektheid.
Miskien moet mens vir Beeld skryf en vra of hulle 'n beleid toepas wat
verbied dat daar na die huidige regering verwys word as "swart"?
En hoe is dit dat hitmen van alle soorte gewoonlik so dom voorkom?
Vriendelike groete, Leendert
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
